Tỉnh tưz tso tơưv iz cxia cêr chai nhiax txiax cik txos cêr xav, tsưr ziv, chia xav paz huôv tsar nuôv zax, hâur ntơư, xav mênhx têx nhiax txiax paz huôv tsar tiz nênhs uô hâux lưv nuôv zax. Hâur ntơư, tsik tsês lês côngz xưv huôv tsar thiaz choz kria nênhs uô nuv saz nuôv zax ntơưv tỉnh trơưk cêr fiv huv, chok nxiak muôx txâuk nênhs txơưx lês hâux lưv. Kriz đar cêr siz khov thax tsav, siz khov trâu têx yar cơưv lox muôx côngz hâur têz qơưk lol sâuv choz kria tiz nênhs saz nuôv zax cov txơưx uô hâux lưv. 

Zơưs Trần Xuân Việt, Phó Giám đốc Sở Văn hóa, Thể thao thiaz Nuôv zax (VHTT&DL), kria pâuz: Lês chox car ntơưv tỉnh, Sở tưz saiz hloz hâux lưv kria têx nênhs saz nuôv zax txơưx uô hâux lưv, saiz car têz qơư, saiz car nhiax txiax lax luôv thiaz tsưr ziv hâux lưv nuôv zax, tsik so kria tiz nênhs txơưx uô nuv ntơưv têx qơư muôx nênhs so nhoz, têx thax tsav nuôv zax .

 Saz văn hoá, thể thao và Nuôv zax (Ngành VHTT&DL) tưz côngv kriz têx paz cơưv, cơưv nzir tsưr ziv uô hâux lưv nuôv zax ntâu zav, yax hlo mak têx paz nênhs uô hâux lưv cias hâur saz nuôv zax nhoz jêx jok. Hâux lưv kria ntâu tsar zav, cxix cxuô, sir jos lês côngz xưv sơưr đơưk cxơưv hlôngr, gruô têx tsêr luôv chox kruô. Côngz xưv kria saiz car lok sâuv txux chi hâux lưv côngz xưv, tsưr ziv thav pêv, cơưv nzir luk Anh, hâux lưv uô tsêr mor, qơư pư, trôngx tos.

Txix shông 2021 txos nhiv no, tưz kriz tâu 38 paz cơưv nzir, cxaz tsưr ziv hâux lưv nuôv zax, por hưv txux chi têx tiz nênhs đros đraiv huôv tsar nuôv zax trâu zuôr luôs 1.300 tus nênhs cơưv. Sở VHTT&DL tsik so kriz cơưv, paz nênhs cơưv txơưx uô hâux lưv trâu têx tsêr luôv uô  luôv nuôv zax, chox kruô, têx thax qơư nuôv zax lok sâuv hâux lưv têx paz txơưx kria kruô nuôv zax; kriz jâus tưr coz chox kria kruô nuôv zax.

Txos nhiv no, hur si tỉnh muôx 5.100 tus nênhs uô nuv trâu saz nuôv, hâur ntơư, muôx 55% tus tưz đhâu cơưv. Têx nênhs kria kruô nuôv zax tsar luôx juk nênhs thiaz txơưx txux chi. Cias thax tsav nuôv zax têz qơưk Mộc Châu muôx yax 40 tus kria chox kruô tsik so tâu cơưv nzir tsưr ziv uô hâux lưv.

Pos Đinh Thị Hường, Trưởng phòng Văn hóa - Thông tin huyện Mộc Châu, thav tiak: Huyện tưz côngv kriz kria têx paz nênhs cơưv nzir tsưr ziv, hâux lưv nuôv zax, nuôv zax jêx jol zos pêx xênhv ntias tus đros njiaz luk cơưv ntâu tsar zav, fiv huv cêr khov, li tsưr ziv uô nox, hâuk, thâux kruô, piar kria kruô, luk Anh hâur jêx jol, nênhs khov nênhs zuôr (marketing), saiz car qơư tuôx txos, kriz lês, por hưv cêr nyiaz hur... paz max kria têx nênhs txơưx uô hâux lưv, huôv tsar nuôv zax, yax hlo mak nuôv zax tsôngv pêx xênhv.

Nhiv no, thax tsav huyện Mộc Châu muôx 295 luz tsêr so, taz tov uô hâux lưv, txênhz 50% têx qơư so nhoz hur si tỉnh; 400 luz qơư uô luôv nox, hâuk, zuôr muôs; yax 10 thax tsav, qơư, jok nuôv zax; 12 tsêr luôv uô luôv nuôv zax, chox kruô, muôx hâux lưv uô trâu jê 3.000 tus nênhs cias ntơư thiaz uô tov têx. 6 hli hâu shông, huyện tưz tok yax 1,3 triệu pưs kruô tuôx nuôv zax .

Pos Điêu Thị Thảo Hạnh, chox kruô thax tsav nuôv zax txux chi huyện Quỳnh Nhai, thav tiak: Iz chas hâux lưv tsik so muk cơưv nzir tsưr ziv, cơưv cxaz tsưr ziv hâux lưv zos huyện, tỉnh kria, mak cur tsuv tâu cơưv nzir têx tsưr ziv khov muôx, saiz têx txux chi lok sâuv cêr uô têz qơư, txux chi txơưr hâur thax tsav pak đêx lox, têx jax đaz nênhs jông, tsês cêr chia siaz txos têx kruô tuôx nuôv zax txos Quỳnh Nhai.

Cêr xav txos shông 2025, hur si tỉnh muôx txix 7.000 txos 10.000 lênhx uô nuv trâu saz nuôv zax; hâur ntơư, muôx li 3.000 hâux lưv uô cias ntơưv qơư, tsar nhiax txiax siz bâus 10-15%/shông. Saz VHTT&DL taz tov fuô lês trơưk têx tsưr ziv yôngv siaz uô jông, lês cov tâu trơưk cêr xav cxiv kho têx nênhs nuôv zax ntơưv tỉnh, chok nxiak txâuk cêr tok kruô nuôv zax hâur zuk têz qơưk thiaz ntiax têz. Ntơư, cê zos cêr xav huôv tsar, cê zos cêr taix khov tsênhz mênhx  tsuv lês chia nuôv zax Sơn La muôx yax ndê tsas tsiv nhos têx cêr txơưv pênhv./.