Côngv jias grâuv pax muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh, Thơưx Paz đại biểu Quốc hội tỉnh; Hoàng Văn Chất, kuz Bí thư Tỉnh ủy, Chủ tịch HĐPX tỉnh; Xuân Xênhz Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Lường Thị Vân Anh, Ủy viên Ban Thường vụ Tỉnh ủy, Chủ nhiệm Ủy ban Cxênhz yuôx Tỉnh ủy; Hội Por hưv đrox tsuôs thiaz đêx ar huôz chuô nyiaz hur Việt Nam; thơưx car iz cxia sở, ngành ntơưv tỉnh đros chôngz lênhx pêx xênhv thiaz kruô nuôv zax hâur huyện thiaz oz chas huyện.

Huyện Yên Châu nhiv no muôx yax 12.000 ha ntông nox txir cxuô zav, hâu ntơư muôx yax 3.340 ha mor môngk, hâur shông 2025 xav đê tâu yax 26.000 tấn txir mor môngk cxuô zav. Txir mor môngk khênhx ntơưv huyện tưz tâu Cục Sở hữu trí tuệ muôz Ntơưr chứng nhav chos luk kria pâuz qơư chos. Nhiv no, hur si huyện muôx 207 ha tâu muôz ntơưr chứng nhav VietGAP, GlobalGAP, hữu cơ; 298 ha tâu muôz mã số kria pâuz qơư chos chia muôs muk trâu oz chas têz.

Hnuz grâuv pax txir mor môngk Yên Châu shông 2025 tâu kriz hâur 3 hnuz (30, 31/5 thiaz 1/6), đros trâu ntâu têx hâux lưv fiv huv, muôx txiax njis: Tuv hax huv kôngz, txir nox; siz tưr đê txir mor môngk; siz tưr tuôr têk sênhr chêr; siz tưr hnar tsôngk hnar jông; ntâu têx cêr uô si txơưr; côngv ndis shuôk vax txir mor môngk…

Muôx luk ntơưv jias cơưv, đồng chí Xuân Xênhv Tsaz haik mênhx: Hnuz grâuv pax Yên Châu 2025 thiaz Jias fuô, muôz Ntơưr côngk nhav Ntông lâuk Việt Nam zos hâux lưv muôx txiax njis, chia kruôk txos têx tuz kôngz chos txir, fuô kria têx hax huv, qơư uô nuv tâu jông, đros ntơư muôx cêr siz khov txix li têx tsêr luôv, hợp tác xã thiaz tsưr kôngz hâur pâur muôs hax huv. Đồng chí cxiz cov têx sở, ngành, thax tsav tror moz siaz sir zôngv tsưr ziv yiaz lok uô kôngz lông, tsưx tsês kôngz tov kaz sâu tas; paz tuz kôngz lês trơưk đraiv têx cêr chai VietGAP, GlobalGAP; siz khov pâur muôs hax huv, cxiv tsa côngz bê, cxơưz paz muôs hax huv truôx njês. Đồng chí cux gruô hu cêr côngv têk ntơưv têx tsêr luôv, tuz luôv muôs hax huv muk trâu oz chas têz moz siaz đuô txos trâu hax huv mor môngk ntơưv Yên Châu, đros tuz kôngz huôv tsar qơư chos thiaz kriz đar qơư muôs hax huv.

Ntơưv hnuz kriz grâuv pax, thơưx car Hội Por hưv đrox tsuôs thiaz đêx ar huôz chuô nyiaz hur Việt Nam tưz fuô quyết định quyết định thiaz muôz Ntơưr côngk nhav 5 tus ntông lâuk Việt Nam, li: Ntông mor khak, ntông mor môngk ntơưv jok Khá, xã Sặp Vạt; ntông phax khâuv, ntông yuôx zêx ntơưv jok Luông, jok Ôn Ốc, xã Mường Lựm; ntông sấu ntơưv jok Nà Ngà, xã Chiềng Hặc. Têx ntông tâu côngk nhav jias no tưz nhoz yênhx puô shông thiaz muôx cênhz cưv, đros đraiv pêx xênhv hâur thax tsav luz nênhx.