Jias no muôx đồng chí Đặng Ngọc Hậu, Phó Chủ tịch UBPX tỉnh; thơưx car iz cxiax sở, ngành ntơưv tỉnh, huyện Mường La; nênhs hlôngr njêx muôs 15 xã, thị trấn hâur thax tsav huyện, đros hur si pêx xênhv thiaz kruô nuôv zax.

.

Trơưk jax đaz nênhs hâur ntu tiav 14, hur si thax tsav Tây Bắc tưz pov muôx chor nênhs fêv tuôr qix đax nhoz saz Kâuv têz tuôx huôz nox uô đaz uô tuôs trâu pêx xênhv. Viv nzuz thêv chor nênhs no, Gâux njuôz Han tưz uô txux uô iz tus tuz muôx luz bê hu uô Tạo Ỏ sơưr tuôx gruô hu tuz hluôk cxuô luz jok thôngx siaz tir ntâuk tros. Gâux njuôz zos nênhs thơưx chox 16 xứ Poz Ziz muk tir ntâuk zênhx tros. Ntơưv Mường Trai, Gâux njuôz Han tưz tuôx nhoz trâu ntơưv  no tâu 6 luz hli chia tir ntâuk tros. Chia ndo txiax njis nưk têx kror uô tâu, yênhx shông, pêx xênhv Mường Trai tưz kriz jias txi Gâux njuôz Han.

Hnuz grâuv pax Gâux njuôz Han muôx phênhv đaz kruôk thiaz phênhv nthuôr cêr lov jêv. Uô ntêx kriz hnuz grâuv pax, xã tưz muk hlơưr shaz, cxok pax trâu thax txi Gâux njuôz Han, kria pâuz hâux lưv bax thiaz chơư. Txir đaz hlơưr shaz trâu iz trôngx mor graix tưv uô Gâux njuôz Han thiaz xênhz têz xênhz qơư tsâus ntâu. Jias no tâu lês zos cêr tuôr xav chia txuôs jông thiaz huôv tsar pêx xênhv hair nênhs tsơưs txux chi.

Phênhv cêr lov jêv tưz nthuôr têx hâux lưv: Sênhr chêr thav txos ntu Gâux nuôz Han tir ntâuk tros; yuôz trax, haik cưr cxiax siz lưr, tuôr têk sênhr chêr; tưr uô jâuz mor kaz thiaz tưr têx môn thể thao hair nênhs tsơưs.

Hnuz grâuv pax Gâux njuôz Han tâu kriz chia thor tâu jông ntux, sâu tâu nju kôngz lông, pêx xênhv uô nênhx nox tsâu, hnar sor, txâuk txưv; paz txuôs jông thiaz huôv tsar pêx xênhv hair nênhs tsơưs txux chi, côngv thôngx siaz cxiv tsa jêx jok zênhv hnuz zênhv nox tsâu, hnar sor thiaz txâuk txưv./.