Hiệp hội tưz cxơưz paz hội viên lês hâux lưv siz khov nuôv zax ntơưv têx qơư nuôv zax; huôv tsar nuôv zax yiaz, uô jông hâux lưv ntơưv têx qơư nuôv zax, lar haik yax mak têx huyện: Mộc Châu, Vân Hồ, Quỳnh Nhai, Thuận Châu, Mường La… Tsik tas li, sir jos siz khov fuô kria têx qơư nuôv zax, đros têx paz nênhs famtrip, tsêr luôv chox kruô cxênhz têx tour, qơư nuôv zax yiaz cov muôx chôngz kruô đuô; njuôk tsov mênhx têx cêr phiv liv, khov têx tsêr luôv hội viên saz lax trâu têx cơ quan cik txos paz cov muôx cêr siz khov nuôv zax.

Zơưs Hoàng Chí Thức, Chủ tịch Hiệp hội Nuôv zax tỉnh, haik: Txix thâuv hâu shông txos nhiv no, Hiệp hội tưz đros Hiệp hội Nuôv zax cxuô tỉnh kria cêr chox kruô nuôv zax ntiax têz txix thành phố Thái Bình-Mộc Châu-Sầm Nưa, tỉnh Hủa Phăn, têz qơưk Lok Tsuôk; đros Hiệp hội Nuôv zax tỉnh Thanh Hóa, Hưng Yên cxênhz yuôx, piar kria têx qơư nuôv zax ntơưv thành phố Sơn La, huyện Quỳnh Nhai; Hiệp hội Nuôv zax tỉnh Bà Rịa-Vũng Tàu cxênhz têx qơư nuôv zax ntơưv Sơn La, siz chos luk huôv tsar nuôv zax 2 luz tỉnh, siz khov-siz chos luk ntơưv têx đơn vị chox kruô cxiv tsa têx tour nuôv zax txâuk njênhs. Tok Hiệp hội Nuôv zax cxuô luz tỉnh côngv jias fuô côngk nhav Têz qơưk thax qơư nuôv zax Mộc Châu...

Lar haik hâur shông 2024, Ban Thường trực Hiệp hội đros Liên hiệp cxuô Hội khoa học nhiax txiax ntơưv tỉnh tưz saz lax Hội thảo kria njiaz luk “Têx tsưr ziv paz lês jông côngz xưv por hưv têx kar hno cov hur hâur têx thaz nzưr nox hâuk, tsêr tok kruô nuôv zax hâur thax tsav tỉnh Sơn La” trâu têx nênhs saiz car, uô hâux lưv ntơưv 20 luz tsêr kruô, tsêr thaz nzưr muôs hax huv nox hâuk, qơư nuôv zax ntơưv tỉnh; siz chos đros Liên minh Nuôv zax Best tour - Mộc Châu lês luôs hâux lưv FAMTRIP “Tinh hoa Mộc Châu 2024”, muôx 94 đơn vị chox kruô txix têx tỉnh, thành phố.

Thơưx jâus đros tsôngv fôngx zưs tuôx nuôv zax trâu saz Kâuv têz hnuz pôngz, niav lâuk Hoàng Ngọc Mai, zos kruô nhoz thành phố Hồ Chí Minh tuôx, nưk haik: Têz qơưk thax qơư nuôv zax Mộc Châu muôx ntâu tsar ntâu zav, li: Qox iar Bạch Long, qơư nuôv zax Happyland Mộc Châu, ndis trôngz yuôx zêx Trái tim, kror qơư muk tơư, tsas đêx Dải yếm... cur lok six nhiav trôngx têz qơưk Mộc Châu viv huôz chuô lax, tox trôngz hâur pêk jông gâux, tiz nênhs shir phaz.

Nhiv no, tỉnh Sơn La muôx 12 kror qơư nuôv zax tâu côngz, muôx 1 kror qơư nuôv zax têz qơưk, 1 thax qơư nuôv zax cấp tỉnh, 10 kror qơư nuôv zax cấp tỉnh; muôx 5 zav qơư nuôv zax zov chênhr: Nuôv zax ndis tox trôngz hâur pêk, kôngz lông; nuôv zax txux chi, cênhz cưv; nuôv zax jêx jok; nuôv zax so uô si, so por hưv đas jos; nuôv zax (thể thao, saz lax, cơưv, kar hno). Txix thâuv hâu shông txos nhiv no, thôngz tỉnh tưz muôx yax 4 triệu 500 cxênhz lưv kruô nuôv zax tuôx nuôv zax, so ndis uô sai, têx nhiax sâu tâu txix têx kruô nuôv zax tâu 5.337 tỷ đaiv, tâu 97% xav hâur shông.

Tâu tỉnh, cxuô huyện, thành phố moz siaz cxưx nhiax huôv tsar thiaz tâu Hiệp hội Nuôv zax tỉnh paz, têx tsêr luôv, tuz luôv paz sir jos njok, njênhs tiak têx qơư nuôv zax ntơưv tỉnh zuôr zênhv hnuz zênhv hax zav huôv tsar cxix ntâu tsar zav, tâu kruô nhiav đuô./.