Sơn La zos trôngx têz muôx 12 zav nênhs cưr tix côngv nhoz uô cê, tsa yênhx têx txux chi ntâu tsar zav ,muôx jông txux đros têx zav txux tsưx tsês ntêr shông lok muôx txiax njis thiaz nux gri lox hloz . Hâur ntơư, tsuv thav txos têx txux pov njôngr  tưx taik, muôx 2  qơư  tsưx cêr uô têz hlơưr hlo, 15 kror qơư  tsưx tsês têx zav têz qơư tus, 46 kror tsưx tsês zos tỉnh  tus  zos cêr uô têz qơư – txux chi, vax tsê jông nthuôr txux, têx zav tsês kuz txux chi, qơư jông saiz. Sơn La muôx 15 zav txux chi tsưx tsês njia tsik pov zos têz qơư tus. Hâur ntơư, “Cêr sênhr chêr txux chi Poz Ziz” tưz tâu UNESCO côngk nhav zos Txux chi njia tsik pov zos tiz nênhs tênhx tus.

Zơưs Phạm Hồng Thu, Phó Giám đốc Sở Txux chi, Thể thao  thiaz Nuôv zax, thav pâuz: Hnuz  26/7/2021, Ban Thường vụ Tỉnh ủy Sơn La tưz tso tơưv Câuk luk số 335-KL/TU lok sâuv tso chai lês “Đề án cxiv tsa thiaz huôv tsar txux chi, tiz nênhs Sơn La fiv huv cêr huôv tsar truôx njês ntu 2021-2025, xav txos shông 2030”, chia côngv cxiv kho thiaz huôv tsar txux chia cxiv tsa thiaz huôv tsar txux chi Sơn La iz thênhv jux juk yênhx iz luz jos lox zov chênhr ntơưv cêr xav huôv tsar truôx njês, tas nro. Fuô lês têx hâux lưv zov chênhr ntơưv đề án, Sở Txux chi, Thể thao thiaz Nuôv zax tưz saz lax trâu tỉnh cxiv tsa têx tsưr ziv, dự án, cêr chai nhiax txiax lok sâuv tsưx hưv thiaz huôv tsar têx txux chi, cxiv tsa ntu nênhx nhoz muôx txux chi nhoz xã, jok.

Ntâu shông tsov xav lok sâuv txux chi cxuô zav nênhs Sơn La, zơưs Đinh Văn Liển, Chi hội trưởng Chi hội Cưr cxiax pêx xênhv tỉnh, haik tiak: Iz hair nênhs muôx têx txux chi tsik siz thôngx, uô tâu yênhx têx zav cxix cxuô hâur txux chi cxuô zav nênhs Sơn La. Têx jâus gruôv pax txơưr hlo, cxuô zav txux chi pov njôngr thiaz tsik pov cxuô zav, zos nux gri hâur pâuk pênhr, taz tov tâu pêx xênhv tsưx tsês thiaz huôv nzir.

Txux chi cênhz cưv yênhx kror zov chinhr chia cxiv tsa cêr txux chi, vav mênhx hâur ntu nênhx. Têx shông đhâu, têx txux chi tưz tâu tỉnh moz siaz txos thiaz cxiv tsa đros đraiv têx jâus zaz, cêr siz tưr “cxiv tsa ntu nênhx muôx txux chi nhoz xã, jok”, cxơưz paz pêx xênhv cxuô zav nênhs tsưx tsês têx txux chi cênhz cưv jông. Txos nhiv no, hur si tỉnh tưz muôx 10 luz tsêr txux chi cấp huyện; 185/204 tsêr txux chi cấp xã; 2.898 luz tsêr txux chi cấp jok. Muôx yax 3.300 paz nênhs haik cưr cxiax pêx xênhv, yax 510 câu lạc bộ thể thao nhoz xã, jok, zos têx nênhs trâu siaz tsưx hưv, huôv tsar txux chi cxuô zav nênhs, cxiv tsa nox nhoz vav mênhx, paz max zov chênhr hlôngr pâur ntu nênhx yiaz trâu pêx xênhv.

