Pir txưr tênhv yax 50 đaiv đuôz cok, zênhx zav lol sâuv cêr uô nênhx, tox trôngz hâur pêk thiaz tiz nênhs Mường La. Hâur ntơư, muôx 30 đaiv zênhx zav ntơưv têx nênhs cxais zênhx zav nhoz hâur thax tsav tỉnh thiaz 20 đaiv đuôz cok zos têx nênhs cok đuôz nhoz cxuô qơư hâur têz qơưk côngv trâu jâus zok nriar cok đuôz “Mul trâu xuz jôngr tuôz ziz tơưs pax”.

Cxuô đuôz cok, zênhx zav tâu tso pir txưr hâur 2 hnuz xiaz 9 thiaz 10/3 ntơưv Hnuz grâuv pax, chia kria txos kror jông, tiz nênhs ntơưv Ngọc Chiến, huyện Mường La, paz iz phênhv tưs fuô kria, cxơưz huôv tsar nuôv zax ntơưv huyện, lar haik, mal nuôv zax jêx jol, ndis shuôk, tâu saiz, txux chi thiaz nuôv zax ntơưv huyện Mường La.