Cxênhx xưv “Txux chi Sơn La” tâu kriz ntơưv yar tiax uô si Biển Đông, quận Sơn Trà, thành phố Đà Nẵng. Nhoz ntus hiar txưr Mỹ Khê jông jav iz saz, tưz nthuôr pêx xênhv cxuô hair nênhs Tây Bắc têx txux chi lok sâuv têx huv ntâuz pas, tsôngk hnar, fuôv txiax, hiaz tơưz...uô trâu ntâu tus kruô nhiav zuôr. Thâuv tsâus ntux, hax zav lov jêv đuô viv muôx ntâu cưk haik cưr cxiax, sênhr chêr tỉnh Sơn La siz chos đhia kênhx, tuôr têk sênhr chêr, cho tsưz, đhia pak... txuôs jông txux chi tox siaz, paz pêx xênhv Đà Nẵng thiaz kruô nuôv zax tâu ndis shuôk pâuz mênhx pêx xênhv cxuô hair nênhs Sơn La luz nênhx thiaz txux chi jông.

Iz chas nthuôr txux chi jêx jok, tỉnh Sơn La tsênhv nthuôr têx qar tsêr huv kôngz txir nox OCOP uô ntêx lông ntơưv têx tsêr luôv, HTX hâur thax tsav tỉnh, li: Yuôx zêx, cà phê, cuz thaz kok blôngx njê thiaz têx huv txir nox nhôngk thiaz jiaz kruôr...thiaz ntâu kar nox txơưr đuô kror qơư li: Hnhur nzưv, graix kaz puôz, mor blâuv chuz, cuô txoz txux lov... muôx yênhx cxênhz tus kruô tuôx ndis shuôk, zuôr huv.

Tix lâus Jame Bancone, kruô nuôv zax tuôx ntơưv Đan Mạch, haik kria: Cur lok six nhiav tỉnh Sơn La têx qar tsêr huv. Cxuô huv kôngz txir nox, jâuz mor thax tsav muôx ntâu zav, nox kaz txơưr đuô kror qơư. Cur lok six nhiav nox txir khơưz, graix caz puôz kaz tsư kaz thêv. Cur zuôr tror tuôx shuôk Sơn La trâu têx ntu tsik ntêr sâuv no chia pâuz mênhx đuô txux chi, jâuz mor thax tsav Tây Bắc Việt Nam.

Lar haik hâur têx cxênhx xưv, zos cxênhx cxênhv nthuôr cêr lov jêv trơưk njiaz luk “Txux chi Sơn La”. Yax 50 cưk haik cưr cxiax, sênhr chêr hâur Tsêr haik cưr cxiax sênhr chêr  tỉnh Sơn La tưz gra tuôx 14 jax cưr cxiax, sênhr chêr, tâu uô jông uô, kria pâuz lok sâuv đuôz txux chi pêx xênhv cxuô hair nênhs Sơn La đros trâu têx txox chai jông thiaz ntâu qơư nuôv zax jông li: Mộc Châu, Vân Hồ, Quỳnh Nhai, Bắc Yên, chơư ntâu tus kruô tuôx shuôk thiaz nuôv zax. 

Niav lâuk Nguyễn Huyền Anh, quận Sơn Trà, thành phố Đà Nẵng, thav pâuz: Cur tsik tâu tuô txos trâu Sơn La - Tây Bắc, taz sik nhiv kruôr tâu saiz tas têx jax cưr cxiax, sênhr chêr, chuôs li cur tâu "ndis shuôk" txos thax ar Sơn La txuôs jông pêx xênhv cxuô hair nênhs txux chi. Ntơư zos iz kror qơư lar tsuv tâu ndis shuôk, cur thiaz tsêr nênhs nzor zuôr tuôx shuôk Sơn La trâu têx ntu tsik ntêr sâuv no.

Đros trâu hâux lưv kria cxuô kror qơư pâuz đuôz, cxiax cxênhv nuôv zax “Txux chi Sơn La” tsênhv gra tuôx têx jias cxưx nhiax uô, siz khov, siz chos cxiv tsa têx Tour tuyến, huv nuôv zax jông hâur Sơn La thiaz Đà Nẵng. Zơưs Trần Xuân Việt, Phó Giám đốc Sở Txux chi, Thể thao thiaz Nuôv zax tỉnh Sơn La, haik kria: Ntơư zos jias chia nov hâu, têx cơ quan saiz car têz qơưk lok sâuv nuôv zax, tsêr luôv ntơưv têx thax tsav côngv saz lax, cxênhz yuôx thax tsav xênhz txơưv, cêr muôx liv thiaz tsov xav siz chos cxiv tsa thiaz huôv tsar hax huv. Đhâu no, cxiv tsa têx huv nuôv zax jông, txơưx uô lax luôv, chơư chôngz kruô tuôx shuôk thiaz nuôv zax.

Suôx câuv cxênhx xưv "Txux chi Sơn La”, tưz tsês njôngr trâu đruôz siaz, paz pêx xênhv Đà Nẵng thiaz kruô nuôv zax pâuz tâu, huôv tsar đêz đar đuôz đêx ar Sơn La - Tây Bắc muôx ntâu tox trôngz hâur pês jông jav, tiz nênhs nhiav kruô, đros têx qơư nuôv zax jông; cxiv tsa tâu jias cxơưz, siz chos huôv tsar nuôv zax, chơư ntâu tus kruô đêz jê tuôx ndis shuôk, nuôv zax.