Jâus no tưz kriz qơư pưr txưr txux chi, muôs têx hax huv kôngz lông, txir hâur thax tsav. Côngv jâus no muôx 10 qar txux chi cxuô luz jol hâur xã. Cxuô thaz nzưr tâu tênhz, tuv muôx cxuô zav chuôz zênhx, têx tưx, tơưz thiaz txux chi jông ntơưv pêx xênhv cxuô hair nênhs xã Chiềng Sại.

Qơư tênhz tso têx txux chi, muôs thiaz kria têx tsôngk iz txưv muôx, kar nox, kênhx; hax huv zos kôngz lông txir nox, têx chuôz zênhx, triav txuôk uô liax têz. Cxuô qar thaz nzưr tưz muôx chôngz pêx xênhv thiaz mul ndis shuôk, saiz têx tsôngk hnar, cxais zênhx zav, zuôr têx hax huv hâur thax tsav...

Hâur jias kriz cêr grâuv pax tsênhv kriz tưr têx zav txux chi thể thao, li: Tuô hnênhr, ntâuk tux luz, lâuz pak, truz hluô, tưr tuôr nduôr, tưr tơưv lâus… Đros trâu muôx 200 lênhx nhoz trâu 10 luz jol hâur thax tsav xã tuôx côngv uô cuz lus. Cxuô paz tưr, tưz sir jos tưr tas siaz, đros trâu siz chos cơưv shâuv, thôngx siaz, tưr uô siaz lus trâu hnuz grâuv pax.

Đhâu tưr, Ban tổ chức tưz muôz huv puz 12 hov tiv iz, 15 hov oz, 20 hov pêz, 22 hov txơưx trâu têx nênhs tưr tâu cxuô zav.