Muôx đêx ar huôz chuô lax nziak thơưv shông thiaz nziv chos đêx ar huôz chuô thax tsav, Phiêng Khoài zos thax ar jông chia huôv tsar ntông txir lê Tai Nung. Đhâu ntâu shông por hưv thiaz xair tsov nôngz, pêx xênhv tưz chos tâu têx luz vax txir lê nox kaz jiz, xiv guôr, muôx cuô ntâu, lox, jông gâux siz luôs jok. 

Chia txir lêx muôx gri, nênhs chos ntông txir lê hâur thax tsav xã tưz moz siaz chos trơưk têx cxênhx cxênhv hur, VietGAP, mfông qir hữu cơ, saiz car caz hmoz hiav trơưk faz sinh học, iz phênhv tưs paz tâu tiz nênhs siaz nhiav nhiv no. Têx HTX thiaz ziv pêx xênhv hâur thax tsav tưz muôx pênhr xưv cxưx nhiax zuôr chuôz zênhx zưs đêx, por hưv txâuk chai, iz chas ntơư tsênhv đros têx tsêr luôv, siêu thị thiaz ntâu luz tsêr thaz nzưr muôs kôngz txir nox hur siz chos uô nox muôx kaz hâu.

HTX Kiên Cường zos iz hâur têx đơn vị uô ntêx lông hâur huôv tsar thax tsav chos txir lê Tai Nung ntơưv xã Phiêng Khoài. Đros trâu 18 thành viên thiaz yax 50 ha lê, xav hur si sâu tâu yax 500 tấn txir/chiv, HTX tưz cxiv tsa tâu tsưr ziv siz chos huôv tsar txos trâu uô luôv, paz txir lêx zênhv hnuz zênhv muôx gri. Txos nhiv no, HTX taz tov paz yax 20 lênhx muôx hâux lưv uô tsik tsês sâu tâu fênhx đraz txix 300.000-  400.000 nhiax/hnuz jos txix đê thiaz ntiv txir hâur hnaz.

Niav lâuk Nguyễn Thị Nguyệt, Phó Giám đốc HTX Kiên Cường, kria pâuz: Trơưk li têx luz txir lox mê, jông thiaz tsik jông gâux, lê tâu muôs txix 25.000-50.000 nhiax/chiaz. Thâuv zênhv hnuz zênhv muôx ntâu tiz nênhs nhiav zuôr txir hur lok nox, huv ntơưv HTX muôx têx thâuv tsênhv tsik txâuk muôs. Tuz luôv, têx siêu thị tuôx nus zuôr cias ntơưv vax. Đros ntơư, HTX tsênhv livestream muôs huv sâuv Facebook, TikTok thiaz têx cxênhx cxênhv số chia kria cxuô kror qơư pâuz zuk têx hax huv. Đhâu yênhx jâus tso yưv đuôz, pêz tưz zok tâu ntâu tus kruô yiaz, kriz đar cêr lax luôv, paz txir lê zênhv hnuz zênhv muôx gri.

Zos thành viên ntơưv HTX Kiên Cường, zơưs Phan Đình Sơn, jok Thanh Yên 2 ziv nênhs, nhiv no muôx 5 ha lê Tai Nung xav zuôr sâu tâu yax 40 tấn txir. Hur si puôr lênhx tâu muôs trâu ntâu kror qơư muôs hax huv hur ntơưv Hà Nội đros iz cxia tỉnh, thành phố. Zơưs Sơn haik kria: Chaix sâu txir lê piz đê đraz luz 6 hli tax tas luz 7 hli. Tov kaz đê tas lok, txir lê tâu phaiz yênhx 4 hov mê, lok six mê, lox thiaz lok six lox chia paz tâu zênhx max tiz nênhs siaz nhiav. Yênhx luz txir lê uô ntêx thâuv muôz muk muôs puôr lênhx tâu lo ntơưr kria pâuz qơư chos. Hâux lưv lo ntơưr zos ndâux luk chos uô tơưv hax huv jông, pâuz mênhx qơư chos thiaz uô tiar phênhv shuôv ntơưv nênhs chos txir trâu tiz nênhs zuôr huv. Txix kror mênhx pêv no tưz paz cxiv tsa tâu kror njênhs njôngr thiaz muôx ntâu tuz luôv xair zuôr hax huv truôx njês.

Nhiv no xã Phiêng Khoài muôx yax 90 ha lê, xav hur si sâu tâu zuôr luôs 1.000 tấn txir/shông. Hâux lưv lês txâuk chai txix chos, sâu txir, phaiz hov txos kria pâuz qơư chos tưz paz lê Tai Nung Phiêng Khoài muôx ntâu kror qơư nhiav zuôr, hlôngr yiaz cêr sik tưr uô lax luôv thiaz iz phênhv tưs tik bê lax luôv truôx njês.

Zơưs Trần Nam Trung, Chủ tịch UBPX xã Phiêng Khoài, thav pâuz: Xã tsov xav ntông txir lê Tai Nung zos iz hâur têx hov ntông nox txir zov chênhr hâur huôv tsar kôngz lông muôs thiaz paz pêx xênhv sâu nzir nhix zôngv. Ntu zuôr txos, xã tror kriz đar têz chos trơưk cêr tuôr xav, zaz zâuv pêx xênhv chos ntông nox txir trơưk cxênhx cxênhv hur, tsik so đros tsêr luôv, HTX siz chos uô nox, tsik tsês cxơưz cêr lax luôv, kria cxuô kror qơư pâuz thiaz sir zôngv hlôngr pâur số hâur zok nriar qơư uô, muôs kôngz txir nox chia hlôngr yiaz hax huv kror muôx gri thiaz sik tưr hâur cêr lax luôv.

Txix iz hov ntông nox txir tâu chos sâuv thax ar đriv têz, lê Tai Nung Phiêng Khoài nhiv no tưz muôx njêx muôs trâu ntâu siêu thị, kror qơư muôs hax huv hur thiaz tâu tiz nênhs nhoz ntâu tỉnh, thành phố pâuz txos nhiav zuôr lok nox. Kror siz chos huôv tsar hax huv jông, hax huv hur, pâuz mênhx qơư chos thiaz hlôngr yiaz tsưr ziv uô lax luôv taz tov xav tơưv cxênhx cxênhv truôx khor chia bê lax luôv lê Tai Nung Phiêng Khoài tror tâu huôv tsar đêz đar, yênhx iz hâur têx kôngz txir nox jông yax hlo ntơưv Sơn La.