Cxênhx xưv shông no zuôr kriz ntâu hâux lưv đrông ntưk, gas siaz hâur 3 hnuz. Xuz kriz zos Jâus hlơưr shaz txi thax Linh Sơn - Thủy Từ thiaz thax txi Nàng Han (Thax tsav nuôv zax txux chi cêr lênhx huyện Quỳnh Nhai). Jâus hlơưr shaz chia zos uô tsâus xênhz đêx, xênhz ar, ndo txiax njis pos thơưx lênhv Nàng Han thiaz khov iz shông yiaz ntâu côngz hmôngr, têz qơư thax zênhz pêx xênhv uô  nênhx yar ntux.

Kror tsênhz ntơưv cxênhx xưv zos Jâus Kriz nthuôr trâu hmo xiaz 7/2 đros cxiax cxênhv cưr cxiax sênhv chêr jông yax muôx cêr xav "Quỳnh Nhai - Cax chi thax qơư muôx txux chi puôs nzor tsês". Đros ntơư mak zos Jâus gruôv pax tưr Gruôv gox cênhz cưv huyện Quỳnh Nhai shông 2025 đros cêr côngv lês ntơưv têx paz tưr gruôv tuôx ntơưv 11 xã thax tsav huyện, têx huyện hâur thiaz luôs tỉnh muôx txux chi siz thôngx tưr gruôv gox li: Thị xã Mường Lay (Điện Biên), huyện Nậm Nhùn, Than Uyên (Lai Châu).

Têx hâux lưv iz chas, muôx: Nthuôr tênhz tso zênhx zav jông nuôv zax Quỳnh Nhai;  hội tưr tênhz trâu "Tsuv mov cênhz cưv Tsiaz Têz qơư"; Hội  tưr “Kria têx faz fênhr txux chi cxuô zav nênhs Quỳnh Nhai”; Gruôv pax chaix pax ntông câuk nhưx tơưs ntơưv ntus đêx lox; Hội tưr hnar tsôngk jông fiv cxuô hair nênhs; tưr cxuô zav thể thao (truz hluô, njuôk jos, muk tơư nênhk, tưr Pickleball, ntâuk ntir kriz đar); tưr "Điaz cuôv lâux kuôx zênhx"; ndis saiz por poz, đhia pak sênhr chêr, ntâuk txir toz; ndis saiz têx jông qơư tox trôngz hâur pêk jông, nuôv zax txux chi cêr muôx lênhx, nuôv zax txux chi cêr uô têz qơư, nuôv zax tox trôngz pak đêx lox sông Đà, nuôv zax txux chi jêx jol Mường Chiên…