Tsêr điện đêx Sơn La muôx luz pak đar 43.760 km², luz pak trâu yax 9 tỷ 260 triệu khối đêx. Pak điện đêx tỉnh Sơn La pur thôngz thax tsav têx huyện: Quỳnh Nhai, Thuận Châu thiaz Mường La, zuôr luôs 4.000 km², txênhz zuôr luôs 30% nduô đar tas nro tỉnh. Nhoz trâu thax tsav tox siaz, muôx ntâu trôngz poz jêz siz nto yênhx cxênhz shông lokm tsêr điện đêx Sơn La tâur tâu, đêx pur tas têx cêc trôngz cêv har, tênhs zênhv, tưz yênhx thax qơư lok six jông, saiz đar yênhx nduô muôs plos lôngs tsik cơưs, têx zav no lok six fiv huv huôv tsar nuôv zax.

Ntơưv huyện Quỳnh Nhai, huôv tsar nuôv zax zos iz luz luôs hâux lưv tsênhv chênhz 3 zav hâux lưv zov chênhr tâu tuôr xav chia huôv tsar nhiax txiax - xã hội ntơưv Đảng bộ huyện ntu 2020-2025. Nhiv no, huyện Quỳnh Nhai tưz muôx 9 kror qơư nuôv zax tâu kruô nhiav, li: Vịnh Uy Phong, vịnh Bình Yên, thax qơư nuôv zax Pauon Ecolakes, Por trôngz Trái Tim, Por trôngz Đà Giang, Qơư nuôv zax đaz kruôk… Hâur 5 shông đhâu, tưz muôx 5 dự án tâu cxưx nhiax huôv tsar nuôv zax, hur tiz si nto 162 tỷ nhiax, tok tâu 1 triệu 25.000 lưv pưs kruô tuôx nuôv zax, sâu tâu yax 600 tỷ nhiax.

Hok ntơưv huyện Mường La, muôx luz tsêr điện đêx Sơn La, nuôv zax sâuv pak đêx lox tas tov huôv tsar iz thênhv jux juk. Iz chas muôx tsêr điện đêx, Mường La tsênhv muôx njưs pak điện đêx Nậm Chiến, lok sik luz tsêr máy điện đêx Huổi Quảng zos thơưx luz tsêr máy điện đêx uô hâur đruôs ar zos Việt Nam njuôk tsov..., cux zos têx qơư kruô nhiav tuôx ndis nuôv zax chôngz yax. Đros ntơư, tsênhv muôx ntâu hâur đêx sor, têx jok px hair nênhs tsơưs, muôx qơư zus njês tầm đar ntơưv Công ty TNHH iz thành viên siz chos côngv zus njêk tầm Việt Nam-Sơn La, yênhx têx qơư “Nuôv zax pak điện đêx Sơn La - tsêr điện đêx lox yax Đông Nam Á”…
Huôv tsar nuôv zax sâuv pak điện đêx Sơn La tưz tâu xav mênhx ntơưv Câuk luk số 94-KL/TU Hnuz  23/1/2021 Ban Chấp hành Đảng bộ tỉnh lok sâuv huôv tsar nuôv zax tỉnh Sơn La txos shông 2025, xav txos shông 2030. Sở Txux chi, Thể thao thiaz Nuôv zax tưz saz lax ntâu faz tsưr ziv, zov chênhr mak “Đề án huôv tsar thax tsav pak điện đêx Sơn La yênh Thax qơư nuôv zax Têz qơưk ntu 2021-2030”. Trơưk ntơư, đề án xav mênhx huôv tsar têx qơư nuôv zax jông, jav uô ntêx têx qơư nuôv zax jông txơưr cxuô qơư, têx zav yiaz, kruô nhiav tuôx chôngz, fiv huv trâu ntu huôv tsar nuôv zax jông.

Zơưs Trần Xuân Việt, Phó Giám đốc Sở Txux chi, Thể thao thiaz Nuôv zax, haik: Shông 2024, pak điện đêx Sơn La tâu trâu bê trâu hâur têx ntâuz ntơưr huôv tsar cov yênhx qơư nuôv zax têz qơưk. Ntơư, zos têx zav tâu bax thơưx lưv chia lês “Đề án huôv tsar thax tsav pak điện đêx Sơn La cov yênhx Thax qơư nuôv zax têz qơưk ntu 2021-2030” trơưk têx cêr tuôr xav zov chênhr cxiv tsa têx qơư nuôv zax jông fiv huv têx zav muôx txơưv ntơưv qơư. 

Trơưk tỉnh têx chai tuôr xav thiaz đề án, huyện Mường La thiaz Quỳnh Nhai tưz lês ntâu faz tsưr ziv huôv tsar nuôv zax hâur thax tsav thiaz xav mênhx yênhx zav zuôr lês txix cias ntu 2020-2025. Hâur ntơư, lar haik mak “Đề án huôv tsar ngành nhiax txiax nuôv zax huyện Quỳnh Nhai ntu 2020-2025”, xav tok cov tâu 250.000 lưv pưs kruô/shông, sâu tâu 120 tỷ nhiax/shông; Đề án huôv tsar nuôv zax huyện Mường La ntu 2020-2025, chia chuôz jos trâu nuôv zax huôv tsar iz thênhv jux trơưk tưz xav.

Huyện Mường La puôz tiz kruô tuôx nuôv zax trâu thax tsav pak đêx, gruô hu têx tsêr luôv cxưx nhiax uô dự án nuôv zax thax tsav huyện. Nhiv no, sâuv pak đêx thax tsav Mường La ntơưv xã Mường Trai tưz muôx têx qơư nuôv zax, muôx 2 luz tsêr sâuv pak đêx, 2 luz homestay, muôx gox thâux kruô nuôv zax sâuv pak đêx lox, thax qơư zus njêk zos Công ty TNHH iz thành viên côngv zuk njêk tầm Việt Nam-Sơn La... lar haik mak, Tuần Txux chi, Thể thao thiaz nuôv zax huyện Quỳnh Nhai tâu tâu tso yar hâur yênhx shông zos iz jias chia kruôk têx txux chi ntơưv trôngx têz ntưs đêx Đà thiaz zos iz jias chia piar kria hâux lưv nuôv zax, tok kruô cxuô qơư tuôx ndis. Huyện cux taz tov gruô hu nhiax txiax, huôv tsar qơư nuôv zax tsas jêz, kror tsuô...

Txix têx cêr tuôr xav, nuôv zax thax tsav pak điện đêx Sơn La taz tov huôv tsar iz thênhv jux, trơưk đraiv cêr tuôr xav, uô iz thênhv jux juk cov txos shông 2030 lês tiar 50% cxuô zav thax tsav pak điện đêx Sơn La yênhx thax qơư nuôv zax têz qơưk. Txos shông 2040, côngk nhav thax tsav pak điện đêx Sơn La yênhx thax qơư nuôv zax têz qơưk.