Têx cêr siz tưr cxiv tsa “Ziv nênhs muôx txux chi”, “Jok txux chi”, “Tổ dân phố txux chi”; Jâus zaz zâuv cxiv tsa “Ziv nênhs gruôs cơưv ntơưr”, “Xênhv nênhs gruôs cơưv” tâu fuô lês truôx njês txos yênhx kror qơư, chuôz jos uô tâu muk đêz đar, nhav tâu kror paz max, đros lês ntơưv têx cấp, ngành, đoàn thể thiaz pêx xênhv zênhv lês. Shông 2022, hur si tỉnh muôx 74% ziv tâu côngz ziv nênhs muôx txux chi, tsar 8,4% njuôk li shông 2018; muôx 57,5% jok, tổ dân phố txux chi; 98% đơn vị, cơ quan, tsêr luôv, yar cơưv muôx txux chi.

Quỳnh Nhai zos huyện nto côngz lol sâuv lês têx cêr siz tưr cxiv tsa ntu luz nênhx muôx txux chi nhoz xã, jok. Zơưs Lò Thanh Thủy, Phó Chủ tịch UBPX huyện, haik tiak: Huyện chox car lês cêr cxiv tsa ntu nênhx muôx txux chi nhoz xã, jok đros đraiv tsưx tsês têx nux gri cênhz cưv ntơưv cxuô zav nênhs. Saiz hloz têx tsưr ziv fuô kria lok sâuv cxiv tsa luz nênhx vav mênhx, paz trâu pêx xênhv pâuz tsưx tsês thiaz lês nzir têx cêr jông txuôs tsês têx txux chi ntơưv huyện, muôx cêr chia siaz trâu luz nênhx thiaz tsưx tsês cênhz cưv txux chi txơưr hlo trâu cêr nuôv zax thax tsav ntus đêx Quỳnh Nhai.

Txux chi Sơn La têx shông tsik ntêr lok no, tâu kria muk đêz đar đhâu têx zav nzuôs đros têx cxiax cxênhv yâu mông huôv tsar txux chi đros đraiv têx cxênhx xưv uô kruô, cxơưz cxiv cêr luôv, zôngv têx huv ntơưv tỉnh, têx cxiax cxênhv kriz đar siz nus, siz khov txux chi đros têx thax tsav hâur têz qơư thiaz ntiax têz, lar haik mak têx tỉnh nhoz têz qơư Lok Tsuôk. Ntơư cux zos têx zav tsiv txiax zov chênhr thiaz khov muôx chia Sơn La huôv tsar saz nuôv zax truôx njês hâur ntu nênhx tov kaz đros têx hax huv nuôv zax jông, txơưr hlo. Đros ntơư, tỉnh Sơn La tsik so saiz hloz têx tsưr ziv chia yôngv siaz têx tiz nênhs jông ntơưv tỉnh. Txos nhiv no, tiv tsôngv uô hâux lưv đhâu choz kria tâu jê  60%. Têx cấp ủy, nov hâu têx cấp tưz saiz hloz têx paz cán bộ saz txux chi lês hâux lưv truôx njês thiaz huôv tsar, fiv huv cêr xav huôv tsar saz nuôv zax truôx njês đros đraiv tsưx hưv nux gri txux chi cênhz cưv.

Cxiv tsa txux chi, huôv tsar tiz nênhs Sơn La taz tov yênhx jos lox, cêr tuôr xav lol sâuv huôv tsar nhiax txiax haik tas nro thiaz tsưx truôx qơư sơưr txơưr hlo hâur saz nuôv zax ntơưv tỉnh.  Txix têx cêr chai xav zos ntêr shông, têx tsưr ziv tsênhv chênhz thiaz zos chai, txux chi cênhz cưv cxuô hair nênhs Sơn La taz tov tâu tsưx truôx, huôv nzir muôx liv, paz iz phênhv tưs tsưx tsês têx nux gri, uô hâuk tsưs trâu cêr huôv tsar truôx njês.