Xã Hồng Ngài nhoz đêz đrôngs huyện Bắc Yên zuôr luôs 10 caik cêr, đar zuôr luôs 57 caik xưv phaz, phênhv ntâu zos cưr tix Hmôngz nhoz. Xã muôx thax tsav nto mông zos kror tsuô A Phủ, đêz yax 100 thiar, mul thôngz plơưk luz trôngz, ntu đar yax mal 40 thiar, trôngx kror tsuô siaz, đar njia mul trâu tox trôngz njuôz xiaz, jông jav. Ntơư zos thax tsav tsik zos muôx nux gri cênhz cưv, mal tsênhv muôx txux chi, chia trâu ntâu tus cưk txux, nênhs sâu pax huôv tưz sâu tâu têx jax lul, jax gâux jông đros trâu yênhx fâu đaz nênhs, jax gâux tsưx truôx txux chi Hmôngz, huyện Bắc Yên, li jax "Niav txir A Phủ" ntơưv lênhx nênhs sâu txux Tô Hoài; jax cưr cxiax "Jax gâux pêv trôngz” ntơưv nhạc sĩ Nguyễn Văn Thương…

Jâus grâuv pax “Trâu trôngx têz oz niav txir A Phủ” shông 2023 tâu kriz hâur 2 hnuz (3 thiaz 4/11) muôx phênhv uô đaz kruôk thiaz phênhv uô lov jêv. Phênhv đaz kruôk mal zos kriz trâu tơư kror tsuô oz niav txir A Phủ. Phênhv kriz uô lov jêv mak muôx đhia kênhx, por poz, tuô hnênhr, lâuz cênhv, ntâuk tux luz, truz hluô, tuôr nduôr, uô kar nox. Iz chas ntơư, tsênhv pir txưr, muôx pêx xênhv têx xã tox siaz têx hax huv thiaz cok đuôz oz niav txir A Phủ.

Jâus grâuv pax tâu kriz chia cxiv kho, tsưx tsês thiaz huôv tsar têx txux chi iz txưv muôx hâur cưr tix Hmôngz; cxơưz paz pêx xênhv cxiv tsa luz nênhx muôx txux chi. Đros ntơư, moz siaz fuô kria lol sâuv têx zav muôx txơưv, txux chi cxuô hair nênhs đros trâu huôv tsar nuôv zax ntơưv huyện Bắc Yên haik tas nro thiaz xã Hồng Ngài - Trôngx têz oz niav txir A Phủ haik khênhx. Đhâu ntơư, muôx ntâu kruô hâur tỉnh thiaz oz chas tỉnh tuôx saiz shuôk, zok nriar qơư muôz nhiax cxiv tsa, siz chos côngv huôv tsar thiaz công kriz cêr luôv.