Hâur 6 hli hâu shông, hur si tỉnh tưz tok tâu yax 3 triệu pưs kruô nuôv zax (bâuv 104% njuôk li chaix no shông 2023), sâu tâu 3.560 tỷ đaiv (bâuv 119% njuôk li chaix no shông 2023). Hâu ntơư têx kruô nuôv zax oz chas têz qơưkmuôx zuôr luôs 20 cxênhz lênhx (bâuv 187% njuôk li chaix no shông 2023). Têx kruô nuôv zax tsar njuôk li tsaiz no, taz sik têx kruô nuôv zax nhoz oz chas têz qơưklok six tsơưs hâur hur si têx kruô tuôx trâu thax tsav.

Nuôv zax Sơn La taz tov huôv tsar, taz sik têx qơư nuôv zax tsênhv tsik tâu muôx ntâu zav. Yax hlo, nhiv no hâux lưv huôv tsar têx qơư nuôv zax li: Nuôv zax kôngz lông, nuôv zax Trekking thiaz Hiking (Muk tơư saiz tox trôngz, hâur pêk); nuôv zax Glamping, zos têx qơư tâu kruô nuôv zax oz chas têz qơưk lok six nhiav, taz sik huôv tsar ntơưv thax tsav Sơn La.

Têx qơư tâu kruô nuôv zax oz chas têz qơưk xair zos nuôv zax njuôz đros trâu por hưv đêx ar huôz chuô nyiaz hur, tsưx truôx thiaz nthuôr huôv têx txux chi, cênhz cưv cxuô hair nênhs đhâu qơư nuôv zax jêx jok. Taz sik, têx qơư huôv zax jêx jok tsênhv tsik tâu lês jông trâu thax tsav Sơn La. 

Txix li têx cêr phiv liv muôx yưv ntơư, cxuô thax tsav hâur tỉnh taz tov fuô lês ntâu faz tsưr ziv chơư kruô nuôv zax hâur têz qơưk thiaz oz chas têz qơưk. Lês jông hâux lưv ntơư zos huyện Mộc Châu thiaz Vân Hồ zos oz thax tsav nhoz hâur qơư nuôv zax têz qơưk taz tov fuô lês ntâu faz tsưr ziv fiv huv têx zav muôx txơưv ntơưv thax tsav.

Ntơưv huyện Mộc Châu, đros trâu huôv tsar têx hax huv nuôv zax, qơư nuôv zax, huyện tưz moz siaz hlôngr pâur số, sir zôngv công nghệ 4.0 chia fuô kria, huôv tsar nuôv zax. Huyện Mộc Châu taz tov cxiv tsa bản đồ nuôv zax số Mộc Châu (Nuôv zax jông 3D/360 - Mộc Châu-Sơn La); ứng dụng nuôv zax “Mộc Châu Tour”… Sir jos lês jông hâux lưv fuô kria lok sâuv nuôv zax Mộc Châu; sir zôngv yôngx fuô kria sâu mạng xã hội, website nuôv zax chia fuô kria têx qơư nuôv zax jông ntơưv Mộc Châu. Moz siaz cxiv tsa têx đuôz muôx côngz bê thiaz muôx cêr njênhs trâu têx kruô nuôv zax.

Huyện Vân Hồ chox car têx xã huôv tsar nuôv zax njuôz đros trâu por hưv jông đêx ar, huôz chuô; paz nhiax txiax trâu têx xã cxiv kho đuô iz cxia cêr grâuv pax cênhz cưv ntơưv zuk hair nênhs, iz chas cê por hưv têx txux chi, cênhz cưv jông, cê fuô kria têx txux chi, tiz nênhs Vân Hồ, paz muôx qơư nuôv zax chơư trâu chôngz lênhx kruô, yax hlo zos kruô nuôv zax nhoz oz chas têz.

Saz nuôv zax Sơn La taz tov moz siaz hlôngr pâur số, sir zôngv công nghệ thông tin paz max lês tâu jông hâux lưv saiz car, fuô kria, huôv tsar nuôv zax. Huôv tsar ntâu qơư nuôv zax jông chia nthuôr huôv tâu jông têx txux chi, cênhz cưv ntơưv cxuô hair nênhs… Kriz têx jias nhtuôr txux chi nuôv zax hâur têz qơưk thiaz oz chas têz qơưk tỉnh, têx jias tưr thể thao paz trâu fuô kria, chơư tâu chôngz kruô nuôv zax. Kria nzir pênhr xưv trâu têx nênhs uô nuv saz nuôv zax chia fiv huv trâu kruô nuôv zax oz chas têz qơưk siaz nhiav.