Tsơưk tsuô Dải Yếm – “Nyuô đêx chuôs li nhoz iz nta ntux”

Tsơưk tsuô Dải Yếm nhoz trâu phường Mường Sang, thị xã Mộc Châu. Txix cêr yuôv Pa Háng, kruô nuôv zax muk trơưk txox cêr têz qơư 43 muôx li 15 phút mak txos đêx tsơưk tsuô Dải Yếm, nhoz cias iz chas cêr têz qơư.

Muôx đaz nênhs thav tiak, thâuv ntêx muôx iz gơưv gâux đrâus siz nhiav tas siaz, viv cêr uô tsor tros tus hluôs đrâus tsuv muk trâu saz Lok Tsuôk têz.Ntơưv tơư đêx tsơưk tsuô zos qơư tênhv chaix siz đax đênhr kâus siaz jux juk, gơưv gâux đrâus siz phaiz cêr uô ndo njôngr đros têx luk chos tsês cov tok chia muôx hnuz yênhx txix gơưv. Tus hluôs gâux tok tok tsik pov tus hluôs đrâus lok thiax txiak uô kar cơưk jêz tis muk trâu saz hluôs đrâus ndaiv muk, tsuôk tsês tâu txox fuôv Txiax xơưk oz tus luz bê khâuv sâuv njik ntông. Ntơưv qơư oz tus siz ndaiv, sơưr njia pov đêx tsơưk tsuô chuôs txix iz nta ntux. Txix ntơư, pêx xênhv nhoz ntơưv no thiax hu uô đêx tsơưk tsuô Dải Yếm, luk Poz Ziz haik tiak “Saik Pênhz” zos txox “blôngx siaz siz nhiav”. Tus đêx ntơưv kror đêx tsơưk nxênh ntưk lok hu uô đêx Tênhv Chaix.

Ntâu shông lok no, đêx tsơưk tsuô Dải Yếm tưz yênhx qơư trâus  kruô nuôv zax siaz xiz, xair tsov thâuv tuôx txos trâu lax trôngz Mộc Châu. Đêx tsơưk tsuô Dải Yếm nhiv no taz tov tâu Công ty cổ phần nuôv zax Pha Luông cxiv tsa kriz paz trâu cêr nuôv zax.

Đêx tsơưk tsuôk Nàng Tiên nhoz đruôz jôngr njuôz

Cux nhoz trâu Qơư nuôv zax têz qơư Mộc Châu, đêx tsơưk tsuô Nàng Tiên, iz kro đêx tsơưk tsuô plox jôngs hâur đruôz  jôngr njuôz ntơưv Nà Chá, xã Chiềng Khoa, huyện Vân Hồ zos qơư jông saiz têx kruô nuôv zax zênhx tsik chia đhâu. Muôx têx  zav jông saiz, gas siaz, muôx cêr yêz muk txos zôngx  ziv, đêx tsơưk tsuô no tâu ntâu tus kruô nuôv zax xair tsov zos qơư tuôx shuôk saiz tox trôngz hâur pêk thiaz cxaik zênhx zav saiz đaz muôs. Đhâu ntâu hnuz nhôngs, đêx  tsơưs tsuôk tưz muôx têx kror ntux trâus têz xênhz tâu jông uô trâu tiz nênhs siaz nhiav kâus laik. Têx ntu đêx tsơưk tsuô siz txuôk jưk ntưk lok trâu tus đêx njuôz xiaz lax txiak, đros têx zav jông li ntux trâus têz xênhz, uô tror kaz kênhk thiaz lok sik gas siaz.

Đêx tsơưk tsuô Nàng Tiên muôx đros jax đaz nênhs thav txos oz tus vir ndâuk, iz tus hu uô Bẳng thiaz iz tus hu uô Mương. Oz tus hluôs gâux Poz Ziz jông  gâux txơưx uô cxuô zav, muôx côngz kria pêx xênhv jêx jok chos pax, ntok ntâuz, nria fuôv txiax, yuôz kênhx, sênhr chêr... Cux zos têx cêr txơưx ntơư, oz tus vir ndâuk mas huôz taik thâuv ntơư cxiz nênhs tuôx cxov muk uô pox niam. Tus hu uô Mương đhia trâu đêx Đuz (sông Đà), tus hu uô Bẳng đhia trâu đêx tsơưk tsuô jêx zuk jêx jok vax tsê. Đêx tsơưk tsuô Gâux sâuz (Nàng Tiên) txix ntơư thiax muôx bê hu lok. Jax đaz nênhs no tsênhv đros đraiv Cêr grâuv pax Pax huôv tsar xã Chiềng Khoa, huyện Vân Hồ tâu tsôngv pêx xênhv Poz Ziz ntơưv no lês trơưr kriz nthuôr hâur yênhx shông chia ndo txiax njis gâux sâuz Bẳng thiaz gâux sâuz Mương.

