Tuôx tênhz tso muôx 9 qar huv ntơưv têx jok thiaz 3 qar huv "Tsik zuôr nhiax" ntơưv xã tâu tso caz cuôs, cxaz shôngz tênhv cov fiv jav, muôx ntâuz txaix, uô qơư huv trâu sơưr đơưk ndơưs, muôx txux tox siaz. Têx qar huv tênhz tso, kria ntâu kôngz txir muôx ntơưv thax tsav, muôx cxur blâuv têz, poz cưk, jiz mur har jôngr, njuôs kruôr, ndêx tơưr zax, cxuô zav jâuz kol hur zos pêx xênhv hâur xã uô tơưv. Iz chas ntơư, ntâu huv tưz đhâu uô tsês, ntiv hnaz li txir tsơưz yuôz kruôr, njuôs njêr, chơưr nzưs uô trơưk cênhz cưv thiaz têx tưx uô trơưk cênhz cưv, uô trâu têx kruô nuôv zax xar saiz shuôk.

Ntơưv têx qar huv, pêx xênhv tưz kria têx tsưr ziv uô tơưv, têx tsưr ziv uô trâu têx liax têz, txix xair nôngz, tsưx ar, tsưx jôngr txos huôv tsar nox nhoz truôx njês. Ntâu tus kruô nuôv zax tưz nhiav tâu mnôngs têx jax luk thav ndax txos cêr tsêz chos, chaix sâu kôngz txir thiaz têx faz tsưr ziv ntơưv pêx xênhv Hmôngz, Poz Ziz, Poz Thơưx, Maz đros đraiv liax têz đhâu ntâu tiav nênhx.

Kriz qar huv tênhz tso kôngz txir siz chos uô tâu qơư ndis saiz trâu pêx xênhv thiaz kruô nuôv zax, đros ntơư yâu mông têx txơưv zênhx kôngz txir ntơưv zuk thax tsav. Đhâu têx nuv no, pêx xênhv tâu cxơưz paz uô jông huv, iz thênhv jux juk huôv tsar hax huv; ntâu huv tâu chuôs cêr zuôr muôs, kriz tâu cêr siz khov, siz nus ntơưv têx jok đros têx tuz luôv thiaz kruô nuôv zax.

Ntơưv têx qar huv tênhz tso kôngz txir kaz, nto mông, xã Huổi Một tsênhv tuôr xav têx qar huv “Tsik zuôr nhiax” paz têx đêx hâuk thiaz cxuô zav suôz thax tsik zuôr nhiax trâu pêx xênhv thiaz têx kruô nuôv zax. Qar huv muôx nux gri hur si yax 30 triệu nhiax, zos cán bộ, công chức, viên chức, nênhs uô nuv ntơưv xã tưx côngv cxơưv, chia paz pêx xênhv nhoz têx jok đêz tuôx côngv hnuz gruôv pax.