Sir zôngv mạng fuô kria nuôv zax

Nhiv no, 12 huyện, thành phố hâur tỉnh taz tov tsưx truôx cổng thông tin điện tử, kria mênhx têx ntâuz ntơưr hâur huyện thiaz hâux lưv nuôv zax. Phênhv ntâu hur si têx tsêr luôv, tus khênhx uô lax luôv nuôv zax, têx qơư muôv zax puôr lênhx cxiv tsa tâu đuôz thiaz fuô đhâu website, mạng xã hội.

Ntơưv huyện Mộc Châu, hâux lưv nuôv zax tưz zênhx max sir zôngv têx zav tâu jông ntơưv mạng internet chia fuô kria đêz đar têx đuôz jông hâur thax tsav. Hâu ntơư, zuôr tsuv haik txos hâux lưv cxiv tsa têx website tso ntâuz ntơưr, đuôz hâur têx qơư nuôv zax tâu jông, paz trâu kruô nuôv zax zôngx ziv nriar tâu, pâuz txos thiaz tuôx trâu Mộc Châu chia ndis shuôk uô si. Zov chênhr li website https://dulichmocchau.net/ lês hâux lưv txix shông 2007, tâu jâus tâu cxiv kho cov jông đuô, txos nhiv no cux tsênhv zos yôngx mạng txâuk njênhs, tsik tsês kria pâuz têx ntâuz ntơưr, đuôz yiaz lok sâuv nuôv zax Mộc Châu. Iz chas ntơư, huyện tưz lês tiar thiaz muôz lok sir zôngv đaiv ntơưr cok nuôv zax 3D/360 huyện Mộc Châu; ntâu tsêr luôv uô nuôv zax hâur thax tsav cux cxiv tsa cêr tuôr xav thiaz huôv tsar têx yôngx website txâuk njênhs, fuô kria nuôv zax.

Pos Zax Xênhv Tsaz, Lưv thơưx Phòng Txux chi - Thông tin huyện Mộc Châu, haik pâuz: Huyện taz tov tsưx truôx website https://checkinmocchau.vn/, kria pâuz lok sâuv têx ntâuz ntơưr nuôv zax trâu kruô nuôv zax. Yôngx website tưz tso tsik so têx qơư nuôv zax, hax huv nuôv zax, qơư nox, nhoz…chia sơưr đơưk zok nriar, pâuz txos Mộc Châu.

Công ty cổ phần nuôv zax Quỳnh Nhai Travel tưz sir zôngv mạng xã hội chia kria hax huv nuôv zax, qơư nox, nhoz. Zơưs Là Văn Phong, Giám đốc Công ty, haik tiak: Nhiv no, Công ty tsưx truôx thiaz huôv tsar fanpage “Quỳnh Nhai Travel” muôx 29.000 lưv nênhs sox njôngr, yôngx tiktok muôx 65.800 lưv nênhs nhiav thiaz zuôr luôs 2.800 lưv nênhs sox njôngr. Têx hâux lưv tâu kria hâur cxuô hnuz, thaix tsês têx hâux lưv nox nhoz cxuô hnuz ntơưv kruô nuôv zax pak đêx tênhz điện Sơn La, li vịnh Uy Phong, gruôv gox, nox kak nox kaz, siz chos nthuôr txux chi, sênhr chêr... paz trâu têx kruô nuôv zax nhiav, ndo trâu đruôz siaz tsik plox.

Sir zôngv mạng hâur saiz car nuôv zax

Shông 2023, huyện Mộc Châu tso tơưv phần mềm nuôv zax “Mộc Châu tour”- paz lês jông 5 zav hâux lưv, li: Nuôv zax qơư uô si, txux chi thax tsav, hax huv iz txưv muôx, kak nox thiaz so txuôs jos. Ứng dụng tâu tso tơưv paz trâu cơ quan têz qơưk zôngx ziv saiz car têx hâux lưv uô lax luôv hâur thax tsav, paz trâu têx tsêr luôv, đơn vị, zis uô lax luôv tâu sir zôngv, fuô kria hax huv txos trâu têx kruô nuôv zax thiaz paz trâu têx kruô ndis shuôk Mộc Châu nhaz xênhz, zôngx ziv.

