Sơn La muôx 12 hair nênhs nhoz uô cê, txux chi muôx ntâu tsar, ntâu zav, cxix cxuô, zav txux chi cxuô hair nênhs. Txux chi zênhx muôx ntơưv tiz nênhs, txux chi cênhz cưv zos zav tâu huôv nzir nux gri thiaz cxiv kho txux chi, vav mênhx hâur ntu nênhx jông nhiv no. 

Huôv nzir nux gri txux chi cxuô hair nênhs, saz Txux chi, Thể thao thiaz Nuôv zax tưz saz lax trâu tỉnh chox car cxiv kho têx cêr xav, đề án, dự án, cêr chai nhiax txiax lok sâuv tsưx tsês thiaz huôv tsar têx txux chi, cxiv kho ntu nênhx nhoz muôx txux chi ntơưv xã, jok... Uô jông côngz xưv tsưx tsês, huôv nzir têx nux gri txux chi, cêr cxiv tsa têz qơư ntơưv tỉnh Sơn La đros têx cêr txuôs tsês txux chi pov njôngr muôx ntâu, li: 2 kro qơư txuôs tsês têz qơưk tus jông txơưr hlo, 15 kro qơư txuôs tsês têz qơưk tus, 46 kro qơư txuôs tsês zos tỉnh tus zos cxuô zav cêr uô têz qơư - txux chi, tsưr ziv txơưx xav tơưv, têx zav txuôs tsês puôs nzor lok, têx tox trôngz hâur pêk jông saiz đros 15 kro qơư txux chi txuôs tsês njia tsik pov têz qơưk. Hâur ntơư, “Sênhr chêr uô Vox muk lok zos Poz Ziz tus” tưz tâu UNESCO côngk nhav zos tiz nênhs Txuôs tsês txux chi. Iz chas ntơư, tỉnh Sơn La tưz muôx 1 tus tâu côngz cưk txux pêx xênhv, 21 tus cưk txux tsiv txiax, kruôk 2 tus cưk txux pêx xênhv thiaz 33 tus cưk txux tsiv txiax tâu côngk nhav, lơưr tưz muôx cêr paz lox hloz chia tsưx, txuôs tsês thiaz huôv nzir têx nux gri txux chi cxuô hair nênhs.

Txix li yax 80% toz hâu nênhs zos pêx xênhv hair nênhs tsơưs, txux chi cênhz cưv taz tov tâu tsưs tsês tsik siz thôngx, nhoz trơưr hâur siaz xav, ntu nênhx chia siaz ntơưv tsôngv pêx xênhv jêx jok. Têx jêx jok tox siaz tsik muôx zuôr gri yôngz ntâu, tsik muôx têx cêr chai đaz kruô tsik jông, mal lês trơưk tsưr ziv yiaz, ntu nênhx vav mênhx, jông fiv huv cêr siz trâus jông. Ntơư cux zos txox chai chia cxênhz “Ziv nênhs txux chi”, “Jok txux chi”... Tas nro tỉnh tưz muôx yax 3.300 paz haik cưr cxiax pêx xênhv tâu tsa tơưv trâu têx jêx jok, thax tsav pêx xênhv nhoz txix li huôv nzir têx suôz cưr cxiax, sênhr chêr pêx xênhv trơưk cênhz cưv ntơưv tiz nênhs tsơưs. Yênhx shông, hur si tỉnh muôx 70% têx ziv nênhs tâu côngz ziv nênhs muôx txux chi, 57,5% têx jok, tổ dân phố muôx txux chi; 98% têx đơn vị, cơ quan, tsêr luôv, yar cơưv muôx txux chi... 

Đros đraiv tsưx tsês, huôv nzir nux gri txux chi cxuô zav nênhs, cxiv kho tiz nênhs Sơn La huôv tsar tas nro fiv huv taix khov huôv tsar truôx njês tsik so tâu cấp ủy, nov hâu têx cấp moz siaz txos. Saiz hloz cxiv kho bax tiz nênhs trơưk faz tas nro, đros đraiv ntov nti, fiv huv ntơưv nux gri cênhz cưv thiaz txơưx fiv ntơưv tiz nênhs Sơn La “Nhiav têz qơưk, thôngx siaz, jav txiv, txiax njis, ndax ndênhk, muôx siaz, ndơưs txơưx fiv ”. 

Ntux yiaz Sơn La pov njôngr pêx xênhv tuôx côngv uô cê thiaz muôx têx suôz cưr cxiax, luk haik, suôz kênhx chơư fôngx zưs đros hmo grâuv pax txux chi thiaz pov njôngr cêr thôngx siaz. Txux chi Sơn La taz tov tâu txuôs tsês cxuô nux gri yênhx cxia tiav nênhx tsiv tsês chia tiz nênhs Sơn La yênhx hnuz siz khov, huôv tsar, côngv đas jos cxiv kho jêx jok cov bluô nux jông đhâu yênhx luz chaix pax tơưs.