Tuôx txuv muôx têx cưk txux, pêx xênhv pâuz txux nhoz têx jok Hìn, phường Chiềng An, Thành phố thiaz jok Tà Số, xã Chiềng Hắc, huyện Mộc Châu; têx cán bộ, chiến sĩ Trung đoàn 754 (Bộ CHQS tỉnh) thiaz shâuv xênhz Yar cơưv cxuô zav nênhs tsơưs tỉnh.

Têx cưk txux, pêx xênhv pâuz txux chi tưz chox têx txux chi tuôx nthuôr uô jông txơưr hlo zos pêx xênhv Poz Ziz thiaz Hmôngz tênhx tus cias hâur qơư ndis ntơưv Tsêr tsês puôr fênhx tỉnh; kria lok sâuv sênhr chêr tuôr têk uô vox Poz Ziz tênhx tus tưz tâu UNESCO côngk nhav zos txux chi ntơưv tiz nênhs thiaz txux chi nria pax ntâuz, tơưv lâus tsôngk hnar cênhz cưv ntơưv hair nênhs Hmôngz - zos txux chi hâur têz qơưk.

Ntơưv no, pêx xênhv thiaz kruô nuôv zax tsênhv tâu ndis shuôk têx txux chi jông ntơưv oz hair nênhs, li: Kar nox tiz nênhs Poz Ziz; tuôr nduôr blêx blâuv, hâuk graix siz shơư ntơưv hair nênhs Hmôngz thiaz tâu côngv sênhr chêr tuôr têk đhia paz nênhs đros têx cêr uô si zos pêx xênhv tus, li: Muk tơư nênhk, ntâuk tux luz, jax puôs kê; saiz têx jax cưr cxiax jông ntơưv pêx xênhv haik, sênhr. Têx hâux lưv lov jêv tưz gruô hu tâu chôngz lênhx ntâu tus shâuv xênhz, pêx xênhv thax tsav Thành phố, kruô nuôv zax hâur zuk thiaz luôs tỉnh tuôx ndis saiz, nus cov pâuz lok sâuv txux chi cxuô zav nênhs Sơn La.

Ntơưv no zos hâux lưv tâu Tsêr puôr fênhx tỉnh kriz hâur yênhx shông chia kria, yâu mông muk đêz đar lok sâuv txux chi cênhz cưv jông ntơưv cxuô hair nênhs pêx xênhv Sơn La. Đros ntơư, muôx hâux lưv ndis saiz, uô si lov jêv muôx liv trâu shâuv xênhz, siz chos txuôs tsês, por hưv thiaz huôv nzir nux gri txux chi jông ntơưv cxuô hair nênhs thax tsav tỉnh./.