HTX Nuôv zax har jôngr Chiềng San, jok Nong Luồng, xã Chiềng San cxiv tsa hli 2/2024, muôx 7 lênhx, xav hur si muôx yax 1 tiv nhiax pênhr. Txix thâuv cxiv tsa, têx nênhs nhoz hâur HTX tưz cxưx nhiax cxiv kho đêx tsơưs tsuô Tát Phạ, nhoz cias luz trôngz Tai Hưa, hâur xã Chiềng San. Têx hâux lưv cxiv kho yax 1 km txox cêr muk txos đêx tsơưs tsuô, pak đa đêx, txox cêr muk trâu pak đêx; cxiv kho tsêr nhoz thiaz têx kror txơưr chia paz trâu kruô muôx qơư nox mor, hâuk đêx, tso njêk hâur pak đêx thiaz zus yik chia paz tox trôngz hâur pês hâur kror qơư no zênhv hnuz zênhv jông jav, xav hur si yax 2 tiv nhiax. Ntu đhâu, kror qơư no tưz chơư chôngz lênhx tuôx shuôk, nuôv zax hâur têx hnuz kaz tuần.

Tov kaz sox njuôk, thơưx car Hội Tuz kôngz tỉnh cxiz cov nov hâu thax tsav tror moz siaz paz HTX cxiv tsa, uô tiar cêr chai ntâuz ntơưr chia tâu paz nhiax cxiv kho. Tsênhr cov HTX tsov xav, cxiv puôz tiar vax tsêr, cêr muk lok, por hưv tox trôngz hâur pês nyiaz hur fiv huv; cê huôv tsar nuôv zax cê por hưv, txuôs jông txux chi cênhz cưv, nuôv zax har jôngr kôngz lông, paz thax tsav sâu nju nhiax txiax, tiz nênhs muôx hâux lưv uô tsik tsês.