Qơư nto mông no nhiv no taz tov tâu HTX Kôngz  txir-Uô cxuô zav-Nuôv zax đêx tsơưk tsuô Nàng Tiên kriz lês, por hưv têx tox trôngz hâur pêk thiaz cxiv tsa iz cxia qơư qox hla đhâu đêx, tsêr saiz tox trôngz, paz max cêr nox hâuk trâu têx kruô nuôv zax …

Đêx tsơưk tsuô Tạt Nàng – Luz por huv njuôz đruôz tox trôngz hâur pêk har jôngr 

Tror ndis saiz cxuô kror đêx tsơưk tsuô nhoz Thax qơư nuôv zax têz qơư Mộc Châu, đêx tsơưk tsuô Tạt Nàng ntơưv xã Chiềng Yên, huyện Vân Hồ cux  zos qơư trâu têx kruô nuôv zax ndis nhiav pâuz txos têx zav jông ntux trâus têz xênhz. Đêx tsơưk tsuô muôx đêx ntưk yênhx  shông, đơưz pâus chuôs nyuô sêz, đơưz chi, jux jôngs nhoz đruôz jôngr njuôz ntơưv thax  tsav har  jôngr lâuk. Kror yax hlo ntơưv đêx tsơưk tsuô no mak zos hur si têx tox trôngz hâur pêk txuôs tâu li  ntux trâus  têz  xênhz, đêx nyiaz si lax txiak, tsik đêz ntơư mak zos đrak liax 2 chiv  blêx siar, jêx jok nhoz njias to.

Pêx xênhv ntơưv no tsênhv siz kria txos jax đaz nênhs đrav ntêx lok sâuv chax chês bê hu txos đêx tsơưk tsuô Tạt Nàng. Haik tiak đrav ntêx muôx iz gơưv gâux đrâus siz nhiav, viv cêr uô tsor tros tsuv siz ndaiv. Tus hluôs gâux hnuz tưs  cux tok nrư tus hluôs đrâus tror lok, tsik hlôngr siaz hlo, tsik txaik cxuô tus txơưr têx ndâux luk tuôx nziak thav ntơưv thax tsav. Txaik tâu mông tus hluôs đrâus tuôs tsav, hluôs gâux qik yưr muk txos đêx tsơưk tsuô jâus kuôx tsik pâuz pêk tsơưs hnuz hli chia li txiak uô poz jêz. Pêx xênhv jêx jok khur lênhx txix têx  cêr siz nhiav ntơưv tus hluôs gâux li ntơư tik bê đêx tsơưk tsuô hu uô đêx tsơưk tsuô Tạt Nàng. Muk txos đêx tsơưk tsuô Tạt Nàng, têx kruô nuôv zax tsênhv tâu  ndis saiz, shuôk đêx njêk jok Bướt, đêx sor jok Phụ Mẫu, saiz huôz pư har ntơưv Nà Bai, saiz txos txox cêr têz qơư 6 kuz chia nuôv saiz tox trôngz hâur pêk ntux trâus têz xênhz...  

Muôx têx zav jông saiz tơưv tox trôngz hâur pêk đros têx jax đaz nsênhs đros đraiv cêr tsa yênhx yênhx cxênhz shông, têx đêx tsơưk tsuô jông saiz zos têx zav muôx txơưv trâu tox trôngz hâur pêk tsik txơưx tas chia kriz lês, ndis saiz  huôv nzir nux gri tsênhv nziv yuôr jông qơư đros cêr por hưv têx zav jông hâur tox trôngz hâur pêk chia huôv tsar nuôv zax njuôz thiaz truôx njês, siz chos muôz nuôv zax lês cov yênhx saz nhiax txiax uô thơưx hlo ntơưv tỉnh.