“Thị trấn hmôngr đâuk” đar yax 1.000 m² tâu muôz suôz jêz thiaz tâu muôz têx pax đơưz lok cxiv puôz đơưz pâus, đros trâu ntâu têx qơư jông gâux, li: Thax tsav kror tsuô giáng sinh, tus nênhs muôz hmôngr đâuk chuôr puôz, tsoz ntông chiaz, tus zơưs lâuk Noel, yêz lox, têx huv giáng sinh thiaz têx qơư uô si jông gâux txơưr… Kror jông ntơưv “thị trấn hmôngr đâuk” zos jias tsuôs hmôngr đâuk chuôr thâuv 9 six thiaz 11 six tas cik; 4 six thiaz 5 six zar hnuz kaiz cxuô hnuz, paz trâu muôx qơư uô si jông gâux chuôs li ntơưv Châu Âu thâuv txos Giáng sinh. 

Piz tok kruô nuôv zax txix hnuz xiaz 2/12, “thị trấn hmôngr đâuk” tưz gruô hu tâu chôngz lênhx kruô tuôx ndis shuôk, uô si; fênhx đraz cxuô hnuz tok tâu 300-500 pưs kruô, hnuz kaz tuần tok tâu 1.500 – 2.000 pưs kruô.

Kror qơư uô si tâu cxiv puôz  tưz paz muôx ntâu qơư uô si lov jêv, zov chênhr li “thị trấn hmôngr đâuk” zos kror jông txơưr hlo ntơưv Happy Land Mộc Châu, paz trâu têx kruô nuôv zax ndo njôngr tsik plox thâuv tâu tuôx trâu hâur thax tsav ntu txos Giáng sinh shông no./.