Sơưr sâuv qơư siaz saiz, tsas đêx Dải Yếm siaz yax 100 m, phaiz uô 2 chês, iz saz 9 yôngx, iz saz 5 yôngx. Tsas đêx Dải Yếm tâu Công ty cổ phênhv nuôv zax Pha Luông muôz nhiax uô: Luz pak đêx pax tơưs 4 luz chaix, qox iar siz hluz, tsêr so nuôv zax iz ndis... Muk txos thax qơư nuôv zax tsas đêx Dải Yếm, pov njôngr njuôz lax siaz nzias cxuô zav shôngz ntông, têx vax pax tơưs đra. Cxuô zav tâu uô jông njuôk tsov fiv huv trâu têx zav ntux trâus têz xênhz txơưv yênhx qơư nuôv zax OCOP 4 luz pax hnuz kuz.

Chox kruô muk ndis nuôv zax, tix lâus inh Hồng Phúc, Phó Giám đốc Công ty cổ phần nuôv zax Pha Luông, haik: Têx shông uô ntêx thâuv hnor haik txos luz bê OCOP, pêz xar tiak tsuôk zos têx hax huv kôngz lông xưz. Taz sik thâuv nus thiaz tâu têx cơ quan muôx vax huôv kria mênhx pov thax qơư nuov zax txâuk chai qơư nuôv zax OCOP, li: Muôx tus đêx cxơưr ntưk cias hâur thax tsav, muôx bê nto mông iz txưv ntơưv qơư. Txix ntơư, pêz tưz uô ntâuz ntơưr thiaz tâu chứng nhâv qơư nuôv zax OCOP 4 luz pax hnuz kuz.

Trơưk chai tsưx hưv, nthuôr huôv têx txux chi muôx txơưv, thax qơư nuôv zax tsas dêx Dải Yếm tưz paz trâu pêx xênhv kriz têx qar thaz nzưr piar muôs hax huv txux chi, uô lax luôv kar hno, tsưx hưv txux chi Puôz Ziz muôx txơưv. 

Tưz yax 60 shông lơưv, hnuz tưs, pos Hoàng Thị Nót, tổ dân phố Vặt Hồng, phường Mường Sang cux chox kruô muk ndis têx qơư nuôv zax jông cov kruô tâu ndis cxuô têx qơư pêx xênhv ntok ntâuz, saiz yênhx ntu uô yênhx ntâuz pas, li: Gruk xor pax, trâu ntok, uô chak thiaz ntok yênhx chês ntâu txaix uô pax, trâuk ntâuz... hâur nênhs Puôz Ziz. Pos Nót haik: Muôx thax qơư, cur muôx iz qar tsêr ntok ntâuz chia piar kria têx txux chi puôz Ziz trâu kruô nuôv zax. 

Niav lâuk Nguyễn Hoài Thu, thành phố Hà Nội, haik: Tuôx txos ntơưv no, cur tâu ndis têx qơư ntêx trâus têz xênhz, saiz pêx xênhv zos Puôz Ziz ntơưv no têx txux chi ntok ntâuz, hiaz tơưz, vax hiaz yâuk. Ho tâu nox têx jâuz, mor zos kar hno Tây Bắc, pêz tâu côngv cxuô zav ntơưv no.

Kror tsênhv chênhz lok sâuv nuôv zax đêx tsơưk tsas Dải Yếm siaz yax 100m, muôx oz phênhv, tsas đêx thiaz kror qơư đêx ntưk njuôz xiaz. Tsas đêx pêv tox muôx 9 yôngx, jông li 9 thênhv; Tsas đêx đrav har muôx 5 yôngx; cêv đruôz đraz 2 tsas đêx zos iz thax nhov, nxuôz njuôz xiaz, kruô lok six nhiav nis thiaz cxaik zênhx zav check in. Đrav kaz tsas đêx zos iz tus đêx ntưk sik sâuv têx las jêz, nyiaz njuôz xiaz, muôx têx kror jêz iz ndis, kruô lok six nhiav.

Pov tiak cxiv tsa thax qơư nuôv zax đêx tsơưk tsas Dải Yếm cov yênhx kror qơư nuôv zax OCOP 4 luz pax hnuz kuz tưz zos car shênhv têx zav ntux trâus têz xênhz đros đraiv trâu txux chi thiaz tiz nênhs ntơưv no; zos kror qơư tok kruô ndis nuôv zax thâuv tuôx txos lax trôngz Mộc Châu, tsưx hưv thiaz nthuôr huôv tas têx txiax njis chax chês muôx txơưv, por hưv tâu cêr nyiaz hur, paz pêx xênhv sâu tâu nhiax txiax.