Trôngz Phu Sa Phìn siaz 2.868 thiar njuôk li hiar txưr, nhoz xã Hang Chú, huyện Bắc Yên. Txox cêr muk txos sâuv trôngz Phu Sa Phìn, muôx 2 txox, iz mak muk ntơưv tơưx trôngz xã Xím Vàng lok sik muk ntơưv jok Hang Chú, xã Hang Chú. Nênhs chox kruô zos têx cưr tix Hmôngz pâuz mênhx thax ar, muôx jos thiaz pâuz cêr chia chox têx kruô ndê trôngz mul uô si nuôv zax.

Pêz đros tus nênhs chox kruô muk nuôv zax "Porter" cê zos nênhs kria cêr, cê ho paz kruô êv hnaz, kar nox… thiaz têx paz kruô nuôv zax muk ndê trôngz. Ndê tox hâur har jôngr, têx txox cêr tưz zâu ho tsênhv cxaz, pov muôx ntâu tsoz ntông lâuk nzông har jôngr.

Nhoz oz saz ntus cêr nxuôz tuôx lok six tuôz, tsik tas li nxuôz tsênhv tuôx trâu têx tsoz ntông lâuk lox hloz muôx ntâu chas tsuv muôx pêz, plâuz lênhx thiax puôs tas. Tox trôngz hâur pêk Phu Sa Phìn hlôngr siz lơư lias, ndê zênhv siaz zênhv pov tox trôngz jông đuô, chuôs li muk txos trâu ntiax têz jax đaz nênhs.

Trôngz Phu Sa Phìn lok six siaz, muôx ntâu huôz pư ha, har jôngr lâuk, tox trôngz hâur pês jông jav, txix li têx jôngr kriz, tuôz ziz, chiaz kâuz, đỗ quyên lâuk muôx yênhx puô shông siaz txix 7-10 thiar pov nxuôz tuôx tuôz mok nhôngk, txos huôz pư har njia pov lok six jông gâux.

Têx shông đhâu, iz cxia công ty thâux kruô muk nuôv zax tưz đros thax tsav siz chos tsa tơưv têx lưv chox kruô ndê trôngz trâu têx kruô nuôv zax nhiav kror riaz nênhs thiaz ndis shuôk trâu uz trâu no. Tix lâus Kiều Tùng Lâm, Công ty Dreamer Trekking, kria pâuz: Xav hur si txox cêr ndê txos sâuv trôngz Phu Sa Phìn muk thiaz lok ntêr 22 caik. Phênhv ntâu zos txox cêr zâu, muk lok nhaz xênhz, zôngx ziv đuô tâu ntâu tus kruô xair tuôx trekking, muk shuôk huôz ha.

Txix luz 12 hli shông uô ntêx txos luz 4 hli shông tov kaz zos ntu muk ndê trôngz Phu Sa Phìn jông yax, lar haik luz 3-4 hli chaix pax đỗ quyên tơưs thiaz ntâu zav pax hmaz, pax ntông tơưs lok six jông gâux. Xav fênhx đraz yênhx hli, công ty kriz 2 lưv muk ndê trôngz Phu Sa Phìn muôx txix 35-40 lênhx.

Zos iz hâur têx nênhs muôx ntâu shông chox kruô muk ndê trôngz, tix lâus Chinh Xênhv Muôk, jok Hang Chú, xã Hang Chú, haik tiak: 2 shông no, trôngz Phu Sa Phìn lok six muôx chôngz lênhx pâuz txos, tuôx shuôk thiaz nuôv zax trâu ntơưv no. Chia paz kria cxuô kror qơư pâuz txos đuôz nuôv zax thax tsav, yênhx tus nênhs chox kruô muk nuôv zax tsik zos pâuz mênhx thax ar, muôx đas jos xưz mak tsênhv zos nênhs kria trâu kruô nuôv zax pâuz mênhx thax tsav no, paz por hưv têx kruô muk lok nhaz xênhz, cxaik zênhx zav, cơư đuôz trâu kruô. Txix huôv tsar nuôv zax tưz paz pêx xênhv thax tsav cxaz nzir nhiax txiax sir zôngv.

Têx hnuz kaz tuần, kruô nuôv zax ndê trôngz Phu Sa Phìn lok six chôngz. Muôx hur si nênhs lâuk thiaz nênhs hluôk. Tix lâus Nguyễn Hải Anh, tuôx ntơưv tỉnh Nam Định, kria pâuz: Phu Sa Phìn zos luz trôngz tiv 3 cur ndê tuôx txos, uô ntêx ntơư zos têx luz trôngz Tả Liên Sơn, Putaleng (Lai Châu), Lùng Cúng (Yên Bái), taz sik Phu Sa Phìn ho txơưr đuô, pov muôx har jôngr lâuk nxuôz tuôx tuôz mok nhôngk thiaz huôz pư hâur har jông gâux… jông li nhoz hâur ntiax têx jax đaz nênhs.

Côngv đros ndê trôngz Phu Sa Phìn, niav lâuk Đỗ Nguyệt, tuôx ntơưv tỉnh Đồng Nai, haik tiak: Shir phaz tok chaix ntux no Kâuv têz, cur thiaz cur fông zưs tưz xair tâu iz cxia kror qơư chia tror tuôx shuôk trâu chaix ntux yiaz hâu shông no. Iz chas  ndis shuôk nuôv zax ntơưv huyện Mộc Châu, pêz ho tror xair ndê trôngz Phu Sa Phìn trâu txox cêr ndis shuôk Tây Bắc. Tus tưs cux lok six nhiav trâu thax tsav no viv đêx ar huôz chuô nyiaz hur, muôx ntâu har jôngr lâuk.

Tas 5 six hơưv cê muk cê so, hla đhâu ntâu ntu cêr ndê tox grêk har, kruô nuôv zax thiax mav txos trôngz Phu Sa Phìn. Tuôx txos luz trôngz no tưz tsik hnor gênhs lơưv pov tâu huôz ha lok six jông gâux.

Trôngz Phu Sa Phìn tsênhv zos kror qơư yiaz, taz sik njênhs njôngr tiak zuôr muôx ntâu tus kruô đêz jê pâuz txos, tuôx shuôk trâu thax tsav no viv muôx tox trôngz hâur pês, ntâu kror qơư jông, paz cxiv tsa nuôv zax huyện tox siaz Bắc Yên zênhv hnuz zênhv tsik tsês huôv tsar.