Pos Nguyễn Thị Hoa, Phó Chủ tịch UBPX huyện Mộc Châu, haik pâuz: Huyện moz siaz trâu hâux lưv huôv tsar ứng dụng “Mộc Châu tour” chia fuô kria têx đuôz jông hâur thax tsav, paz trâu têx kruô nuôv zax zok tâu qơư uô si sai, tsik tas lênhx tưs kria. Ntu zuôr txos, huyện zuôr tror kho đuô ứng dụng, kriz nzir hâux lưv muôs hax huv, fuô kria kôngz txir nox chia paz trâu ứng dụng no nto mông đêz đar, cxơưz paz nuôv zax hâur huyện huôv tsar.

Nhiv kruôr no, huyện Quỳnh nhai cux tso tơưv phần mềm nuôv zax “Quỳnh Nhai Tour” zos Công ty cổ phần IGB huôv tsar, đros trâu cêr tuôr xav lês jông đuô hâux lưv saiz car thiaz nuôv zax hâur thax tsav. Phần mềm muôx têx hâux lưv zov chênhr: Chos luk nuôv zax sâuv mạng; muôx ntâuz ntơưr nuôv zax mênhx pêv; hâux lưv choz kria; hâux lưv cxơưz paz tsêr luôv... paz kruô nuôv zax zok nriar têx ntâuz ntơưr, zok nriar qơư nox, nhoz thiaz nuôv zax hâur thax tsav huyện Quỳnh Nhai zôngx ziv thiaz sai đhâu têx đuôz, video, AI...

Pos Điêu Thị Nhất, Thơưx Phòng Txux chi - Thông tin huyện Quỳnh Nhai, haik pâuz: Cias thâuv phần mềm tâu tso tơưv, huyện tưz kriz jias njiz njêx muôs, kria tsưr ziv sir zôngv trâu têx tsêr luôv, tus khênhx uô nuôv zax thax tsav huyện. đros ntơư, mnôngs têx , tsêr luôv, tus khênhx têx ndâux luk côngv chia cov cxơưz paz trâu ứng dụng zênhv hnuz zênhv jông hâur ntu zuôr txos.

Hok ntơưv Tsêr tsês puôr fênhx tỉnh, công nghệ tưz tâu sir zôngv trâu côngz xưv saiz car qơư cênhz cưv, têx chuôz zênhx taz tov tâu đơn vị saiz car, tsês, muôz mã QR kria pâuz... Pos Ngô Thị Hải Yến, Giám đốc Tsêr tsês puôr fênhx tỉnh, haik li no: Shông 2023, Tsêr tsês puôr fênhx tỉnh tưz siz chos cxiv tsa phần mềm ứng dụng ndis shuôk Qơư cênhz cưv Tsêr tux Sơn La sir zôngv tsưr ziv VR. Ntơư zos hâux lưv lês côngz xưv hlôngr pâur số, zos tsưr ziv zov chênhr chia por hưv, nthuôr huôv qơư cênhz cưv muôx txiax njis ntơưv Sơn La.

Công nghệ số tưz paz zênhv hnuz zênhv ntâu trâu hâux lưv fuô kria nuôv zax. Tưz tsik zos tsưr ziv chia fuô kria tâu jông xưz, tsênhv paz trâu cơ quan saiz car têz qơưk sir zôngv saiz car tâu jông đuô hâux lưv saiz car nuôv zax. Ntơư zos têx hâux lưv lês tâu jông hâur ntu hlôngr pâur số zênhv hnuz zênhv ntâu hâur saz nuôv zax Sơn La. 

