Muk txos luz tsêr cơưv Mê nhuôv zâuk, Tiểu học jok Tảo Ván Mới nhoz đai ndur puôs pêv ntor trôngz, iz nduô đêz tsơưr thiaz thiax muôx kro ziv pêx xênhv tsêr nhoz plox lôngs shơư har jôngr. Ntơư zos luz tsêr cơưv txov nhêv, cêr fêv yax ntơưv xã Chiềng Hoa, taz tov muôx 2 lớp, 32 tus shâuv xênhz txix 3 txos 7 shông, 100% zos mê nhuôv Hmôngz. Qar tsêr cơưv tâu uô khor kho, cxơưv cxix chuôz zênhx kria thiaz cơưv ntơưr, chuôz zênhx trâu mê nhuôv zâu uô si, muôx trôngx tos, taz sik puôrb lênhx kuz lơưv, tsik muôx yar puôv trâu shâuv xênhz uô si.

Hâu shông cơưv 2024-2025, cưk kria Lò Thị Vân tâu zok hâux lưv muk kria ntơưr ntơưv lớp cơưv Tảo Ván Mới. Piar kria cêr txov nhêv thơưx hnuz muk txos tsêr cơưv, ưk kria Vân haik: Shâuv xênhz  ntơưv no phênhv ntâu zos ziv pluôs ntâu lênhx tsik pâuz luk phổ thông. Niav thiaz txir muk uô jos đêz tas lơưv, tsês mê  huôv đros pos thiaz zơưs nhoz xưz, muk cơưv ntơưr tsik siz luôs, muôx têx hnuz mak cur muk hu ti gâuk tsêr, tok tuôx cơưv. Pêz cê tu, cê kria ntơưr thiaz cêr uô nênhx iz zav jux juk cov shâuv xênhz pâuz thiaz gruôs tuôx cơưv đuô.

Zuôr luôs 100% shâuv xênhz zos hair nênhs tsơưs, thâuv kria ntơưr, têx cưk kria zuôr tsuv uô jông bax tsưr ziv kria cov shâuv xênhz thiax pâuz. Têx shâuv xênhz cơưv tiểu học, tsik tâu pâuz haik luk Choz Tsiz ntâu, cưk kria tâu zok saiz lớp cêr kria luk tiếng Việt, hok cê haik luk Hmôngz kria shâuv xênhz cơưv thiaz sâu. Têx cưk kria cux cov shâuv xênhz shâuv haik luk Choz Tsiz hâur têx luz six hơưv cơưv cov sưv, chia paz  shâuv xênhz cov blias luk.

 Tsêr cơưv, nhiv no muôx 2 tus cưk kria taz tov kria lớp mê nhuôv zâuk thiaz lớp tiểu học zos shâuv xênhz  lớp 1, lớp 2. Tiv zos tsêr cơưv nhoz đêz Yar cơưv lox, txov nhêv muk lok, li ntơư cưk kria tưz pư cias ntơưv tsêr cơưv kria tax tas tuần. Chia cov paz tâu shâuv xênhz ntơưv tsêr cơưv, oz tus cưk kria tưz muôx têx trox ntông, xar ntơưr tsik zôngv lơưv lok uô ntâu zav chuôz zênhx trâu mê nhuôv uô si… Têx zav haik no, zos uô tâu lok ntơưv têx phaz nzưr, siaz nhiav hâux lưv, paz cov shâuv xênhz xarr muk cơưv ntơưr cxuô hnuz.

Tảo Ván Mới zos luz jok tsênhv lok sik txov nhêv ntơưv xã Chiềng Hoa, muôx 134 ziv, 835 lênhx pêx xênhv, 100% zos Hmôngz. Tix lâus Yênhv Xênhv Shông, Bí thư chi bộ, hâu jok, haik: Đời Pêx xênhv luz nênhs tsênhv txov nhêv ntâu zav, phênhv ntâuátuôk uô liax uô têz, kôngz lông tsik nju. Tox siaz, tsik muôx cêr yêz  jông, pêx xênhv muk lok txov nhêv, lar haik yax mak luz chaix ntux nas mak cxuô tsar zav puôr lênhx phiv liv, têx mê nhuôv zâuk muk cơưv tsik tâu ntơưr. Pêx xênhv lok six chia siaz zuôr nzor tâu paz uô cêr khor kho ti gâuk jok, paz uô tsêr cơưv ntơưr cov jông trâu cưk kria tso siaz lus kria ntơưr trâu shâuv xênhz.

Cêr siz khov tsêr cơưv, cưk kria thiaz vax tsê zos luz luôs hâux lưv lok six tsênhv chênhz chia paz shâuv xênhz ntơưv tsêr cơưv Tảo Ván Mới têx shông lok no. Shông cơưv 2024-2025, tỷ tsôngv shâuv xênhz gruôs muk cơưv ntơưr siz luôs txênhz yax 98%, tsik yuôr shâuv xênhz tso ntơưr tsês lơưv; 100% shâuv xênhz cơưv tiar tiểu học trơưk đraiv chai. Tix lâus Sơn Xênhv Muôk, muôx mê nhuôv taz tov cơưv lớp 2 ntơưv tsêr cơưv, haik: Thâuv ntêx, ntâu ziv tsuôk chia mê nhuôv cơưv tas lớp 3, lớp 4 xưz cov nhoz tsêr uô têz lơưv. Nhiv no, tâu têx cưk kria gruô hu cxuô ziv tưz tso mê nhuôv muk cơưv tas hiểu học, viv tiak pâuz ntơưr thiax zuôr tơưv đhâu cêr pluôs, li ntơư txơưv txov nhêv bâuv tưs cux chox mê nhuôv muk cơưv cxix cxuô.

Cưk kria Nguyễn Thị Hương, Hiệu trưởng Yar cơưv Mê nhuôv zâuk Chiềng Công, xã Chiềng Hoa, haik: Tsik xav ntơưv Yar cơưv lox, nhiv no yar cơưv taz tov saiz car 14 luz tsêr cơưv ntơưv 15 luz jok, phênhv tsưik tâu ntâu tsênhv lok six txov nhêv. Yar cơưv nhiv no nhiv kruôr muôx 25 lênhx cán bộ, cưk kria xưz tsênhv tsik tâu txâuk zos njuôk li hâux lưv choz kria nhiv no têx cưk kria thâuv tưs cux nhoz trơưr chia kria ntơưr ntơưv jok, uô ntâu zav hâux lưv ntơưv thax qơư txov nhêv, Chia cov cưk kria tso siaz uô côngz xưv ntêr, Yarr cơưv tưz zok hâux lưv trâu têx cưk kria cov siz hlôngr muk kria ntơưr trâu ntơưv têx tsêr cơưv ntơưr nhoz têx jêx jok, ntuôk tsik so cov tso siaz uô hâux lưv.                                                                                                          

Nhoz trâu har jôngr nux txênhs Tảo Ván Mới, têx mê nhuôv zâu luz suôz nhênhv ntơưr, shâuv luk nxê nxênhk, chuôs li uô trâu trôngx têz qơưk no sor siaz so. Iz tus ntơưr tâu cơưv cux zos iz txox cêr chia siaz  trâu luz nênhx tov hâur ntêx zuôr txo tsơưs iz thênhv jux juk têx cêr txov nhêv  ntơưv tox siaz no. Njênhs tiak, hla đhâu tsik pâuz pêk tsơưs cêr phiv liv têx cưk kria tưz chox cêr hluz muk kria ntơưr trâu shâuv xênhz, zuôr cxơưz têx mê nhuôv zâuk ntơưv no luz nênhx tov hâur ntêx cov tâu jông.