Txix cias thâuv sơưr nzor, tưz muôx chôngz pêx xênhv thiaz kruô tưz siz zâuv tuôx côngv lok six chôngz ntơưv har txir khơưz Nà Ka, phường Cờ Đỏ, thị xã Mộc Châu. Hnuz grâuv pax muôx đồng chí: Hoàng Văn Chất, nguyên Bí thư Tỉnh ủy, kuz Chủ tịch HĐPX tỉnh; Đinh Thị Bích Thảo, Ủy viên Ban Thường vụ Tỉnh ủy, Thơưx  ban Tuyên giáo thiaz Dân vận Tỉnh ủy; Nguyễn Thành Công, Phó Chủ tịch UBPX tỉnh; nov chox car iz cxia sở, ngành ntơưv tỉnh thiaz hlôngr njêx muôs nov hâu tỉnh Tây Ninh đros tsôngv pêx xênhv thiaz kruô nuôv zax.

Đhâu yax 30 shông nrâu chas trâu lax trôngz Mộc Châu, txir khơưz tưz yênhx iz zav hax huv tsênhv chênhz, paz ntâu ziv pêx xênhv txo tâu cêr yaiz pluôs. Nhiv no, Mộc Châu muôx zuôr luôs 3.500 ha, txir khơưz kaz jiz tâu chos thiaz uô jông tu trơưk VietGap, quy hữu cơ hur,ổtuôx njês, fiv huv trâu cêr nyiaz hur. Txir khơưz kaz jiz Mộc Châu tưz uô tơưv ntâu zav huv zênhv hnuz zênhv tâu kruô hâur têz qơưk thiaz fôngx zưs ntiax têz nhiav zuôr.

Pos Nguyễn Thị Hoa, Phó Chủ tịch UBPX  thị xã Mộc Châu, haik: Shông no hnuz grâuv pax tror kruôk têx txir khơưz, nthuôr txux chi cxuô hair nênhs. Đhâu hnuz grâuv pax, Mộc Châu chia siaz zuôr piar kria trâu chôngz lênhx hâur têz qơưk thiaz oz chas têz qơưk pâuz txos têx txir khơưz kaz jiz ntơưv Mộc Châu kaz txơưr hlo têx txir khơưz đuô qơư txơưr, kaz jiz thiaz tsư ha thiaz lar haik yax mak uô jông tu tâu hur, tso siaz lus nox. Đhâu no, phix njiaz luk: Kôngz lông hur, tsik muôx yuôx tuô đrox, yuôx por hưv kôngz lông, por hưv tâu cêr nyiz hur truôx njês, por hưv đas jos trâu têx nênhs sir zôngv. 

Đhâu têx cưr cxiax, sênhr chêr thiaz krưr huv kruôk têx cêr siz tưr: Sâu cưr cxiax kruôk Mộc Châu; tưr KOL nuôv zax  Mộc Châu shông 2025, têx đại biểu, kruô tưz siz chos côngv tưr đê txir khơưz. Hâur luz vax txir khơưz txi ndư chês trơưr đruk, Tuz kôngz tưz tưr lov jêv ntưk hâur 5 phút. Suôx câuv jias tưr paz nênhs tưr nhoz phường Mường Sang tưz đê tâu 8 chov 5 txir.

Niav lâuk Hà Thị Khiết, paz nênhs tưr nhoz phường Mường Sang, haik:ãCuô lênhx hâur pêz paz nênhs tưr lênhx tưs cux muôx txix 1-2 ha txirr khơưz kaz jiz, li ntơư đê txir zos luôs hâux lưv sơưr zênhv sưv lês thâuv luz chaix txir khơưz siar. Chia cov đê sai, têk cux zuôr tsuv đrơưv, xair đê tâu têx luz txir llox yax thiaz jông gâux. 

Tsik zos siz tưr đê txir xưz, Tuz kôngz Mộc Châu tsênhv tưr phaz nzưr, tiz têx txir yênhx têx zênhx zav jông gâux thiaz piar kria têx txir khơưz kaz jiz ntơưv nhiak jêx jok trôngx têz, tiz nênhs Mộc Châu tưz tiz tâu têx tsuv txir jông gâux, muôx txiax njis. Têx tsuv txir  jông gâux, gra bê Mộc Châu bluô nux, tiz nênhs nhiav kruô. Phênhv tưr nox txir zos iz phênhv tâu ntâu lênhx nhiav saiz viv tsik tâu pov đuô, têx nênhs tưr lênhx tưs nox tas ntâu thiaz hur mak zênhx.

Hnuz grâuv pax hax zav lov jêv thâuv kruô tâu côngv têx cêr lov jêv txux chi cxuô hair nênhs: Truz hluô, lâuz cênhv. Ntâu phênhv tưr lov jêv tâu tso yar trâu têx nênhs saiz côngv tưr li: Tưr tuô hnênhr ntâu fâuv nênhs. Iz chas ntơư, tsênhv muôx têx qar thaz nzưr nthuôr muôs têx huv jông Mộc Châu, zos kôngz lông, yuôx thiaz têx kar hno cxuô hair nênhs, muôx cxuô cxuô luôx juk têx txir khơưz kaz jiz tâu jiaz kruôr, yênhx têx thaz nzưr txux chi lax luôv jông. Cxuô tsar zav, tưz yênhx iz hnuz grâuv pax lov jêv ntưk, têx đại biểu thiaz kruô ndo njôngr.

Lar haik, shông no, ntơưv hnuz grâuv pax, zos thơưx jâus thị xã Mộc Châu tso yar tưr kôngz lông thiaz hnar tsôngv yo txux chi cxuô hair nênhs, piar muôs têx hax huv zos kông lông jông thiaz huv OCOP, piar trâu têx kruô hâur têz qơưk thiaz oz chas têz qơưk pâuz mênhx đuô têx huv OCOP zos Tuz kôngz nhoz lax trôngz Mộc Châu uô.

Niav lâuk Hà Thu Uyên, xã Tân Yên haik: Đhâu cxuô phênhv tưr pêz xar piar kria mênhx têx txux chi cxuô hair nênhs thiaz têx kôngz lông, hax huv OCOP jông ntơưv Mộc Châu trâu kruô. Pêz zuôr tror tu trơưk chai  hurr uô tơưv têx haxx huv zos kôngz lông jông, hur, fiv huv đas jos.

Hnuz grâuv pax đê txir thị xã Mộc Châu zos yar đax luôs, muôx txiax njis têx kruô thiaz sơưr đơưk ndo njôngr. Đhâu ntơư, chia piar kria têx txir khơưz Mộc Châu trâu kruô cxuô qơư; huôv tsar kôngz lông đros đraiv por hưv cêr nyiaz hur thiaz tsưx hưv thiaz nthuôr huôv têx txux chi jông; cxiv tsa nzir ntâu qơư nuôv zax  yiaz, kruô nhiav thâuv tuôx  ndis Mộc Châu – Trôngx têz ntux trâus têz xênhz jông gâux hâur ntiax têz.