CLB chox kruô muk nuôv zax- txux chi huyện Mộc Châu zos Trung tâm Truyền thông – txux chi huyện Mộc Châu saiz car tâu cxiv tsa luz 4 hli shông 2022, chia paz têx nênhs chox kruô muk nuôv zax kria pâuz, saz lax, hlôngr yiaz tsưr ziv taz thiaz chox kruô muk nuôv zax. Đros ntơư, tsênhv por hưv jông têx thành viên vax huôv thiaz cêr muôx liv.

Niav lâuk Hoàng Việt Hà, Chủ nhiệm CLB, piar pâuz: Câu lạc bộ muôx 40 thành viên, uô hâux lưv têx qơư huôv tsar nuôv zax txux chi, nuôv zax kôngz lông, nuôv zax jêx jok hâur thax tsav nuôv zax têz qơưk Mộc Châu. Tsik tas li, tsênhv uô hâux lưv kria pâuz têx qơư nuôv zax hur si tỉnh,Tây Bắc thiaz Đông Bắc… Têx nênhs chox kruô muk nuôv zax tâu puz thẻ uô hâux lưv thiaz cơưv shâuv cxuô tsưr ziv uô hâux lưv.

Tov kaz yax 1 shông uô hâux lưv,  CLB tưz tok thiaz chox yax 7.000 tus kruô oz chas tỉnh, yax 2.500 tus kruô hâur tỉnh muk shuôk têx qơư nuôv zax nto mông ntơưv huyện Mộc Châu, li: Thax tsav nuôv zax har jôngr chiaz jok Áng; đêx tsơưs tsuô Dải Yếm; Kaz tsuôk puôr; Qox iar Bạch Long; Puôr fênhx txiax njis Trung đoàn 52 Tây Tiến... paz muôz pêx xênhv cxuô hair nênhs Tây Bắc têx kuz chas txux, tox trôngz hâur pês jông thiaz tiz nênhs nhiav kruô trâu têx kruô hâur têz qơưk thiaz oz chas têz côngv pâuz.

Tưr tâu hov A hâur jias tưr nênhs chox kruô muk nuôv zax coz shông 2023, tix lâus Nhè Xênhv Lux, thành viên CLB chox kruô muk nuôv zax- txux chi huyện Mộc Châu, piar pâuz: Nhoz hâur CLB, paz pêz muôx nzir ntâu tsưr ziv hâur fuô kria têx kror jông, muôx gri lok sâuv đêx ar huôz chuô, toz trôngz hâur pês, txux chi, tiz nênhs Sơn La trâu têx kruô nuôv zax đros pâuz.

Niav lâuk Đỗ Thu Hà, kruô nuôv zax tuôx ntơưv Hà Nội lok six jông siaz trâu tus nênhs chox kruô muk nuôv zax Nhè Xênhv Lux: Cur zuôr ndo njôngr tsik plox trâu đruôz siaz kror uô jông bax, đrơưv đrôngk, lar haik kror txơưx pâuz txiax njis, txux chi, tiz nênhs ntơưv tus nênhs chox kruô muk nuôv zax. Đros trâu kror uô jông bax, nênhs chox kruô muk nuôv zax Nhè Xênhv Lux tưz paz jias muk shuôk thax tsav nuôv zax têz qơưk Mộc Châu ntơưv cur ziv nênhs tưz muôx txiax njis ho tsênhv muôx txiax njis đuô. Ntơư zuôr zos jâus cur ndo njôngr tsik plox trâu đruôz siaz lok sâuv đêx ar huôz chuôz thax tsav no lok six jông gâux thiaz cur zuôr kria têx fông zưs, tsêr nênhs côngv pâuz chia tuôx shuôk, nuôv zax trâu Mộc Châu.

Tov kaz caz moz Covid-19 muk đhâu, hâux lưv huôv tsar nuôv zax huyện Mộc Châu taz tov zênhx max tror huôv tsar muôx kaz hâu, 6 hli hâu shông 2023, gruô hu yax 1,3 triệu tus kruô tuôx nuôv zax, tsar 3 bâus njuôk li shông 2022. Viv li, hâux lưv gruô hu, hlôngr yiaz têx nênhs huôv tsar nuôv zax, lar haik têx nênhs chox kruô muk nuôv zax muôx vax huôv lok six zov chênhr, zos iz hâur têx kror paz lês jông đuô hâux lưv huôv tsar nuôv zax ntơưv Mộc Châu.

Pos Đinh Thị Hường, Thơưx phòng Txux chi - Thông tin huyện Mộc Châu, kria pâuz: Phòng tror saz lax trâu UBPX huyện kriz têx jias kria nzir tsưr ziv uô hâux lưv chox kruô muk nuôv zax ; đros têx tsêr luôv huôv tsar nuôv zax kriz jias tưr hlôngr yiaz tsưr ziv uô hâux lưv trâu têx nênhs chox kruô muk nuôv zax, sir jos huôv tsar ntâu tus nênhs chox kruô muk nuôv zax txơưx uô hâux lưv.

Đros lês hâux lưv paz nênhs txov nhêv hâur thax tsav hla đhâu cêr phiv liv, CLB chox kruô muk nuôv zax- txux chi huyện Mộc Châu tsênhv kriz ntâu hâux lưv tưx zênhv, muk shuôk, krưr huv thiaz ntâu chuôz zênhx trâu têx mê nhuôv muôx luz nênhx txov nhêv nhoz têx xã Lóng Sập, Hua Păng, huyện Mộc Châu; đros Chi đoàn Sở nuôv zax  Hà Nội, Huyện đoàn Vân Hồ, Công ty CP nuôv zax Mộc Châu chox  60 shuv xênhz hâur thax tsav huyện Mộc Châu muôx luz nênhx txov nhêv cơưv coz muk tuôv chênhz Hà Nội shuôk Lăng Zơưv Hloz Hôx.

Lês jông hâux lưv fuô kria cxuô kror qơư pâuz đuôz thiaz têx huv nuôv zax, CLB chox kruô muk nuôv zax –txux chi huyện Mộc Châu taz tov tâu têx kruô hâur têz qơưk thiaz oz chas têz kruôk nxiak, paz cxiv tsa Mộc Châu lar tsiv nhos zos kror qơư jông yax ntiax têz./.