Xav txix hnuz 25/1 (Luz 12 hli ntux 26) txos xiaz 2/2 (xiaz 5 Tsiaz), têx thax tsav, qơư nuôv zax, uô luôv nuôv zax hâur thax tsav thị xã Mộc Châu tưz tok tâu yax 105.000 lưv kruô tuôx shuôk, nuôv zax thiaz so txuôs jos; xav hur si sâu tâu yax 136 tiv nhiax. Ntâu kror qơư nuôv zax jông muôx lok six chôngz tus kruô tuôx ndis shuôk, li: Thax tsav nuôv zax Mộc Châu Island; Happy Land Mộc Châu; Thax tsav nuôv zax so txuôs jos thiaz uô si Har jôngr chiaz jok Áng; Thax tsav ndo txiax njis Trung đoàn 52 Tây Tiến; luz trôngz plơưr; têx jok huôv tsar nuôv zax jêx jok thiaz têx luz trôngz txir khơưz tơưs đơưz vos hâur vok har txir khơưz Nà ka, Mu Náu… zos kror qơư jông yax tâu ntâu tus kruô xair tuôx shuôk thiaz nuôv zax.

.

Bax jông uz no chia tok kruô nuôv zax, thị xã Mộc Châu tưz chox car têx đơn vị muôx vax huôv tsưx jông cêr njias to, tsav yêz muk lok nhaz xênhz; zaz zâuv têx qơư so txuôs jos, tsêr kruô, homestay, ziv nênhs fuô lês ntov nti têx cêr chai tir, tar hluôr tơưk cuz, por hưv kar nox hur; bax txưv vax tsêr, tiz nênhs thiaz têx kror qơư txơưr taz kruô, paz cxơưz, kria cxuô kror qơư pâuz thax tsav têx huv nuôv zax, đuôz têx kror qơư jông yax ntiax têz.