Tâuz ntôngk muôx oz zav, tâuz ntông txir thiaz tâuz ntôngk mâuv. Tâuz ntông mâuv zos zav tơưs pax thiaz txi txir; tâuz ntôngk txir tơưs pax xưz tsik txi txir, paz tơưs uô 5 chês, muôx pax đơưz thiaz pax đax lik, car pax ntêr. Tưz ntêr lok lơưv, pax tâuz ntông txir tâu pêx xênhv Poz Ziz muôz uô ntâu zav yuôx kho moz. Pax tâuz ntôngk txir jông uô yuôx moz hnôngs, cxơưs ka, lok sik moz poz zênhz; blôngx thiaz njik mok ciz đax, lok sik jiaz kruôr râuz đêx hâuk jông trâu tiz nênhs blôngx siaz. Đuô li, mak pêx xênhv tsênhv muôz pax tâuz ntôngk uô têx zav kar nox kaz, xik ndâux.

Pos Quàng Thị Biên, jok Cá, phường Chiềng An, Thành phố, thav pâuz: Tsik muôx iz tus chai xav tsênhv trâu cêr siz tor cxuô zav jâuz lol sâuv uô pax tâuz ntôngk tor cxuô zav nox. Tus nênhs uô tơưv, nhiav li chak lok tor cov kaz, fiv huv thiaz kar nox kaz xik ndâux.

Hâu lol sik chuz pax tâuz ntôngk tor cxuô zav nox, tâu shơư pax tsơưz, blôngx kol ntông, blôngx tâuz ntôngk mok, txir pok lưk har phaz... Thâuv nzuôr tâu hur si cxuô zav lơưv, mak muôz hâu cov siar thiax tsik yuô iaz. Mav li muôz suôv, tor shơư kix, blôngx iaz pluôk, tâux đuz, txux lov tuôx pok thiaz ciz lâuv huôz xênhz. Tâu nox, zos kaz iaz kri, kaz jiz liax mak zos muôx blôngx pluôk iaz, đros trâu kix tsư ha, lâuv huôz xênhz kaz tros, pax tsơưz, blôngx kol ntông.

Tâuz ntôngk ciz shơưk kix uô zôngx ziv. Đê tâu pax lok, muôz tu car por tsês, zuôr chok pax thiaz têx pax tưz tơưs. Chia muôz hâu 10 phút đros cuô đêx tâux đuz tsês txiak, bo tsês cov si đêx. Muôz kix tsông shơư, tso cuô txoz, njêr, mì chính, tâux đuz cxôngr mok tor shơư. Thâuv ciz pax tâuz ntôngk, pax muôs nthak, muôx kix tsư kaz, cuô txoz; tsik cxơưz, tsik iaz, nox kaz. Pax tâuz ntôngk ciz zuôr kaz đuô car thiaz blôngx hmaz pluôk iaz.

Pax txir tâuz ntôngk tsênhv tâu ntâu tus pêx xênhv Poz Ziz nox shơư cxuô zav jâuz har jôngr, har tsuôs, tơư liax, jâuz hâur vax, li: Piak đaz, blôngx kriar, blôngx kaz jiz, blôngx hmaz tsư kix, blôngx ntông kâuz, blôngx lá lốt, pax kriar, txir mắc quạnh...  njư kuôr si tâuv pâur. Nox xik ndâux, kaz jiz liax, muôx njik iaz, pluôk, hnor kaz ndâux.

Nhiv no, pax tâuz ntông tsik zos zav sơưr đơưk sưv nox hâur yênhx hnuz hâur ntâu ziv nênhs xưz, mak têx tsêr muôs kar nox, thaz nzưr nox hâuk tưz muôz uô pax tâuz ntôngk lok nox kria trâu têx kruô nuôv zax nhoz đêz jê pâuz txos. Pax tâuz ntôngk iaz kri đros cxuô zav jâuz, txir kaz jiz liax đros cêr siz trâus jông ntơưv tiz nênhs, trôngx têz, uô trâu têx kruô lênhx tưs tâu nox iz jâus mak ndo njôngr./.