Nhiv no, xã Muổi Nọi, huyện Thuận Châu, muôx 518 ha cà phê, nhoz trâu têx jok Đông Hưng, Muổi Nọi A, Sẳng Sang, Lọng Phảng, Nà Xa.

Txix shông 2021 txos nhiv no, xã Mường Thải, huyện Phù Yên tưz paz 15 zis nênhs njiz ntâu cêr phiv liv lok sâuv uô tsêr, kho đuô tsêr nhoz, xav hur si tas 500 triệu nhiax, zos têx nênhs siaz đơưz, cán bộ, đảng viên, pêx xênhv hâur thax tsav paz nhiax thiaz paz đas jos uô tsêr.

Luz 11 hli, Hội đồng cxênhz nhav têx đề tài khoa học thiaz công nghệ cấp tỉnh tưz kriz cxênhz, sâu nhav 5 đề tài khoa học thiaz công nghệ cấp tỉnh, li: Tsov xav sir zôngv cxiv kho qơư chos txir Kiar nôngz yiaz tir tâuk ntux kruôr (nôngz txir Kiar Đuz) trơưk faz hữu cơ ntơưv Sơn La; Tsov xav cxênhz txos nhuôv nhux txuôv F1 ntơưv nhux BBB thiaz nhux Lai Sind thax tsav tỉnh Sơn La; Tsov xav thiaz cxiv tsa qơư nto mông lok sâuv huôv tsar nuôv zax njuôz ntơưv thax tsav nuôv zax têz qơưk Mộc Châu; Sir zôngv chuôz zênhx fuô mông cxiv tsa qơư (BIM) saiz car kror qơư trâu đêx ntưk thiaz liv đêx kial nênhs đrôngs lox thax tsav thành phố Sơn La; Xair zuôr thiaz cxiv tsa qơư chos iz cxia shôngz trơưv zuôr njuôs đros trâu qơư huôv tsar nuôv zax ntơưv huyện Vân Hồ.

Hnuz 27/11, Liên hiệp têx Hội Khoa học thiaz Kỹ thuật tỉnh Sơn La tưz kriz saz lax, kria têx tsưr ziv "Sir zôngv cêr uô lax luôv điện tử lol sâuv cêr siz khov zuôr muôs têx txir nox trâu iz cxia tsêr luôv, HTX kôngz lông tỉnh".

Hnuz 25/11, UBPX tỉnh Sơn La tưz kriz Jias muôz ntơưr công nhav thiaz kruôk têx hax huv zos mair uô tơưv jêx jok hov jông hâur tỉnh shông 2023.

Txix hâu shông txos nhiv no, huyện Mai Sơn tưz zuôr thiaz muôs yax 153.000 tấn hax huv muk trâu têx têz qơưk Trung Quốc, EU, Bắc Mỹ, Hoa Kỳ, têx têz qơư Trung Đông thiaz ASEAN. Xav têx huv muôs trâu luôs têz qơưk tâu 44,3 triệu nhiax đô la.

Ntu đhâu, tỉnh Sơn La tưz tso tơưv thiaz sir zôngv ntâu cêr chai cxơưz paz, hlôngr uô ntâuz ntơưr têz qơưk, paz zôngx ziv chia gruô hu tsa têx hợp tác xã. Hâur hli 10, hur si tỉnh tưz tsa yiaz 12 hợp tác xã kôngz lông, cxaz nzir hur si hợp tác xã lês hâux lưv trâu saz kôngz lông txos 829 hợp tác xã thiaz 6 liên hiệp hợp tác xã.

Lês trơưk Quyết định số 652/QĐ-TTg hnuz 28/5/2022 ntơưv Thủ tướng Chính phủ lok sâuv lês luôs hâux lưv têz qơưk tuôr xav txo tsơưs cêr pluôs truôx njês ntu 2021-2025, tỉnh pêz tưz tso tơưv Cêr xav số 97/KH-SLĐTBXH hnuz 10/10/2023 lês Dự án zâu 1 “Huôv tsar hâux lưv kria tsưr ziv uô nuv trâu thax tsav pêx xênhv pluôs, thax tsav txov nhêv” zos Dự án 4 ntơưv luôs hâux lưv têz qơưk tuôr xav txo tsơưs cêr pluôs truôx njês shông 2023.

