Đros trâu vax huôv zos Thơưx paz siz khov shông 2025, UBPX tỉnh Điện Biên tưz đros UBPX têx tỉnh, thành phố siz chos cxiv tsa, tso tơưv thiaz fuô lês tsưr ziv uô hâur Paz nênhs siz khov lok sâuv nthuôr têx hâux lưv siz chos huôv tsar nuôv zax 8 tỉnh Tây Bắc kriz đar thiaz Thành phố Hồ Chí Minh shông 2025. 

Têx tỉnh, thành phố tsik so siz chos saz lax, kria pâuz xor mông, tsưr ziv, siz paz hâur côngz xưv kria cxuô kror qơư pâuz, cxơưz cêr lax luôv, gruô hu tsêr luôv tuôx muôz nhiax uô nox hâur thax tsav; cxiv tsa têx tsưr ziv njuôk tsov, kria pâuz têx huv nuôv zax yiaz, đros têx tsêr luôv chox kruô muk nuôv zax chơư ntâu tus kruô đêz jê tuôx ndis shuôk nuôv zax.

Xav hur si kruô nuôv zax tuôx ndis shuôk trâu 8 tỉnh Tây Bắc kriz đar thiaz Thành phố Hồ Chí Minh hâur 6 hli hâu shông muôx yax 40,9 triệu lưv, tsar 4% njuôk li shông 2024 thiaz tâu 45,92% njuôk li tsưr ziv shông. Hâur ntơư, kruô nuôv zax tuôx ndis shuôk 8 tỉnh Tây Bắc tâu zuôr luôs 22,7 triệu lưv, txênhz 55,5% xav hur si têx kruô. Sâu tâu 135.512 tỷ nhiax nuôv zax, txênhz 40,34% njuôk li tsưr ziv shông 2025, tsar 9% njuôk li shông 2024.

Ntơưv jias cơưv, têx đại biểu tưz saz lax, muôx ndâux luk trâu tsov xav tsưr ziv siz chos siz khov huôv tsar nuôv zax hâur têx tỉnh Tây Bắc kriz đar thiaz Thành phố Hồ Chí Minh shông 2026; tsov xav siz khov huôv tsar nuôv zax ntu 2026-2030. Muôx têx ndâux luk trâu iz cxia cxênhx cxênhv : Tsưr ziv siz chos siz khov ntơưv têx tỉnh tov kaz cxiv kho đơn vị uô côngz xưv têz qơưk cấp tỉnh; hâux lưv đros oz chas têz siz chos siz khov huôv tsar nuôv zax; cxiv tsa têx huv nuôv zax yiaz tâu kror siz chos uô hâur têx tỉnh...

Hâur jias cơưv tsênhv  nthuôr têx hâux lưv kria pâuz huv nuôv zax, huv OCOP ntơưv 8 tỉnh Tây Bắc thiaz Thành phố Hồ Chí Minh; tsa paz côngz xưv Famtrip muk njuôk tsov, cxênhz yuôx iz cxia huv nuôv zax, qơư nuôv zax hâur Thax tsav nuôv zax têz qơưk Mộc Châu.