Sơn La muôx têx qơư tsênhv chênhz, zos đrôngs nhoz đruôz đraz chênhz tsav Tây Bắc thiaz zos ndâux cê tuôx ntơưv Hà Nội, têx tỉnh tiax đras đêx Liaz muk trâu Tây Bắc thiaz têx tỉnh Kâuv têz qơưk Lok Tsuôk. Sơn La là zos iz thax tsav muôx ntâu zav xênhz txơưv huôv tsar nuôv zax. Huôz chuô lax, muôx tox trôngz hâur pêk jông; muôx 12 hair nênhs đros trâu ntâu tsar txux chi jông, muôx 17 zav txux chi tâu têz qơưk côngk nhav (hâur ntơư muôx txux chi Puôz Ziz tuôr têk sênhr chêr tưz tâu UNESCO côngk nhav txux chi jông), 64 kror qơư cênhz cưv txux chi - têx qơư jông gâux tâu xair.

Lar haik yax mak têz qơưk thax qơư nuôv zax Mộc Châu tâu kruôk zos qơư nuôv zax ntiax têz xair zos “Qơư nuôv zax jông yax hâur ntiax têz”; thax tsav pak điện đêx Sơn La tưz tâu njuôk tsov hâur têx qơư nuôv zax têz qơưk ntu 2021-2030, bax txos shông 2045... Zos têx zav pênhv ziv paz tỉnh Sơn La cxiv tsa huôv tsar nuôv zax.

Txos nhiv no, Sơn La muôx 1 kror qơư nuôv zax têz qơưk, 1 kror qơư nuôv zax tỉnh, 10 thax qơư nuôv zax tỉnh. Yênhx 5 zav nuôv zax tsênhv chênhz, zos: Nuôv zax ndis uô si tox trôngz hâur pêk, kôngz lông; nuôv zax txux chi, cênhz cưv; nuôv zax jêx jok; nuôv zax so tsưx hưv đas jos; nuôv zax chuyên đề.

Têx qơư nuôv zax zênhv hnuz zênhv hax zav jông đuô, thâuv cxuô qơư tỉnh tsi njênhk huôv tsar têx qơư nuôv zax jông, muôx cêr hlôngr yiaz. Lar haik yax mak Têz qơưk thax qơư nuôv zax Mộc Châu muôx ntâu qơư nis, li qơư nuôv zax Mộc Châu Island; qơư nuôv zax har jôngr thur jok Áng; qơư nuôv zax đêx tsơưk tsas Dải Yếm; Qơư muk tơư – Car ciaz hmo ntux Mộc Châu; qơư nuôv zax Đền Hang Miếng; têx tsas đêx ntơưv Vân Hồ.

Ntơưv Thành phố muôx Yar tiax lox Tây Bắc; Qơư cênhz cưv tsênhv chênhz Têz qơưk Tsêr tux Sơn La; huyện Yên Châu muôx qơ cênhz cưv cxiv tsa têz qơưk Việt Nam – Lok Tsuôk ntơưv jok Lao Khô; huyện Mai Sơn muôx khu Qơư cênhz cưv Cêr yuôv Cò Nòi; huyện Phù Yên muôx Qơư cênhz cưv tir ntâuk Pháp ntơưv har jôngr jok Nhọt. Tsik tas li, tsênhv muôx qơư nuôv zax Trôngz Pha Đin, huyện Thuận Châu; qơư nuôv zax pak điện đêx Sơn La, huyện Quỳnh Nhai; thiaz qơư nuôv zax Tà Xùa, huyện Bắc Yên...

Têx đuôz zênhx zav nuôv zax Sơn La tâu hax zav ntâu lênhx pâuz đhâu têx cxênhx xưv, têx jias piar kria cêr nuôv zax, li: Cxênhx xưv nuôv zax “Txux chi Sơn La - Tây Bắc”ntơưv thành phố Hà Nội thiaz thành phố Hồ Chí Minh; Hnuz grâuv pax txux chi - Nuôv zax “Suôz cưr cxiax Sơn La - Luông Pha Bang” thiaz Hnuz grâuv pax txux chi - Nuôv zax “Suôz cưr cxiax Sơn La - Hủa Phăn” ntơưv têx tỉnh Luông Pha Băng, Hủa Phăn, têz qơưk Lok Tsuôk; Cêr siz tưr gâux njuôz nuôv zax ntiax têz; Hnuz grâuv pax Nuôv zax txux chi tỉnh Sơn La “Qơư ndis ntux trâus têz xênhz jông yax hâur ntiax têz”; Festival txir hmaz txir ntông thiaz hax huv OCOP Việt Nam; Grâuv pax cà phê Sơn La; fuô têx ntơưr tso chai côngk nhav têz qơưk thax qơư nuôv zax Mộc Châu... Piar kria trâu kruô nuôv zax ntiax têz pâuz mênhx Sơn La - Qơư nuôv zax nhaz xênhz, jông Tây Bắc.

Hâux lưv hlôngr số, zôngv chuôz zênhx 4.0 paz max têx hâux lưv huôv tsar nuôv zax tâu moz siaz lês, li cxiv têx bản đồ số, nuôv zax jông, số hóa têx qơư ndis nuôv zax trâu hâur têx chuôz zênhx 360 độ; qơư saiz cênhz cưv Tsêr tux Sơn La... Hâur ntơư, lês số hóa iz cxia tour nuôv zax jông Sơn La; cơư đuôz têx qơư nuôv zax hâur têz qơưk thax qơư nuôv zax Mộc Châu; tour Mộc Châu 360 độ; cơư têx luk chox kruô tso trâu kruô mnôngs...

Têx qơư jông gâux tâu ntuxx trâus têz xênhz txơưv, đros trâu têx cêr moz siaz lok sâuv huôv tsar nuôv zax, txix shông 2021 txos nhiv no, tưz muôx yax 12 triệu lưv pưs kruô tuôx nuôv zax trâu Sơn La, sâu tâu nto 12.600 tỷ nhiax; tsar 13%/shông. Nuôv zax Sơn La tror huôv tsar, yênhx qơư ndis nuôv zax nhaz xênhz, jông yax hâur cêr nuôv zax đhâu Tây Bắc.