Côngv trâu jias no, muôx 18 qar tsêr kria têx huv nuôv zax, txux chi, kôngz lông hur, tưx jông, huv OCOP ntơưv têx tsêr luôv, HTX ntơưv huyện Mường La thiaz têx huyện Bắc Yên, tỉnh Sơn La thiaz Mù Cang Chải, Trạm Tấu, tỉnh Yên Bái.

Têx hax huv jông ntơưv yênhx thax tsav. Lar haik têx huv jông li tuôz ziz kruôr, mo mix thaiz Mường Bú, njêk pok naiz Ngọc Chiến… ntơưv huyện Mường La; txir hơưk, chơưr Hang Chú, yuôx zêx Tà Xùa, lâuv huôz xênhz Làng Chếu, kix Mường Khoa, cxur blâuv Xím Vàng, huyện Bắc Yên. Hax huv jiz mur har jôngr, yuôx zêx Púng Luông, cxur blâuv tsư ha Cao Phạ ntơưv Mù Cang Chải; yuôx zêx shan tuyết Phình Hồ, cxur blâuv Lẩu Cáy, njuôs txoz, cuô trox tâux đuz ntơưv Trạm Tấu.

Đhâu têx hâux lưv tênhv, kria no chia paz trâu têx tsêr luôv, hợp tác xã, zis nênhs muôs huv fuô kria têx hax huv jông, hax huv OCOP txos trâu têx kruô thiaz nênhs zuôr huv hâur tỉnh thiaz oz chas tỉnh, paz iz phênhv tưs chuôz jos uô tơưv, uô luôv, muôx chôngz nênhs zuôr zôngv./.