Trơưk cxênhz ntơưv Tổ chức Nuôv zax Ntiax têz, hâur têx shông lok no, phênhv ntâu têx têz qơưk muôx saz nuôv zax taz tov huôv tsar thax tsav châu Á - Thái Bình Dương puôr lênhx moz siaz muôz nhiax lês ntâu đuô trâu hâux lưv huôv tsar, fuô kria nuôv zax txux chi, têx qơư cênhz cưv. Luz cênhz viv têx kruô nuôv zax nhoz oz chas têz lok six nhiav têx qơư nuôv zax txux chi – cênhz cưv hâur thax tsav. Hâur pêz têz qơưk, tuôr xav têx kruô nuôv zax oz chas têz tuôx uô si, ndis shuôk têx hax huv nuôv zax txux chi – cênhz cưv ntơưv tỉnh, thành hâur têz qơưk txênhz yax 40%. Nuôv zax txux chi – cênhz cưv tưz yênhx iz hâur têx zav nuôv zax tâu kruô nhiav thiaz chuôz jos trâu saz nuôv zax huôv tsar truôx njês.

Têx jax luk thav txux chi, cênhz cưv yênhx iz zav zov chênhr lol sâuv huôv tsar nuôv zax zos kror zov chênhr, tsês trâu têx kruô nuôv zax ndo njôngr đruôz siaz. Đros trâu taz kruô, muôx kar nox kaz, hâux lưv taz kruô nuôv zax đhâu têx jax luk thav, luk kria thâuv muk ndis shuôk uô si mak zos iz kro hâux lưv lok six zov chênhr, chia gruô hu tâu kruô nuôv zax tuôx so hâur thax tsav thiaz tror tuôx nuôv zax đuô.

Jias saz lax tưz nhav tâu 11 jax sâu ntơưv têx cưk txux, paz pơưs, tsêr luôv, phênhv ntâu zos têx njiaz luk: Tuôr xav huôv tsar nuôv zax tỉnh Sơn La; kror zov chênhr lol sâuv hâux lưv zok nriar thiaz nthuôr têx jax luk thav, luk kria trâu saz txux chi nuôv zax; côngz xưv huôv tsar nuôv zax thiaz têx hâux lưv nthuôr têx jax luk thav, luk kria ntơưv têx qơư nuôv zax hâur thax tsav nuôv zax têz qơưk Mộc Châu; iz cxia cxênhx xưv têx zuôr tâu kriz trâu saz nuôv zax hâur qơư nuôv zax têz qơưk Mộc Châu; nuôv zax txux chi; tsưr ziv cxiv tsa hax huv nuôv zax txix li zôngv têx txux chi; tsưr ziv gruô hu têx cưk txux sâu têx jax luk thav, luk kria trâu saz txux chi nuôv zax…

Hlôngr njêx muôs têx công ty chox kruô nuôv zax, tsêr luôv nuôv zax saz lax, siz chos cơưv shâuv tsưr ziv huôv tsar nuôv zax đros trâu nuôv zax cênhz cưv, txux chi hâur thax tsav.

Jias saz lax chia cxiv tsa têx ntâuz ntơưr, lês mênhx pêv hâux lưv zok nriar thiaz têx zav zok nriar, sâu cxiv tsa têx  jax luk thav muôx liv trâu saz nuôv zax; muôx têx tsưr ziv jông chia lês tiar hov fiax cxiv tsa têx hax huv nuôv zax txux chi - cênhz cưv tâu kruô nhiav ntơưv qơư nuôv zax têz qơưk Mộc Châu, cxơưz paz huôv tsar nuôv zax Sơn La tsiv nhos li têx zav zênhx muôx txơưv.