Trơưk hair nênhs Poz ziz Đơưz txox chai, Tsiaz 14 luz 7 hli ntux tâu kriz hâur yênhx shông, zos hnuz têx mê nhuôv, xênhz nzưr ndo txos txiax njis pox côngz zơưv txưr, zos jias têx nênhs lâuk hluz txos têx fâuv hluôs. Viv li, hair nênhs Poz ziz Đơưz tsênhv muôx đuô luz bê hu uô Tsiaz mê nhuôv zâuk. Têx hnuz no, cxuô tus mê nhuôv tưz tâu niav txir zuôr trâu têx chêr trik yo yiaz.

Txuv Tsiaz 14 luz 7 hli ntux shông no, muôx 11 paz tưr tuôx ntơưv 11 luz jok hâur xã Quang Huy. Têx paz nênhs txuv tưr hnar tsôngk zuk hair nênhs tsơưs jông thiaz uô trôngx mor jông. Ntơưv phênhv tưr hnar tsôngk jông, têx nênhs tưr tưz hnar zuk hair nênhs têx tsôngk jông, tơưv lâus uz no njia lok six jông jav. Đros ntơư, tsênhv tâu cxiv kho đuô chia fiv huv ntu nênhx yiaz nhiv no, taz sik puôr lênhx txuôs tâu jông thiaz huôv tsar hair nênhs Poz ziz Đơưz ntơưv huyện Phù Yên têx kuz chas txux. Lok sâuv phênhv tưr trâu trôngx mor jông, têx paz nênhs tưz uô trôngx mor muôx txưv cxix cxuô zuk hair nênhs têx jâuz mor kaz. Tsik tas li, têx paz tưr tsênhv muôx nzir iz cxia jâuz mor txơưr trâu luz trôngx mor cov jông đuô.

Kriz hnuz grâuv pax, chia cov pêx xênhv cxuô hair nênhs hâur thax tsav xã Quang Huy muôx cêr thôngx siaz, paz fuô kria hair nênhs Poz ziz Đơưz cênhz cưv txux chi jông trâu fâuv hluôs thiaz kruô nuôv zax pâuz.

Suôx câuv jias tưr, Ban Tổ chức tưz puz 2 hov iz, 4 hov oz, 6 hov pêz thiaz têx hov tưr tâu tov thơưx trâu têx paz tưr lol sâuv phênhv tưr uô trôngx mor jông thiaz 11 tus khênhx hnar tsôngk hair nênhs tsơưs jông.

Ndax trâu jias no, Đảng ủy xã Quang Huy tưz krưr 22 hnaz huv trâu shuv xênhz cơưv coz shông cơưv 2022-2023.