Jias cơưv muôx thơưx car iz cxia sở, ngành ntơưv tỉnh. Jias cơưv tâu kriz yưv tivi txos têx huyện, thị xã, thành phố hâur tỉnh.

Txos nhiv no, hur si tỉnh muôx yax 85.000 ha ntông nox txir thiaz txir tuôz ziz, xav hâur shông 2025 yax 510.000 tấn, tsarr 31% njuôk li shông 2024. Iz cxia ntông nox txir tuôr xav sâu tâu nju li: Txir tsơưz 63.000 tấn; txir nkhơưz 100.000 tấn; mor môngk 100.000 tấn thiaz lưv tsiz 155.000 tấn… Ntu đê txir phênhv ntâu txix hli 3 txos hli 11.

Hâur thax tsav tỉnh taz tov paz, tsưx truôx 218 mã số kria pâuz qơư chos đar 3.142 ha thiaz 8 mã số kria pâuz qơư ntiv hnaz; têx hax huv ntiv hnaz muôx lưv tsiz, mor mông, mắc ca, chuôz thox hmaz. Huôv tsar 308 kror qơư chos kôngz txir nox hur, hur si đar yax 4.500 ha, tâu tâu trâu cêr luôv yax 50.000 tấn/shông. Têx txir muôs trâu têx tsêr mair kra kruôr, tsuôv cuô hâur tỉnh tâu zuôr luôs 100.000 tấn, đuô li zos muôs trâu têx nênhs sir zôngv hâur têz qơưk.

Muôx luk ntơưv jias cơưv, đồng chí Nguyễn Thành Công cxiz cov têx thành viên Ban Chox car, UBPX têx huyện, thị xã, thành phố cxênhz têx qơư huôv tsar chos ntông nox txir; tror moz siaz sir zôngv tsưr ziv yiaz lok tu chia cov sâu tâu nju kôngz, muôs tâu gri. Moz siaz huôv tsar trơưk faz hax huv, moz siaz trâu têx kôngz txir nox zov chênhr, muôs tâu gri, txênhz tâu cêr lax luôv hâur têz qơưk thiaz oz chas têz.