Jias so ntêr 5 hnuz tưz paz cxuô qơư lês jông têx hâux lưv tok kruô tuôx nuôv zax, ndis uô si; zôngv qơư so yax 86%. Tas nro têx kruô tuôx nuôv zax trâu Sơn La tsar 12%, têx nhiax sâu tâu txix nuôv zax tsar 10% njuôk li tsaiz no. Iz cxia qơư nuôv zax muôx chôngz kruô yax, mak zos: Pak điện đêx ntơưv huyện Quỳnh Nhai; têx jok nuôv zax ntơưv xã Vân Hồ, Chiềng Yên; têx tsas đêx thax tsav xã Chiềng Khoa, huyện Vân Hồ; qơư nuôv zax xã Tà Xùa, huyện Bắc Yên; qơư nuôv zax jêx jok xã Ngọc Chiến, huyện Mường La, Têz qơưk kror qơư cênhz cưv tsêr tux Sơn La, Thành phố...  Lar haik ntơưv Mộc Châu, hâur 5 hnuz so, thôngz huyện tưz tok tâu 112.000 lưv pưs kruô hâur têz qơưk tuôx nuôv zax thiaz uô si, xav sâu tâu yax 86 tỷ nhiax; zôngv qơư so, tsêr pư 100%.

Cxuô qơư tưz trâu siaz fuô chai, kria thiaz cxiz têx đơn vị, tổ chức, tus khênhx chos luk lês trơưk chai uô lax luôv nuôv zax; tsưx hưv cêr nhaz xênhz, yêz muk lok, phax tar hluôr tơưk cuz, têx kar hno ntơưv têx qơư nuôv zax tsênhr cov hur, cxuô cêr lax luôv, paz trâu kruô nuôv zax, so uô si.