Hnuz 20/6, Công an tỉnh Sơn La đros trâu Tỉnh đoàn kriz jias suôx câuv “Shâuv uô chiến sĩ công an” lớp 2, shông 2025. Côngv luôs hâux lưv "Cơưv uô chiến sĩ công an" muôx 68 lênhx shuv xênhz muôx txix 9-16 shông, nhoz ntơưv têx yar cơưv hâur thax tsav tỉnh.

Hnuz 20/6,  Liên hiệp têx Hội Khoa học thiaz Kỹ thuật tỉnh Sơn La tưz đros Sở Choz kria ntơưr kriz jias Saz lax kria pâuz "Tsưr ziv choz kria tiz nênhs txơưx uô hâux lưv thiaz muôx hâux lưv uô ntơưv Sơn La”. Jias no muôx thơưx car cxuô sở, ban, ngành ntơưv tỉnh; nov car cxuô hội thành viên ntơưv Liên hiệp hội; nênhs hlôngr njêx muôs Yar cơưv Đại học Tây Bắc, Yar cơưv Cao đẳng Sơn La.

Hnuz 20/6, Paz công xưv ntơưv Sở choz kria ntơưr tỉnh Sơn La tưz muk cxênhz yuôx côngz xưv bax trâu Jias tưr tas ntơưr THPT shông 2025 ntơưv huyện Sông Mã.

Nhiv no hur si tỉnh muôx 641 luz tsêr so, tsêr kruô; hâur ntơư 29 tsêr so, resort tâu công nhav txix 1 hnuz kuz txos 5 hnuz kuz, đuô li zos tsêr kruô, homestay thiaz ntâu tsưr ziv nuôv zax txơưr.

Nhiv no, huyện Quỳnh Nhai taz tov fuô lês 459 cêr chai ntâuz ntơưr zos li vax huôv tâu zok.

Huyện Vân Hồ muôx 4.430 ha ntông nox txir, phênhv ntâu zos lưv tsiz, mo môngk, thênhx caz, txir nkhơưz kaz jiz.

Lês trơưk chai chos ntông nox txir trâu têz tox nxaz, txos nhiv no, xã Nặm Ét, huyện Quỳnh Nhai chos yax 110 ha txir thênhx caz, lưk pax, mo môngk, lưv tsiz, txir tsơưz; hâur ntơư, 100 ha tưz tâu đê txir; xav hur si sâu tâu 400 tấn/shông.

Txix hâu shông txos nhiv no, tuz kôngz xã Cò Nòi, huyện Mai Sơn chos yax 500 ha jâuz cxuô zav, xav hur si sâu tâu yax 40.000 tấn.

Txix shông 2024 txos nhiv no, xã Mường Lèo, huyện Sốp Cộp tưz lênhv bê tông 2 txox cêr yêz mul lol hâur jol, mul yưv trâu đuô jol, xav đêz yax 1,8 caik; hâur ntơư, pêx xênhv côngv tâu 200 triệu nhiax zuôr suôz jêz thiaz côngv yax 1.100 hnuz jos uô.

Dự án tuôr xav, kho đuô pêx xênhv qơư nhoz thax tsav mas ntux hiav jok Suối Sát, xã Hua Nhàn, huyện Bắc Yên tâu UBPX tỉnh Sơn La tso chai lês, UBPX huyện Bắc Yên uô tsưr cxiv tsa, xav nhiax cxiv tsa yax 26,7 tiv đaiv txix têx pênhr nhiax bax phax phôngz ntơưv nhiax Trung ương shông 2023 thiaz têx pênhr nhiax ntơưv huyện.

Lês cxiax cxênhv têz qơư xav lok sâuv cxiv kho jêx jok yiaz, txix shông 2024 txos nhiv no xã Xuân Nha, huyện Vân Hồ tưz gruô hu sơưr đơưk cxơưv tâu jê 2,7 tiv đaiv nhiax, kho đuô 3,4 caik cêr yêz jêx jok, uô tsêr shâuv ntâu zav txux chi, đhok têx tênhz pov cêr, kho đuô tsêr txux chi.

Nhiv no, xã Sặp Vạt, huyện Yên Châu muôx li 3.000 tus nênhs nhoz shông uô hâux lưv, txênhz 60% toz hâu nênhs.

Nhiv no, xã Thôm Mòn, huyện Thuận Châu muôx 380 tus nênhs tâu têz qơư paz, nênhs muôx côngz taz tov tâu nhiax txiax paz trơưk chai.

Xã Chiềng En, huyện Sông Mã lo ntơưr kriz lus 65 zav ntâuz ntơưr hành chính trâu ntơưv Qơư uô hâux lưv iz luz kror trôngx.

Jok Chiềng Đi 2, xã Vân Hồ, huyện Vân Hồ, muôx zuôr luôs 100 ziv pêx xênhv zos Hmôngz nhoz.

Jok Phiêng Bay, xã Chiềng Khay, huyện Quỳnh Nhai muôx 212 xiv, yax 1.000 lênhx nênhs.

Car shênhv huôv tsar têx zav muôx txơưv, ntâu tsar txux chi cxuô hair nênhs, xã Tân Yên, thị xã Mộc Châu tưz tsa jok nuôv zax jêx jok; puôz tiz cov pêx xênhv huôv tsar nuôv zax đros đraiv trâu têx kôngz lông.