Tâu thav hâur jax đaz nênhs lok sâuv oz tus hluôs gâux Poz Ziz jông gâux, txơưx njê nto bê kria pêx xênhv pâuz chos blêx liax, ntok ntâuz, tuôr têk sênhr chêr, haik cưr cxiax,…chia ndo txiax njis oz tus hluôs gâux yar ntux, pêx xênhv Chiềng Khoa tưz cxiv puôz qơư bê hu uô thax txi Gâux njuôz Bẳng – Gâux njuôz Mương (thax txi Bẳng Mương). Hnuz grâuv pax Pax huôv tsar tơưs tâu kriz hâur yênhx shông ntơưv Chiềng Khoa chia ndo txiax njis oz tus Hluôk gâux yar ntux, saiz hloz txux chi cênhz cưv ntơưv têz qơưk thiaz txox cêr tsiv txiax. Đros ntơư, thor cov shông yiaz tâu jông ntux, uô tâu kôngz lông, muôx đas, muôx jos thiaz muôx hmôngr uô tâu kôngz.

Jias hlơưr shaz no tâu txir đaz txir kruô pêx xênhv Poz Ziz lês đros trâu têx cxênhx cxênhv: Chơư câuv tus xênhz têz xênhz qơư thiaz Gâux njuôz Ban lok đros pêx xênhv nox hâuk, côngv cêr lov jêv thiaz thor cov por hưv pêx xênhv iz shông tâu jông ntux, uô tâu kôngz lông. Phênhv đaz kruô tưz tâu pêx xênhv uô jông chia saiz hloz, uô tsâus txos Gâux njuôz Ban thiaz câuv tus xênhz têz xênhz qơư.

Phênhv hlơưr shaz trâu thax txi tâu kriz hâur yênhx shông, tưz yênhx txux chi cênhz cưv tâu hair nênhs Poz Ziz thax tsav no txuôs jông, huôv tsar đhâu ntâu tiav, chia uô tsâus, hâuk đêx ndo kror cxơưr, choz kria mê nhuôv, tuz las tuz lis pâuz txuôs jông zuk hair nênhs têx kuz chas txux.