Xã đriv têz Phiêng Khoài muôx txir  nkhơưz  kaz jiz ntâu yax ntơưv huyện Yên Châu  đros trâu yax 2.000 ha. Phiêng Khoài ntu no tâu pir li iz vax pax txir nkhơưz kaz jiz kâuv ntux, têx trêk pax đơưz pâus tơưs yiaz thâuv tais cik yar ntux piz jiaz uô tiz nênhs kâus siaz laik. Đaiv zênhx  zav jông txix pax txir nkhơưz kaz jiz đơưz pâus, đros  têx huaz pư har pok niaz, uô trâu chaix ntux yiaz đriv têz Phiêng Khoài jông gas siaz, đai siaz đhuôv trâus tus kruô nuôv zax khov tuôx ndis, saiz.

Xav li pêx xênhv ntơưv no, pax txir nkhơưz kaz jiz muôx txiax njis trâu cêr truôx siaz uô têz uô qơư, đros cêr nhiax tâuk uô nênhx nhoz, nhiax tâuk huôz chuô no txiak. Ntơưv no zos têx pax hlôngr njêx muôs trâu cêr hmôngr jông thiaz shir phaz, thâuv pax tơưs đra cux li thâuv fuô kria chaix txir nkhơưz kaz jiz txi ndư chês trơưr trik.

Lar haik, shông no huyện Yên Châu tưz xair thax qơư no kriz đhia ntêr muôx Zênhx “ Vax pax đriv têz ” ntơưv xã Phiêng Khoài kriz trâu hnuz 15/2. Tsov xav đhia shông no zuôr muôx jê 1.000 tus vận động viên khênhr đhia thiaz tsik khênhr đhia tuôx tưr đhia txir nênhx, pox niav, đros 2 nduô đêz 7 caik thiaz 15 caik cêr.

Tưr đhia  zênhx jâus xuz thơưx tâu huyện Yên Châu kriz trâu ntơưv xã đriv têz, muôx nduô cêr đhia đhâu têx har pax txir nkhơưz kaz jiz, pax lê tênhv chaix kaz siaz trâu  têx vận động viên thiaz kruô tuôx nuôv zax côngv đhia, siz chos yâu mông, kria njux đuôz, chas txux chi tsôngv pêx  xênhv cxuô zav nênhs ntơưv huyện.