Hnuz grâuv pax Thor ntux nas tâu hair nênhs Poz Ziz đơưz nhoz phường Mường Sang kriz luz 2 hli ntux đra 15 yênhx shông đros trâu cêr xar phôngv muôx iz shông tâu jông ntux, sâu ntâu kôngz lông; choz kria mê nhuôv xênhz nzưr pâuz por hưv thiaz txuôs jông đêx ar huôz chuô, tox trôngz hâur pês njuôz, hur, jông jav.

Hnuz grâuv pax Thor ntux nas shông no tâu kriz ntơưv Thax tsav nuôv zax Mộc Châu Island – têx qơư nuôv zax jông, sox txuôs jos, hlôngr yiaz, nziv nhiav yax thax tsav Tây Bắc, muôx yênhx puô cưk haik cưr cxiax, sênhr côngv nthuôr. Lar haik, hâur hnuz kriz grâuv pax, Thax tsav nuôv zax Mộc Châu Island tsik zuôr pêx xênhv thax tsav thiaz kruô nuôv zax nhiax thêv ndis shuôk.

Hnuz grâuv pax Thor ntux nas muôx oz phênhv: Phênhv uô đaz kruôk muôx 3 txox chai txi xênhz têz, xênhz qơư thiaz thor ntux nas; phênhv grâuv pax muôx têx jax sênhr chêr thor đêx, phôngv côngz đêx, tuôr têk sênhr chêr thiaz uô têx cêr uô si pêx xênhv tênhz tus. Ntơư zos hair nênhs Poz ziz hnuz grâuv pax cênhz cưv tưz tâu Bộ Txux chi, Thể thao thiaz Nuôv zax công nhav zos têz qơưk Puôr fênhx txux chi trâu hli 2/2024.

Hnuz grâuv pax Thor ntux nas tâu kriz chia paz pêx xênhv muôx nzir cêr lov jêv, shir phaz, njênhs njôngr trâu pox côngz zơưv txưr, xênhz têz xênhz qơư. Đros ntơư, tsênhv paz txuôs jông txux chi cênhz cưv kror muôx gri, chox tâu pêx xênhv cêr thôngx siaz, txuôs jông thiaz huôv tsar zuk hair nênhs kuz chas txux; cxơưz huôv tsar nuôv zax, gruô hu chôngz lênhx kruô nuôv zax tuôx trâu Thax tsav nuôv zax Têz qơưk Mộc Châu haik tas nro thiaz tuôx ndis shuôk Thax tsav nuôv zax Mộc Châu Island - kror qơư nziv nhiav zuôr tsuv tuôx shuôk thâuv txos trâu Thax tsav nuôv zax têz qơưk Mộc Châu haik khênhx.