Nthuôr huôv jông qơư sơưr zos qơư paz lês hâux lưv siz khov, Hiệp hội Nuôv zax tỉnh tưz siz chos lês têx hâux lưv fuô kria têx qơư nuôv zax trâu hội viên, đros ntơư, siz khov đros têx tsêr luôv, đơn vị thâux kruô nuôv zax hâur têz qơưk, siz chos cơưv nzir tsưr ziv, chia huôv tsar têx qơư nuôv zax yiaz, gruô hu tâu chôngz lênhx kruô.

Iz chas têx cêr chai paz lok sâuv nuôv zax, tỉnh pêz tưz moz siaz lês jông hâux lưv fuô kria têx đuôz nuôv zax ntơưv Sơn La; yax hlo zos hâux lưv siz khov, kriz đar tsưr ziv huôv tsar nuôv zax trâu têx nênhs uô nuôv zax hâur thax tsav tỉnh. Hâu ntơư, zuôr tsuv haik txos hâux lưv siz khov txix li Cục Nuôv zax Têz qơưk, Bộ VHTT&DL hâur fuô lês têx hâux lưv fuô kria têx qơư nuôv zax, kriz têx jias cơưv, siz thav, cxênhz yuôx têx qơư nuôv zax chia muôx tsưr ziv huôv tsar nuôv zax.

Cxuô shông, ngành Txux chi, Thể thao thiaz Nuôv zax tưz moz siaz saz lax, siz chos côngv têx hâux lưv siz khov huôv tsar nuôv zax 8 tỉnh Tây Bắc thiaz Hà Nội, thành phố Hồ Chí Minh. Kriz têx paz Famtrip ntơưv têx tỉnh, thành phố, Dự án Great, Hiệp hội nuôv zax thành phố Hà Nội, paz Đại sứ quán Úc tuôx cxênhz yuôx ntơưv Mộc Châu, Quỳnh Nhai, Bắc Yên, Mường La, Phù Yên...

Shông 2024, tror côngv đros paz côngz xưv Famtrip cxênhz yuôx têx qơư nuôv zax ntơưv tỉnh Thanh Hóa; siz khov, siz paz huôv tsar nuôv zax đros thành phố Hải Phòng, Hưng Yên, Đà Nẵng, Lào Cai... Đhâu ntơư, fuô kria cias ntơưv qơư têx qơư nuôv zax jông ntơưv Sơn La thiaz siz khov đros têx tsêr luôv hâur tỉnh thiaz oz chas tỉnh.

Nhoz trâu têx hâux lưv fuô kria qơư nuôv zax thiaz kria pâuz quyết định công nhav Qơư nuôv zax têz qơưk Mộc Châu hâur luz hli 5 nhiv kruôr đhâu, Sở VHTT&DL tưz siz chos chox paz côngz xưv Famtrip, muôx 40 tsêr luôv thâux kruô nuôv zax zos Câu lạc bộ thâux kruô Unesco Hà Nội thiaz iz cxia tsêr luôv nhoz têx tỉnh: Điện Biên, Hà Giang, Lai Châu, Thái Nguyên, Lào Cai muk cxênhz yuôx, kria cxiv tsa tour chox kruô nuôv zax tơưv 2 huyện Mộc Châu thiaz Vân Hồ. 

Têx shông lok no, têx đuôz lok sâuv nuôv zax Sơn La tâu fuô kria đêz đar đhâu têx hâux lưv siz khov lês hâux lưv ntơưv têx paz pơưs thiaz côngv têx jias nthuôr txux chi – nuôv zax nto mông đêz đar. Têx jias fuô kria tưz muôx cêr siz khov uô hâux lưv txix li Sơn La thiaz cxuô thax tsav, têx tsêr luôv nuôv zax hâur têz qơưk thiaz oz chas têz. 5 hli hâu shông no, Sơn La tok tâu yax 2,5 triệu pưs kruô nuôv zax, sâu tâu yax 2,7 tỷ đaiv.

Hâux lưv siz khov huôv tsar nuôv zax paz trâu muôx qơư uô lax luôv nhaz xênhz txix li têx nênhs uô nuôv zax hâur tỉnh thiaz muôx cêr siz khov lês hâux lưv muk đêz đar đros têx tsêr luôv, đơn vị thâux kruô nuôv zax hâur hur si têz qơưk. Txix li têx tsưr ziv cơưv shâuv, têx qơư nuôv zax ntơưv tỉnh tưz tsik tsês huôv tsar tâu jông, fiv huv trâu têx kruô siaz nhiav, paz sâu nju nhiax txiax, cxơưz paz zov chênhr trâu nuôv zax ntơưv Sơn La zênhv hnuz zênhv huôv tsar trơưk faz truôx njês.