Thâuv sơưr nzor, tưz muôx chôngz lênhx hnar zuk hair nênhs têx tsôngk hnar jông jav tâus txox cêr lox 108 tuôx trâu ciaz tox siaz Co Mạ. Pêx xênhv tuôx trâu ciaz tox siaz ndax trâu hnuz tsa tâu têz qơưk 2/9 chia muôs hax huv, njiz têx nênhs xênhz jê, siz nus têx hâux lưv huôv tsar kôngz lông thiaz tâu nox têx jâuz mor kaz.

Luz ciaz no tâu kriz hâur 2 hnuz (1 thiaz 2/9). Chia bax kriz ciaz, UBPX xã Co Mạ tưz đros têx xã Mường Bám, Long Hẹ, É Tòng, Pá Lông, Co Tòng bax têx qar thaz nzưr nthuôr muôs huv zos têx kôngz, txir nox; têx paz haik cưr cxiax, tưr môn thể thao cênhz cưv.

Tov kaz fuô luk kriz ciaz, pêx xênhv 6 xã tox siaz tưz siz chos côngv tưr txux chi, haik cưr cxiax, thể thao, têx cêr uô si zos pêx xênhv tênhx tus li: Tưr ntâuk ntir, ntâuk bóng têk, yuôz kênhx, tuôr nduôr, truz hluô, ntâuk vêx vôngs, por poz; tưr pâuz lol sâuv Cêr chai Siz zuôr thiaz ziv nênhs, Cêr chai pox niav txir nênhx vax huôv siz luôs. Kriz đuôz muôx luk Hmôngz, Poz Ziz thav txos ntu uô têz uô qơư, Đảng, Zơưv Hloz Hôx, hâur thav tsav, têz qơưk hlôngr yiaz; fuô kria Đảng, Têz qơưk cêr chai…

Muôx njêx muôs hâur ciaz, zơưs Tsưr Đruôk xênhv Thox, jok Co Nhừ, xã Long Hẹ, kria pâuz: Hnuz tsa tâu têz qơưk, muôx ntâu tus nênhs hâur thax tsav muk uô nox đêz vax tsêr tưz tror lok shuôk tsêr thiaz tuôx car ciaz. Shông no, cur tưz chox têx mê nhuôv tuôx uô si, zuôr nzir chuôz zênhx cơưv ntơưr thiaz chuôz zênhx mul zôngv.

Kriz ciaz tox siaz shông no muôx cxix cxuô têx huv zov chênhr chia pêx xênhv xair zuôr sir zôngv thiaz huôv tsar kôngz lông. Ntâu qar tsêr huv muôs chuôz zênhx uô liax têz li triav, hlâu, lias, luz cơưv thiaz ntâu zav pax ntâuz Hmôngz. Tsik tas li, tsênhv nthuôr muôs pêx xênhv cxuô hair nênhs têx kar nox li: Txir tuôz ziz, điz Hmôngz, kaiz đuz graik, nduôr blêx, chơưr poz cưk.

 Zơưs Tsuô Vax xênhv Tsaz, xã Pá Lông haik mênhx: Tuôx car ciaz shông no, xã Pá Lông qar tsêr huv phênhv ntâu nthuôr muôs câuk mov, yo, tiaz pox niav Hmôngz zos lơưr xuôk têk uô. Pêz chia siaz têx huv no zuôr tâu ntâu lênhx hâur tỉnh, oz chas tỉnh pâuz txos, nhiav zuôr mul zôngv, pêx xênhv muôx nzir hâux lưv uô, cxaz nzir nhiax zôngv.

Ntơưv jias kriz ciaz no, Phòng kôngz lông thiaz Huôv tsar jêx jok huyện tsênhv đros Văn phòng Linh Nắng mai official fuô kria cxiv tsa kênh sâuv nền tảng tiktok thiaz facebook, tưz kriz jias livestream kria pâuz txir tuôz ziz; đêx tsâu tuôz ziz kâuz, cuô txoz tuôz ziz thiaz huv OCOP ntơưv huyện, li: Coffee Arabica Minh Trí; graix kaz puôz Tông Cọ; jiz mur Phổng Lái; yuôx zêx Olong Thu Đan; njêk nox jâuz cxiaz Chiềng La; yuôx zêx Trọng Nguyên.

Zơưs Lò Văn Thỏa, Thơưx phòng Kôngz lông thiaz Huôv tsar jêx jok huyện, thav pâuz: Hâur hnuz xiaz 1/9, Phòng tưz kriz tiar 3 jias livestream cias kria trâu sơưr đơưk pâuz thax tsav têx kôngz, txir nox, muôx yax 4.000 lênhx saiz; muôs tâu zuôr luôs 100 đaiv ntơưr chos luk zuôr huv, kria tox siaz Thuận Châu têx kôngz, txir nox jông, lar haik txir tuôz ziz thiaz ntâu zav huv txơưr hâur huyện trâu hur si tiz nênhs zôngv hâur têz qơưk pâuz.

Njuôk li đrav ntêx, kriz ciaz tox siaz shông no muôx lok six chôngz pêx xênhv thiaz kruô nuôv zax tuôx ndik, shuôk lov jêv ntưk. Niav lâus Đoàn Thị Ngọc Mai, kruô nuôv zax tuôx ntơưv Thành phố, thav kria: Pêz tuôx txos no tưz pov txơưr đuô cxia qơư. Cưr tix Hmôngz hnar zuk hair nênhs têx chêr trik yo jông jav. Têx nênhs muôs huv tưz uô jông têz têx kruô nuôv yax ndâux luk nus lok sâuv cêr chai, pêx xênhv nhoz cav têx txux chi.

Zơưs Suôr Xênhv Thox, vax huôv Chủ tịch UBPX xã Co Mạ, haik pâuz: Ciaz tox siaz tâu kriz yênhx tuần, zos qơư chia pêx xênhv tox siaz tuôx uô lax luôv. Taz sik yênhx châuv shông lol no, ndax trâu hnuz tsa tâu têz qơưk, huyện tưz zok trâu xã Co Mạ kriz ciaz nthuôr ntâu txux chi haik cưr cxiax, thể thao chia tsik tsês chox tâu pêx xênhv cxuô hair nênhs cêr thôngx siaz, kria cxuô kror qơư pâuz thax tsav têx huv kôngz, txir nox thiaz qơư nuôv zax jông. Đros ntơư, tsênhv kria têx zav xênhz txơưv, kror muôx liv, têx hax huv zos kôngz, txir nox, têx zav muôx nux gri lol sâuv txux chi cênhz cưv, chia zok nriar tâu têx tsêr luôv siz chos cxiv tsa têx hâux lưv huôv tsar nuôv zax, lar haik nuôv zax txux chi, nuôv zax ndik shuôk uô si nhoz têx xã tox siaz hâur huyện.

Hnuz kaix 2/9, Ciaz tox siaz Co Mạ suôx câuv. Pêx xênhv cxuô hair nênhs txix têx xã tox siaz ho tror muk tsêr. Têx cêr lov jêv, shir phaz hâur hnuz tsa tâu pêz têz qơưk zuôr zos qơư fuô kria trâu pêx xênhv cov tror sik tưr huôv tsar nhiax txiax, cxuz cêr yaiz pluôs, côngv cxiv tsa huyện zênhv hnuz zênh bluô nux thiaz jông jav.