Huv muôz puz xair tsov công nhav côngz bê nuôv zax tỉnh Sơn La tâu gruô hu txix hnuz 15/10/2023 đros trâu cêr tuôr xav fuô kria têx qơư nuôv zax, qơư nox nhoz, qơư uô lax luôv nuôv zax thax tsav hur si tỉnh. Đros ntơư, zos kror paz trâu têx tsêr luôv, đơn vị, qơư uô lax luôv nuôv zax pov tâu zuk côngz bê, hax huv; gruô hu cêr siz tưr cxiv tsa thiaz lês jông hâux lưv uô hax huv thiaz nuôv zax.

Jias tưr muôx 65 đơn vị, qơư nuôv zax, tsêr kruô, tsêr thaz nzưr hâur thax tsav tỉnh chos lul côngv trâu 6 zav, muôx: Qơư nuôv zax lês tâu hâux lưv jông; tsêr kruô 4-5 hnuz kuz lês tâu hâux lưv jông; tsêr kruô 2-3 hnuz kuz lês tâu hâux lưv jông; qơư nox nhoz txơưr lês tâu hâux lưv jông.

Côngz xưv xair tâu lês sâuv mạng, txix hnuz 15/10 txos 15/12/2023, tưz muôx yax 1 triệu lưv nênhs sox njôngr đros trâu zuôr luôs 650 cxênhz lưv lênhx nênhs côngv xair ntơưv 5 njiaz luk: Hax huv jông; tus gri; tsưr ziv taz kruô, đêx ar huôz chuô nyiaz hur; por hưv cêr nhaz xênhz thax tsav nuôv zax; tsêr thaz nzưr nox, hâuk lês tâu hâux lưv jông. Txix li Ban giám khảo đros muk cxênhz yuôx cias ntơưv qơư haik pâuz, ntâu thax tsav tưz muôx têx hax huv nuôv zax jông, uô trâu kruô nuôv zax lok six nhiav.  

Ban tổ chức tưz muôz 11 kror huv puz 6 zav muôx: Muôx qơư nuôv zax lês jông hâux lưv trâu Qơư nuôv zax uô si Har jôngr ntông chiaz jok Áng, xã Đông Sang, huyện Mộc Châu; kror Qơư nuôv zax lês tâu hâux lưv jông ntơưv Đêx tsơưk tsuô Dải Yếm, xã Mường Sang, huyện Mộc Châu; muôz huv puz Tsêr kruô 4-5 hnuz kuz lês tâu hâux lưv jông trâu Tsêr kruô Mường Thanh Sơn La; 2 kror huv muôz trâu têx tsêr kruô 2-3 hnuz kuz lês tâu hâux lưv jông; 3 kror huv txơưr lês tâu hâux lưv jông; 3 kror huv Tsêr thaz nzưr lês tâu hâux lưv jông.