Trơưk cênhz cưv Đảng bộ huyện Quỳnh Nhai, jias tir tsor tros txênhz nov hâu hâur Cách mạng luz Ziv Hli shông 1945 ntơưv châu Quỳnh Nhai txơưv kênhz đuô njuôk li cxuô thax tsav hâur Sơn La taz sik ho muôx txiax njis zov chinhr. Jias sơưr ntâuk zênhx tros, tưz ruôr tas Pháp cir thiaz phát xít Nhật têx tsưr ziv tsiv txov, chuôz jos trâu pêx xênhv tâu vax huôv cxiv tsa jêx jok.

Ntơưv châu Quỳnh Nhai, hmo 17/10/1945, têx tuz lênhv zos têx nênhs uô ntêx hlo, paz nênhs ntâuk tros tưz phaiz uô oz paz puôr Tri châu Đèo Văn Túm luz tsêr thiaz zênhx tuz tros, cxov Đèo Văn Túm tâu tsa têk, zok hur si fov thiaz cov têx tuz tros nhiak mul nhiak. Jias sơưr tir ntâuk ntâuk tưz zênhx max ntâuk zênhx. Hnuz 18/10/1945, chôngz pêx xênhv thax tsav châu lỵ Quỳnh Nhai shir phaz lus tuôx côngv trâu hnuz, tsa tâu Ủy ban châu cxiv tsa têz qơưk.

Saiz hloz phênhv shuôv cxiv tsa têz qơưk, Quỳnh Nhai đros thôngz têz qơưk tir ntâuk zênhx Pháp cir, zênhz nduôz Mỹ ntơưv Kaz têz qơưk, pêz têz qơưk thax zênhz thiaz lês hâux lưv hlôngr yiaz.

Quỳnh Nhai nhiv no tưz muôx ntâu cêr hlar yiaz, iz thênhv jux juk huôv tsar hla đhâu cêr phiv liv. Lar haik mak, huyện Quỳnh Nhai tưz lês tiar hâux lưv yêv pêx nhoz qơư yiaz chia uô tsêr mair tênhz điện đêx Sơn La. 

Nthuôr huôv têx zav muôx txơưv hâur thax tsav pak đêx, Quỳnh Nhai taz tov huôv tsar zus yax 4.000 luz guôx njêk, iz shông suô tâu zuôr luôs 2.000 tấn njêk. Thôngz huyện tưz muôx zuôr luôs 2.000 ha ntông nox txir cxuô zav, đê tâu 5.560 tấn txir. Chos tâu yax 300 ha mắc ca yênhx iz thax tsav chos txir nox ntâu yênhx hax huv. Huyện Quỳnh Nhai muôx 7/11 xã tâu côngz txâuk chai jêx jok yiaz. Lês jông têz qơưk têx luôs hâux lưv hâur thax tsav huyện, cxuô cêr cxơưz paz pêx xênhv sơưr đơưk cêr phiv liv cov puôr lênhx muôx txâuk nox txâuk hnar, cxơưz txo grik tsơưs ziv pluôs sai txix 24,9% shông 2015 yuôr 5,82% shông 2022. Cêr nhaz xênhz têz qơưk tâu tsưx hưv truôx, pêx xênhv luz nênhx nox nhoz njias to.

Đồng chí Bùi Thái Sơn, Phó Bí thư Thường trực Huyện ủy Quỳnh Nhai, haik: Chia cov lês tiar cxuô cêr tuôr xav, mak tas nro mênhx nov mênhx tsư txix huyện txos cxuô qơư tưz chox car, lês ntov cxuô zav hâux lưv, uô kôngz lông, tsênhv chênhz mak huôv tsar tsiax đêx, huôv tsar chos ntông nox txir trâu têz nxaz. Chos yuôx trâu xuz jôngr, har ntông nox txir. Gruô hu cxuô zav nhiax uô vax tsê, cêr yêz chia huôv tsar nuôv zax; iz thênhv jux juk nuôv zax yênhx saz sâu nju nhiax txiax. Cxiv tsa huyện Quỳnh Nhai yênhx kror qơư kruô nhiav tuôx nuôv zax trâu Sơn La.

Quỳnh Nhai nhiv no taz tov cxơưz hâux lưv huôv tsar nuôv zax jông txơưr hlo thax tsav muôx đêx lox, muôx 8 kror qơư nuôv zax tâu tsa yênhx; qơư nuôv zax Linh Sơn Thủy Từ thiaz Gâux Han. Cxuô txux chi, grâuv pax cênhz cưv tâu tsưx hưv, huôv tsar yênhx qơư jông yax txix muôx txux chi, tiz nênhs Quỳnh Nhai, paz trâu trôngx têz no taz tov yênhx iz kror kruô hâur tỉnh thiaz oz chas tỉnh nhiav tuôx shuôk.

Đồng chí Lừ Chiến, kuz Bí thư Huyện ủy Quỳnh Nhai, haik: Nthuôr huôv têx hâux lưv tưz lês tâu, cur njênhs thiaz chia siaz, Quỳnh Nhai zuôr tror huôv tsar tsis tsês, uô tiar cxuô cêr tuôr xav, cxiv tsa huyện zênhv hnuz zênhv huôv tsar…

Zơưs Điêu Chính Xuân, Chủ tịch Hội Cựu chiến binh huyện Quỳnh Nhai, haik: Hội CCB huyện zuôr tror saiz hloz têx hâux lưv tưz uô tâu, gruô hu cựu chiến binh cxuô cấp uô ntêx lông huôv tsar, saiz hloz cênhz cưv chux pưv lênhx tuz lênhv Zơưv Côngz Hôx, uô ntêx lông lês hâux lưv cxuô qơư, đros pêx xênhv lês tiar nghị quyết uôk cấp ủy nov hâu tưz tuôr xav.

Quỳnh Nhai nhiv no, taz tov hlôngr yiaz iz hnuz jux juk. Đảng bộ, nov hâu thiaz pêx xênhv cxuô hair nênhs hâur huyện taz tov huôv tsar trơưk cênhz cưv uô têz qơưk, nthuôr huôv cêr thôngx siaz, côngv đas jos cxiv tsa huyện, sir jos lês cov tiar têx cêr tuôr xav cxiv tsa huyện tâu côngz jêx jok yiaz trâu shông 2025.