Đề án tâu tuôr xav fuô lês trơưk têx dự án: Cxơưz paz cxiv puôz vax tsê, cêr muk lok chia paz trâu hâux lưv nuôv zax; cxơưz paz kho đuô têx txux chi, cênhz cưv hair nênhs tsơưs; por hưv, tsưx truôx thiaz huôv tsar txux chi, sênhr chêr; huôv tsar têx qơư nuôv zax ndis shuôk uô si; kria têx nênhs uô hâux lưv trâu saz nuôv zax; tsa ban saiz car HTX nuôv zax; cxaz nzir pênhr xưv, fuô kria thax tsav trâu kruô nuôv zax.

Cêr xav ntơưv Đề án txos shông 2025 zuôr huôv tsar têx hax huv nuôv zax txâuk chai tok kruô nuôv zax, li: Nuôv zax đaz kruôk ndêx huôz kas Mường Và; tsêr uô kar nox ntơưv đrak liax “Tổng Na Coỏng Mương” thiaz tus đêx “Nậm Ca”; cxênhx cxênhv nthuôr txux chi sênhr chêr; qơư fuô kria hax huv xơưk fuôv hair nênhs Lok Tsuôk; ndis uô si, nuôv zax ntơưv vax txir thênhx caz, txir quýt Mường Và; cxiv puôz 2 luz tsêr homestay tok kruô pư cias hâur jok… Sir jos têx kruô tuôx trâu Mường Và tâu yax 30.000 pưs kruô, sâu tâu zuôr luôs 3 tỷ đaiv.

Hâur ntu fuô lês Đề án, huyện cxiz cov Sở Txux chi, Thể thao thiaz Nuôv zax tror cxơưz paz, kria hâux lưv fuô lês têx njiaz luk cik txos huôv tsar nuôv zax; côngz xưv por hưv thiaz nthuôr huôv têx txux chi đros trâu huôv tsar nuôv zax thax tsav huyện. Xã Mường Và, jok Mường Và cxiv tsa cêr tuôr xav fuô lês têx hâux lưv cik txos; moz siaz fuô kria, zaz zâuv cán bộ, đảng viên thiaz pêx xênhv paz đas jos chia fuô lês têx njiaz luk ntơưv Đề án.