Zơưs Trần Xuân Việt, Phó Giám đốc Sở Văn hóa, Thể thao thiaz Nuôv zax, haik: Lês hâux lưv cxơưz nuôv zax shông 2025, Sở tưz bax lês têx hâux lưv cov kruô nhiav. Lar haik li: Nthuôr cêr lov jêv txir mo môngk Yên Châu; tưr mâuv nhux jông gâux Mộc Châu; Nthuôr cêr lov jêv đê txir Mộc Châu; Nthuôr cêr lov jêv txir lưv tsiz Sông Mã; Tsiaz saiz hloz hnuz têz qơưk thax zênhz huyện Bắc Yên; saiz hloz 130 shông tsa tỉnh Sơn La; Côngk nhav Quỳnh Nhai yênhx qơư nuôv zax cấp tỉnh. Iz chas ntơư, Sở cux bax cxix cxuô zav cxơưz nuôv zax ntơưv thành phố Đà Nẵng, thành phố Hồ Chí Minh thiaz hâux lưv siz khov huôv tsar nuôv zax 8 luz tỉnh Tây Bắc; cxênhz hâux lưv nuôv zax  ntơưv têx huyện Bắc Yên, Mường La.

Cxơưz nuôv zax, ngành VHTT&DL tưz piar mênhx chai “Nuôv zax Sơn La – Muk cov pâuz - Muk chia muôx cêr yuô” tso yar siz tưr zênhx zav jông fâux, video clip, slogan nuôv zax, tsa tour chox kruô nuôv zax, xair tsa bê nuôv zax. Fuô cxuô zav chai đhâu nền tảng số, mạng xã hội, website ntơưv Cục Nuôv zax Têz Qơưk Việt Nam, xa đuôz.

Thâuv luz 5 hli xiaz nhiv kruôr đhâu, thị xã Mộc Châu tưz tso yar tưr KOL (nênhs nto mông, chôngz nênhs pâuz) nuôv zax Mộc Châu shông 2025, muôx yax 50 paz KOL hâur thôngz têz qơưk. Đhâu têx KOL, ntâu krorr qơư jông ntơưv Mộc Châu tưz tâu ntâu lênhx pâuz txos, lar haik mak tâu kriz đhâu têx nền tảng xã hội.

Ngành VHTT&DL tưz fuô chai, gruô hu têx tsêr luôv nuôv zax  hâur tâx tsav tỉnh njuôk tsov têx cêr paz max hâux lưv nuôv zax, tsêr so, kar, yêz thâux kruô cxuô êr lax luôv fiv huv têx kruô. Tso yar têx “Tuần lễ puôz tiz nuôv zax” ntơưv têx qơư muôs hax huv, cxuô tsar cêr sir zôngv, tok kruô chôngz. Puôz tiz têx tsêr luôv nuôv zax  muk piar muôs hax huv nuôv zax hâur têz qơưk thiaz oz chas têz, huôv tsar nuôv zax  piar mênhx têx zav muôx txơưv trâu tuz luôv oz chas têz qơưk.

Tix lâus Hoàng Mạnh Duy, Phó Giám đốc chox car thax qơư nuôv zax Mộc Châu Island, haik: Txix luz 6 hli txos 8 hli, Mộc Châu Island tưz yênhx qơư nuôv zax “Chaix txir siar”, kruô tâu ndis nuôv zax qox iar, muôx têx qơư uô si, nox hâuk, so, đê txir ntơưv Mộc Châu, li: Chaix txir khơưz kaz jiz, bơ, thênhx caz... Tus gri, paz kruô txuôs nhiax, ndis uô si thôngz Mộc Châu.

Sở VHTT&DL cux đros cxuô huyện, thị xã, thành phố uô jông saiz car cêr lax luôv, tsưx hưv têx kruô cov nhaz xênhz, thâuv tuôx ndis ntơưv Sơn La. Kria cov uô jông saiz car têx qơư lax luôv nuôv zax kria mênhx tus gri, muôs huv gri, trơưk đraiv chos luk lês hâux lưv nuôv zax, por hưv vax huôv sir zôngv trâu têx kruô, tsưx hưv côngz bê nuôv zax jông.

Trơưk li têx hâux lưv tâu lês siz luôs jok, têx hâux lưv nuôv zax shông 2025, cxiv tsa Sơn La yênhx trôngx têz qơưk kruô nhiav yax thax tsav Tây Bắc; sir jos lês tiar hâux lưv tuôr xav tok yax 5 triệu 3 pưs kruô hâur iz shông; chuôz jos truôx trâu nuôv zax Sơn La huôv tsar, cxơưz trâu nhiax txiax - xã hội ntơưv tỉnh huôv tsar.