Têx tiax pax jâuz đar lơưv yênhx nyuô muôs, jông gâux riz cxơưz pêx xênhv hâur thax tsav no sâu nju nhiax txiax. Têx vax pax jâuz ntơưv no kruô lok six nhiav tuôx ndis uô si, zos lênhx tưs xar saiz pax jâuz cux zôngx ziv nriar kriz tâu cias sâuv mạng xã hội, paz Vân Hồ zênhv hnuz zênhv tok tâu kruô tuôx cxaik zênhx zav chôngz.

Vax pax jâuz ntơưv Vân Hồ, jok Lóng Luông, xã Lóng Luông muôx 2.000 thiar xưv phaz têz jâuz pax, lok six jông gâux. Têx tsưr vax tưz tok kruô puôs thâuv uô ntêx Tsiaz pêz châus tax txos nhiv no. Xav iz hnuz tok tâu txix 500 txos 600 lưv lênhx kruô cxuô qơư tuôx cxais zênhx zav chox muk saiz.

Hâur thax tsav huyện Vân Hồ nhiv no muôx 5 kror qơư cxaik zênhx zav pax jâuz ntơưv têx jok Lóng Luông, jok Chiềng Đi I, jok Chiềng Đi II. Cxuô luz vax pax puôr lênhx sâu iz tus nênhs 20 cxênhz nhiax/lưv thiaz 200 - 300 cxênhz nhiax/lưv cxaik zênhx zav muôx luôx juk tsôngk yo Hmôngz tso ntiar iz chêr txix 20-30 cxênhz nhiax.

Ntơưv têx vax pax, pêx xênhv ho muôx kênhx trâu kruô kir cxais zênhx zav check-in lok sik muôx têx luz viar viak lok six jông gâux. Lar haik yax mak, pêx xênhv tsênhv nthuôr phaz nzưr chos têx pax yênhx têx câux plơưr jông gâux, yênhx khơư luk phôngv côngz hmôngr shông yiaz.

Têx pax jâuz đơưz thiaz đax taz tov tơưs đra, jông chuôs têx đuôz zênhx zav lênhx tưs cux nhiav. Hâur têx vax pax jâuz taz tov tơưs, yar ntux sor so, têx kruô hax zav shir phaz ndis uô si thâuv hâu shông yiaz.

Têx vax pax jâuz đar txâuk yênhx nyuô muôs ntơưv Vân Hồ zuôr zos têx qơư kruô qênhv tsik tâu luz siaz nhiav chia so ndis hâur têx hnuz hâu shông yiaz thâuv tuôx txos Sơn La haik khênhx thiaz têz qơưk thax qơư nuôv zax Mộc Châu haik tas nro.