Hur si tỉnh tsênhv tsưx truôx têx qơư zus tsiax đêx đar zuôr luôs 3.000 ha zus zuôr luôs 6.800 luz guôx njêk.

Ntu đhâu, huyện Quỳnh Nhai tưz trâu siaz fuô kria, gruô hu pêx xênhv zuôr bảo hiểm y tế cov tâu njuôk kho moz trơưk chai y tế, thâuv muôx moz tsik phiv liv.

Nthuôr huôv jông têx zav muôx txơưv hâur thax tsav, xã Tường Thượng, huyện Phù Yên tưz fuô kria, zaz zâuv pêx xênhv moz siaz huôv tsar tu zus tsiax cov yênhx hax huv, sâu nju nhiax txiax.

Xã Phổng Lái, huyện Thuận Châu taz tov muôx 650 ha yuôx zêx, đê tâu 7.800 tấn/shông. Yênhx shông, xã tưz trâu siaz njo kria pêx xênhv chos yuôx zêx trơưk VietGap, hữu cơ.

Hâur luz 10 hli, xav hur si têx nhiax yêz thâux kruô, thâux hax huv thiaz uô cxuô zav tâu yax  273 tỷ đaiv, tâu zuôr luôs 14% njuôk li chaix no tsaiz no.

Shông 2023, huyện Mộc Châu tâu muôz yax 395 tỷ nhiax têz qơưk.

HTX kôngz lông Ngọc Hoàng, xã Nà Bó, huyện Mai Sơn muôx 200 thành viên, iz chas chos zuôr luôs 86 ha xaz lênhx tsar liaz hlưz ntơưv  xã Nà Bó, HTX tsênhv muôx cêr siz khov đros yax 100 ziv nhoz huyện Thuận Châu, Sông Mã chos 100 ha xaz lênhx tsar.

Fênhx đraz têx gri hax huv 10 luz hli thax tsav tỉnh tsar yax 0,7% njuôk li chaix no tsaiz no.

Txix hâu shông txos nhiv no, cxuô ngành muôx vax huôv tưz cxênhz yuôx cov tiar têx ntơưr tỉnh njuôk tsov trơưk li cxuô bộ, ngành, cxuô qơư tưz saz lax chia piar trâu hội đồng cxênhz yuôx hâux lưv njuôk tsov tỉnh Sơn La ntu 2021-2030, bax txos shông 2050 trơưk cêr chai.

Saiz hloz hâux lưv “Côngv trâu iz luz tsêr” ntơưv têx tsêr luôv, Hiệp hội Tsêr luôv tỉnh tưz paz hội viên huôv tsar, fiv huv đros trâu hlôngr pâur số, hlôngr yiaz tsưr ziv txơưx sik tưr uô nox, cxơưz huôv tsar kôngz lông, uô lax luôv sâu nju nhiax.

Hâur hli 10, hâux lưv kria uô nuv hâur tỉnh tưz tâu fuô lês jông đros trâu ntâu tsưr ziv li fuô kria ntơưv Trung tâm kria nênhs uô hâux lưv, đhâu têx jias cơưv, đhâu mạng xã hội...

Hnuz xiaz 2/11, Trung tâm Kria pêx xênhv uô kôngz lông huyện Sông Mã đã tưz đros Sở Khoa học thiaz Công nghệ kriz saz lax tsưr ziv por hưv thiaz huôv tsar blêx blâuv tan lương ntơưv xã Nậm Mằn (Mã số: ĐTCN.03/20). Jias saz lax, muôx thơưx car Sở Kôngz lông thiaz huôv tsar jêx jok, Sở Khoa học thiaz Công nghệ, thơưx car UBPX huyện; Yar cơưv đại học Tây Bắc thiaz pêx xênhv jok Huổi Chả, xã Nậm Mằn.