Farmstay – tsênhv muôx bê hu tiak “lưu trú nông trại” lok sik “nghỉ dưỡng nông trại”, zos kror qơư nuôv zax uô kôngz lông, kror qơư kruô tuôx so ndis uô si saiz sâu, tu kôngz ntơưv no. Tsik zos kror qơư nuôv zax yiaz xưz, farmstay tsênhv zos kror qơư piar kria têx kôngz lông, huv OCOP thiaz hax huv jông trôngx têz qơưk no trâu têx kruô pâuz.

Ntux lax thơưv niax thơưv shông, ar ho tros, Mộc Châu zos trôngx têz qơưk fiv huv chia huôv tsar kôngz lông ntâu zav ntông nox txir, zus tsiax cxu. Tsik zos li xưz, trôngx têz no tsênhv zos kror qơư muôx ntâu tsar txux chi 12 hair nênhs, zôngx ziv huôv tsar nuôv zax, hâur ntơư, muôx farmstay. Tưz zos muôx cêr siz khov qơư kruô so thiaz ndis nuôv zax txux chi, farmstay tưz tok tâu lok six chôngz kruô luôx juk mê nhuôv zâuk thiaz nênhs lâuk, lar haik yax mak thiaz têx ziv nênhs, kruô nhoz oz chas têz qơưk tuôx ndis nuôv zax.

Farmstay đar yax 8 ha ntơưv HTX lax luôv huôv tsar kôngz lông 19/5, ntơưv Chiềng Đi, phường Bình Minh taz tov tok tâu kruô chôngz tuôx nuôv zax. Txos ntơưv no, kruô zuôr tâu ndis têx trôngz yuôx zêx njuôz xiaz thiaz pax lê tơưs đơưz pâus thâuv chaix ntux yiaz lok. Thax qơư farmstay muôx cxix cxuô kar nox hâuk, qơư so, đax thiaz tsâu đêx yuôx. Tsik tas li tsênhv paz têx kruô tâu shâuv têx hâux lưv uô kôngz lông. Zưx trơưk chaix, kruô zuôr tâu đros pêx xênhv đê txir plâux, đê txir kiar, shâuv tu kaiz, tu luôr thiaz chos jâuz, sâu kông lông.

Farmstay ntơưv HTX lax luôv Huôv tsar Kôngz lông 19/5 cxuô zav ntơưv qơư tu thiaz piar muôs huv OCOP, paz têx kruô tâu ndis uô si saiz têx qơư uô hax huv thiaz sax têx kar hno cias ntơưv qơư uô. Têx yuôx zêx Mộc Châu, jiz mur pax bạc hà, mik nhux, txir khơưz kaz jiz, chơưr txir tuôz ziz... têx kruô cê tâu ndis saiz ho cê zuôr tâu têx huv jông ntơưv no gra muk tsêr.

Muk ndis uô si so ntơưv Farmstay HTX lax luôv huôv tsar kôngz lông 19/5, niav lâuk Nguyễn Hoàng Anh, nhoz Thành phố Hà Nội, tuôx nuôv zax, haik tiak: Cur lok six nhiav thax qơư tjiaz têx hax huv kôngz lông ntơưv Mộc Châu. Tâu ndis uô si huôz chuô lax khiav nzias, paz cur tsêr nênhs sơưr đơưk tâu ndis uô si lok six lov jêv, chuôs muôx đas jos đhâu têx hnuz uô hâux lưv lok six gênhk.

.

Mộc Châu nhiv no muôx 8 farmstay. Chia huôv tsar thiaz tok tâu kruô tuôx chôngz, têx farmstay tưz sir zôngv têx zav fiv huv cêr nyiaz hur, tsik zôngv bê tông ntâu thiax tsưx hưv tâu têx zav muôx txơưv. Tsik tas li, saiz car ntov cxuô zav hâux lưv lax luôv ntơưv farmstay thiaz têx hax huv OCOP, cxiv tsa txiax njis lok sâuv cêr uô kôngz lông thiaz nuôv zax.

Qơư farmstay ntơưv Mộc Châu tsik zos qơư trâu têx kruô tuôx ndis nuôv zax xưz, tsênhv zos qơư piar muôs têx hax huv OCOP cux li cxuô zav hax huv jông truôx njês. Thâuv ntêx tsuôk tok têx siêu thị lok sik têx ciaz thiax chox tâu têx hax huv ntơưv Mộc Châu muôs txos trâu kruô sir zôngv, taz sik nhiv no tưz muôx têx kruô nuôv zax tuôx ndis uô si, chox têx hax huv jông muk piar kria cxuô qơư, ntâu lênhx pâuz thiaz têx hax huv muôx côngz bê ntâu lênhx zuôr đuô. Sir zôngv cêr nuôv zax piar muôs hax huv kôngz lông hax zav tsar ntâu đuô, tsênhv paz têx kôngz lông Mộc Châu zênhv hnuz zênhv jông tâu kruô nhyiav yax.