Hlôngr pâur số chia huôv tsar nuôv zax tâu jông

Têx shông đhâu, Sở Txux chi, Thể thao thiaz Nuôv zax tưz moz siaz fuô lês ntâu faz tsưr ziv paz cxuô thax tsav, tsêr luôv lês hâux lưv hlôngr pâur số nuôv zax. Đhâu têx jias siz thav, kria nzir tsưr ziv, siz khov huôv tsar nuôv zax, tưz paz muôx têx tsưr ziv jông hâur saiz car, huôv tsar uô lax luôv nuôv zax. Têx hâux lưv hâur tsêr luôv tâu fuô lês txix li ntâu tsưr ziv, marketing, fuô kria hax huv, zok nriar kriz đar qơư muôs, lês tâu jông hâux lưv muôs, thêv nhiax online... hlôngr trâu tsưr ziv kuz thâuv ntêx, paz txo grik tsơưs nhiax trâu têx tsêr luôv thiaz fiv huv têx kruô nuôv zax cxuô luz six hơưv, cxuô kror qơư.

Zơưs Hoàng Mạnh Duy, Phó Giám đốc chox car Mộc Châu Island, haik pâuz: Tsêr luôv tưz cxiv tsa têx đuôz nuôv zax, têx video clip jông sâuv facebook thiaz instagram chia gruô hu tâu chôngz lênhx nênhs nhiav. Đros ntơư têx ntâuz ntơưr tâu tso tsik so sâuv website https://mocchauisland.com/. Ntơư zos yôngx paz trâu tsêr luôv đros têx kruô siz thav, pâuz tâu têx kruô txox cêr nyơư, chia cov lês tâu jông têx hâux lưv hâur qơư nuôv zax.

Đros trâu cxơưz paz tsêr luôv hâur ntâu faz, Sở Txux chi, Thể thao thiaz Nuôv zax tsênhv cxiv tsa qơư xair hax huv, côngz bê nuôv zax tỉnh Sơn La hâur qơư: https://binhchondulich.sonla.gov.vn/ chia pêx xênhv thiaz kruô nuôv zax cxênhz, xair lok sâuv hâux lưv taz kruô, tus gri hax huv, por hưv đêx ar, huôz chuô nyiaz hur... trơưk tsưr ziv: Lok six jông - jông - tov thơưx. Cxiv tsa phần mềm cơ sở dữ liệu chia kriz têx jias tưr sâuv mạng, li siz tưr uô logo, slogan nuôv zax; siz tưr chox kruô nuôv zax coz, tưr uô video, đuôz nuôv zax jông, cxiv tsa tour nuôv zax Sơn La... đhâu ntơư, paz muôx côngz bê, fuô kria têx qơư nuôv zax txos trâu pêx xênhv, paz muôx cêr njênhs, tso siaz thâuv têx kruô tuôx nuôv zax, ndis shuôk uô si.

Zơưs Trần Xuân Việt, Phó Giám đốc Sở Txux chi, Thể thao thiaz Nuôv zax, haik tiak: Shông 2024, hur si têx kruô nuôv zax tuôx trâu Sơn La xav tâu 4,9 triệu pưs, tsar 7,5%; xav sâu tâu 5.800 tỷ đaiv, tsar 22,1% njuôk li shông uô ntêx. Nhiv no, Sở taz tov cxênhz, lês mênhx têx ntâuz ntơưr chia cxiv tsa qơư nuôv zax jông tỉnh Sơn La. Đros ntơư, cxiv tsa cêr tuôr xav tso tơưv đaiv ntơưr cok nuôv zax điện tử zav 2D chia fuô kria, cxơưz paz kruô nuôv zax ntơưv Qơư nuôv zax têz qơưk Mộc Châu. Yax hlo zos cxiv tsa yôngx thông tin nuôv zax Sơn La, chia kria pâuz têx ntâuz ntơưr cik txos nuôv zax, cê fuô kria, cê cxơưz paz hâux lưv saiz car têz qơưk lok sâuv nuôv zax.