Ntơưv jias grâuv pax tưz kriz têx phênhv tưr nthuôr txux chi, thể thao li: siz tưr tuôr nduôr, truz hluô, lâuz pak, muk tơư nênhk, tuô nênhr, tâuk tuz luz…đros trâu cêr côngv têk ntơưv 200 vận động viên nhoz ntơưv têx jok hâur thax tsav xã Háng Đồng. Têx paz tưr thiaz vận động viên tưz siz tưr lov jêv ntưk, tâu chôngz lênhx kruô nuôv zax cxơưz jos, uô trâu hnuz grâuv pax lov jêv ntưk.

Iz chas ntơư, jias grâuv pax tsênhv kriz têx qar huv tuv têx hax huv kôngz, txir nox, hax huv OCOP ntơưv xã Háng Đồng thiaz têx chuôz zênhx, tsôngv hnar zos hair nênhs Hmôngz ntias tus…

Suôx câuv jias tưr, Ban tổ chức tưz muôz 13 giải iz, 13 giải oz, 13 giải pêz, 5 giải cxơưz jos trâu têx paz tưr thiaz vận động viên.

Jias grâuv pax tâu kriz lov jêv ntưk, paz trâu pêx xênhv hâur xã thiaz kruô nuôv zax muôx cêr lov jêv, shir phaz. Đros ntơư, cxơưz paz cxiv kho, por hưv, nthuôr huôv tâu jông Hmôngz têx txux chi jông. Xã Háng Đồng tror tsưx truôx jias grâuv pax yênhx hâux lưv tâu kriz hâur cxuô shông chia fuô kria nuôv zax, txux chi hâur thax tsav, gruô hu têx tsưr cxưx nhiax muôz nhiax lês hâux lưv huôv tsar nuôv zax truôx njês.