Tuôx tưr muôx 11 paz nênhs nhoz 11 xã, thị trấn hâur huyện. Iz paz muôx iz qar tsêr txux chi cxuô hair nênhs, nhiak jông lơưv nhiak iz tsar trơưk nhiak xã, li: Qar txux chi Hmôngz, Cho, Puôz Ziz; Qar txux chi cxuô hair nênhs.

Trơưk nthuôr phaz nzưr, yênhx paz nênhs tưr tưz tsa zuk qar txux chi chax chês jông gâux trâu kror muôs njia; piar kria têx kruô nuov zax pâuz mênhx têx zav jông gâux yax lok sâuv txux chi muôx đros pêx xênhv luz nênhx, li: Tsôngk yo, tiaz, têx zav lênhx tiz nênhs xuôk têk uô, kar hno cênhz cưv iz txưv muôx, têx hax huv saiz đaz muôs, trax, kênhx… Iz chas ntơư, tsênhv nthuôr muôs têx kôngz lông jông uô tơưv hâur thax tsav.

Ntơưv jiax siz tưr "Tsuv graix hno Tsiaz pêz châus têz qơưk", cxuô paz tưz uô jông xair têx graix hno kaz muôx txơưv hâur nhiak thax tsav, hur trâu yênhx tsuv hno trơưk cênhz cưv hnuz Tsiaz.

Tsuv graix hno tâu uô jông trâu trâus kror muôs saiz, kaz, tsư ha lơưk zos têx jâuz, graix mor uô tơưv, lar haik yax mak têx graix njêk ntơưv huyện, zos txux chi chax chês iz txưv muôx ntơưv Quỳnh Nhai chia piar kria trâu tsôngv fôngx zưs thiaz kruô nuôv zax cxuô qơư.