Ntơưv jias cơưv, têx đại biểu tưz tâu mnôngs têx chia cxơưz paz trâu huôv tsar têx qơư nuôv zax, jok nuôv zax, tsêr muôs huv nox hâuk, tsêr kruô ntơưv oz luz tỉnh Hủa Phăn thiaz Sơn La; têx ntâuz ntơưr uô trâu kruô muk lok đhâu đriv têz, têx tour chox kruô nuôv zax; luôs hâux lưv cxơưz nuôv zax ntơưv têx tsêr luôv nuôv zax Sơn La hâur cêr siz khov chox kruô nuôv zax txix cxuô tỉnh tuôx trâu Sơn La – Hủa Phăn. Têx công ty chox kruô, cxuô tsêr luôv ntơưv oz tỉnh đriv têz chia piar kria iz cxia qơư nuôv zax txơưr tưz siz chos saz lax, khov iz cxia tsưr ziv huôv tsar tour chox kruô nuôv zax Hà Nội - Sơn La – Hủa Phăn thiaz tror kaz.

Oz luz tỉnh Sơn La - Hủa Phăn tưz saz lax thôngz kror siz khov nzir, fuô lês cov jông têx hâux lưv huôv tsar nuôv zax, txux chi, haik mênhx hâux lưv nuôv zax ntơưv oz luz tỉnh trơưk têx ntơưr cok lok sâuv nuôv zax ntơưv Việt Nam – Lok Tsuôk. Cxiz cxuô cơ quan saiz car Têz qơưk lok sâuv nuôv zax thiaz cxuô cơ quan cik txos ntơưv 2 tỉnh chia cov zôngx ziv trâu cxuô tsêr luôv nuôv zax, công ty chox kruô, paz pơưs, tus khênhx uô lax luôv nuôv zax lês jông cxuô zav hâux lưv huôv tsar nuôv zax ntơưv oz luz tỉnh hâur ntu zuôr txos. Sir jos siz khov, siz kria cxuô zav xor xưv, cxiv tsa têx qơư nuôv zax, kruô nuôv zax; siz nus têx tsưr ziv piar kria têx qơư huôv tsar nuôv zax, gruô hu cov muôz nhiax huôv tsar nuôv zax; sir zôngv têx chuôz zênhx jông chia lês hâux lưv huôv tsar nuôv zax. Siz chos lês cxuô luz luôs hâux lưv fuô kria têx hâux lưv nuôv zax; paz cxuô tsêr luôv chox kruô, tsêr luôv nuôv zax siz chos lês hâux lưv chox kruô nuôv zax ntơưv Sơn La thiaz Hủa Phăn; huôv tsar cxuô qơư nuôv zax, hâux lưv uô lax luôv nuôv zax..

Ntơưv jias uô hâux lưv, cxuô tsêr luôv nuôv zax ntơưv tỉnh Sơn La, Hủa Phăn thiaz Câu lạc bộ Unesco Hà Nội tưz cir ntơưr chos luk siz khov huôv tsar nuôv zax, tsa yênhx tour chox kruô nuôv zax yiaz Hà Nội - Sơn La - Hủa Phăn.